All England Championship: લક્ષ્ય સેને ફાઈનલમાં પહોંચીને ઈતિહાસ રચ્યો, સેમિ ફાઈનલમાં જબરદસ્ત જીત મેળવી
All England Championship 2022 : ભારત તરફથી માત્ર પ્રકાશ પાદુકોણ અને પુલેલા ગોપીચંદે જ ઓલ ઈંગ્લેન્ડ ચેમ્પિયનશિપનો ખિતાબ જીત્યો છે.
ભારતના ઉભરતા બેડમિન્ટન ખેલાડી લક્ષ્ય સેને (Lakshya Sen) ઐતિહાસિક જીત નોંધાવીને ઓલ ઈંગ્લેન્ડ ચેમ્પિયનશિપની (All England Championship 2022) ફાઇનલમાં જગ્યા બનાવી લીધી છે. 20 વર્ષીય યુવા ભારતીય શટલરે મેન્સ સિંગલ્સની સેમિ ફાઇનલમાં ડિફેન્ડિંગ ચેમ્પિયન મલેશિયાના લી જી જિયાને ત્રણ સેટની લડાઈમાં 21-13, 12-21, 21-19થી હરાવીને પ્રથમ વખત ફાઇનલમાં પ્રવેશ કર્યો હતો. આ પહેલા વર્ષ 2001 માં આ ખિતાબ જીતનાર જાણિતા ખેલાડી પુલેલા ગોપીચંદ (Pullela Gopichand) પછી આ પ્રતિષ્ઠિત ટુર્નામેન્ટની ફાઇનલમાં પહોંચનાર તે પ્રથમ ભારતીય પુરૂષ ખેલાડી છે. આ ટુર્નામેન્ટની ફાઇનલમાં પહોંચનાર તે માત્ર ચોથો ભારતીય પુરૂષ અને કુલ પાંચમો ભારતીય ખેલાડી છે.
લક્ષ્ય સેન, જેણે આ વર્ષે ઘણા મોટા અપસેટ અને અનુભવીઓને હરાવ્યા, તેણે સેમિ ફાઇનલમાં પણ તેનું જોરદાર પ્રદર્શન ચાલુ રાખ્યું હતું. ટૂર્નામેન્ટની પ્રી-ક્વાર્ટર ફાઇનલમાં વિશ્વના ત્રીજા નંબરના ડેનમાર્કના એન્ડર્સ એન્ટોનસેનને હરાવ્યા બાદ, લક્ષ્યે પ્રથમ વખત સુપર 1000 ટૂર્નામેન્ટની ફાઇનલમાં પ્રવેશ કર્યો. તેણે વિશ્વના નંબર 7 અને છઠ્ઠા ક્રમાંકિત લી જિયાને ક્લોઝ ફાઇટમાં માત આપી હતી.
પહેલા બે સેટમાં એકતરફી જીત
બે ઉત્કૃષ્ટ યુવા ખેલાડીઓ વચ્ચેની આ સ્પર્ધામાં ઝડપ, તાકાતની રમતનો જબરદસ્ત નજારો જોવા મળ્યો હતો. મેચની ત્રણેય સેટમાં ઉગ્ર સ્પર્ધા જોવા મળી હતી અને ઘણી લાંબી અને થકવી નાખનાર સેટ રમાયા હતા. આમ છતાં બંને ખેલાડીઓએ પ્રથમ અને બીજી ગેમમાં એકતરફી જીત નોંધાવી હતી. લક્ષ્ય સેને પ્રથમ ગેમમાં 11-7 ની સરસાઈ મેળવી અને પછી ઈન્ટરવલ બાદ પણ તેની આક્રમક શૈલી ચાલુ રાખી અને 21-13 થી જંગી માર્જિનથી વિજય નોંધાવ્યો.
બીજા સેટમાં ડિફેન્ડિંગ ચેમ્પિયન જીએ શરૂઆતથી જ લક્ષ્ય પર પ્રભુત્વ જમાવ્યું હતું. લક્ષ્ય સેને જીના દરેક હુમલાનો સારો જવાબ આપ્યો હતો. પરંતુ 23 વર્ષીય મલેશિયને તેના અનુભવ અને ચપળતાને જાળવી રાખીને બ્રેક પર 11-4 ની મોટી લીડ લીધી. આ પછી તરત જ લીડ 16-6 થઈ ગઈ. અહીં લક્ષ્ય સેને શાનદાર કમબેક કર્યું અને ત્યાર બાદ સ્કોર 16-10 પર પહોંચ્યો. જો કે, અહીંથી જીએ કોઈ તક આપી ન હતી અને 22 મિનિટમાં ગેમ જીતી લીધી હતી.
HE DID IT 😍🔥@lakshya_sen becomes the 5️⃣th 🇮🇳 shuttler to reach the FINALS at @YonexAllEngland as he gets past the defending champion WR-7 🇲🇾’s Lee Zii Jia 21-13, 12-21, 21-19, in the enthralling semifinals encounter 💪
Way to go!🔝#AllEngland2022#IndiaontheRise#Badminton pic.twitter.com/KL8VB9j2om
— BAI Media (@BAI_Media) March 19, 2022
કાંટે કી ટક્કરમાં લક્ષ્ય સેને સેટ અને મેચ જીતી લીધા
ત્રીજા સેટમાં બંને ખેલાડીઓની ટક્કર ચરમસીમાએ પહોંચી હતી. ફરીથી, મેચમાં લાંબા સેટ રમાયા હતા. નેટની નજીક અદ્ભુત ડ્રોપ શોટ જોવા મળ્યા. આ રમતમાં કોઈને અલગ કરવું સહેલું ન હતું અને સ્પર્ધા ચાલુ રહી. જી એ બ્રેકમાં 11-9 ની લીડ મેળવી હતી. આ મેચમાં સૌથી મોટો તફાવત જીની તરફેણમાં 14-10 હતો, પરંતુ ભારતીય ખેલાડીએ હાર ન માની. લક્ષ્ય સેને પુનરાગમન કર્યું અને અંતે તેણે 21-19 થી ગેમ સાથે મેચ જીતી લીધી.
ગુરુ, પ્રકાશ પાદુકોણની સફળતાનું પુનરાવર્તન કરવાની તક
લક્ષ્ય સેન આ ટૂર્નામેન્ટની ફાઇનલમાં પહોંચનાર માત્ર પાંચમો ભારતીય ખેલાડી છે. તેના પહેલા મેન્સ સિંગલ્સમાં પ્રકાશ નાથ (1947), પ્રકાશ પાદુકોણ (1980, 1981) અને પુલેલા ગોપીચંદ (2001) ફાઇનલમાં પ્રવેશ્યા હતા. તે જ સમયે, મહિલા સિંગલ્સમાં, માત્ર અનુભવી સ્ટાર સાઇના નેહવાલ (2015) ફાઇનલ સુધી સફર કરી હતી. તેમાંથી પાદુકોણે 1980માં અને ગોપીચંદે 2001માં આ ખિતાબ જીત્યો હતો. પ્રકાશ પાદુકોણની એકેડમીમાં તાલીમ લેનાર લક્ષ્ય સેન પાસે હવે તેના માર્ગદર્શકની સફળતાને રીપિટ કરવાનો સમય આવી ગયો છે.
આ પણ વાંચો : AUSW vs INDW : ભારતીય ટીમની હાર છતાં મિતાલી રાજે આ મામલામાં નંબર-1નું સ્થાન હાંસલ કર્યું
આ પણ વાંચો : WI vs ENG: James Anderson સૌથી વધુ વિકેટ લેનાર નંબર 1 ફાસ્ટ બોલર, ટેસ્ટ શ્રેણીમાંથી બહાર થતા નારાજ થયો
Latest News Updates
