French Open 2022 : નોવાક જોકોવિચ 16મી વાર ફ્રેન્ચ ઓપનની ક્વાર્ટર ફાઇનલમાં, હવે નડાલ સાથે થશે કાંટે કી ટક્કર
French Open 2022: નોવાક જોકોવિચ (Novak Djokovic) ફ્રેન્ચ ઓપનની ક્વાર્ટર ફાઇનલમાં પહોંચી ગયો છે. 20 વખતના ગ્રાન્ડ સ્લેમ ચેમ્પિયન જોકોવિચનો હવે અંતિમ આઠમાં મુકાબલો રાફેલ નડાલ (Rafael Nadal) સામે થશે. 13 વખતના ફ્રેન્ચ ઓપન ચેમ્પિયન નડાલે ચોથા રાઉન્ડમાં ફેલિક્સ ઓગર એલિશેમને હરાવ્યો હતો.
ડિફેન્ડિંગ ચેમ્પિયન નોવાક જોકોવિચ (Novak Djokovic) એ રવિવારે 16મી વખત ફ્રેન્ચ ઓપન (French Open 2022) ટેનિસ ગ્રાન્ડ સ્લેમની ક્વાર્ટર ફાઇનલમાં પ્રવેશ કર્યો હતો. ટોચની ક્રમાંકિત સુઝાન લેંગલેને કોર્ટ પર આર્જેન્ટિનાના 15મા ક્રમાંકિત ડિએગો શ્વાર્ટઝમેન સામે 6-1, 6-2, 6-3 થી જીત નોંધાવી હતી. ક્વાર્ટર ફાઇનલમાં સર્બિયાના નોવાક જોકોવિચનો સામનો રાફેલ નડાલ (Rafael Nadal) સામે થશે. તમને જણાવી દઇએ કે સૌથી વધુ વખત ફ્રેન્ચ ઓપન જીતવાનો વર્લ્ડ રેકોર્ડ રફેલ નડાલના નામે છે.
પહેલો સેટ આસાનીથી જીત્યા બાદ મેચ જીતવા માટે જોકોવિચે સંઘર્ષ કરવો પડ્યો હતો
નોવાક જોકોવિચે પ્રથમ સેટ આસાનીથી જીતી લીધો હતો. ડિએગો શ્વાર્ટઝમેને બીજા સેટમાં સતત 3 ગેમ જીતીને 3-0 ની સરસાઈ મેળવી હતી. પરંતુ જોકોવિચે ત્યાર બાદ શાનદાર વાપસી કરી હતી. તેઓએ સતત 7 ગેમ જીત્યા બાદ બીજો સેટ જીત્યો હતો અને પછી ત્રીજા સેટમાં 1-0 ની લીડ મેળવી હતી. નોવાક જોકોવિચે આ વર્ષે રોલેન્ડ ગેરોસમાં અત્યાર સુધીની ચાર મેચોમાં તમામ 12 સેટ જીત્યા છે.
The @DjokerNole Effect 💯
The world No.1 goes one set ahead of Schwartzman, taking the opener 6-1.#RolandGarros pic.twitter.com/gPCfxD6sYH
— Roland-Garros (@rolandgarros) May 29, 2022
Quart de finale N°16 pour Novak à Roland-Garros ✊🇷🇸#RolandGarros pic.twitter.com/wnky6J1Z0f
— Roland-Garros (@rolandgarros) May 29, 2022
20 ગ્રાન્ડ સ્લેમ ટાઇટલ જીતનાર નોવાક જોકોવિચ 2016 અને ગયા વર્ષે ટ્રોફી જીતીને સતત 13 વર્ષ સુધી રોલેન્ડ ગેરોસ (French Open 2022) ખાતે ક્વાર્ટર ફાઇનલમાં પહોંચ્યો છે. ટ્રોફીના મામલે તે માત્ર રાફેલ નડાલથી પાછળ છે. તેના નામે 21 ટ્રોફી છે.
સ્પેનનો રાફેલ નડાલ પણ ક્વાર્ટર ફાઇનલમાં પહોંચી ગયો છે. તેણે ચોથા રાઉન્ડમાં ફેલિક્સ ઓગર એલિશેમને 3-6, 6-3, 6-2, 3-6, 6-3 થી હરાવ્યો હતો. રફેલ નડાલે આ ટૂર્નામેન્ટ 13 વખત જીતી છે. ગ્રાન્ડ સ્લેમ ટુર્નામેન્ટમાં સૌથી વધુ પુરૂષ સિંગલ્સ ટાઇટલ જીતવાનો રેકોર્ડ પણ નડાલના નામે છે.
મહિલા કેટેગરીમાં યુએસ ઓપનની રનર-અપ કેનેડાની લયલા ફર્નાન્ડિઝે અહીં 2019 માં 27મી સીડ અને સેમિ ફાઇનલની અમાન્દા અનિસિમોવા પાર્લાને 6-3, 4-6, 6-3 થી હરાવીને પ્રથમ વખત ક્વાર્ટર ફાઇનલમાં પ્રવેશ કર્યો હતો. 17મી ક્રમાંકિત ખેલાડી હવે ઇટાલીની માર્ટિના ટ્રેવિસન સામે ટકરાશે. તેણે અલીકસાન્દ્રા સાસ્નોવિચને 7-6, 7-5 થી હરાવી હતી. તો 18 વર્ષીય કોકો ગોએ પણ બેલ્જિયમની 31 ક્રમાંકિત એલિસ મેર્ટેન્સ સામે 6-4, 6-0 થી જીત નોંધાવી હતી.
