FIFA World Cup 2022 ના Quarter-Final નું લાઈન-અપ નક્કી, જુઓ સંપૂર્ણ શેડ્યુલ

ક્વાર્ટર ફાઈનલ (Quarter-Final ) ની મેચ 2 દિવસ ચાલશે. 9 થી 10 ડિસેમ્બરની વચ્ચે, 8 ટીમો અહીં પોતાનું નસીબ અજમાવશે, જેમાંથી માત્ર ચાર જ આગળ વધશે.

ફિફા વર્લ્ડકપ 2022ની ક્વાર્ટર ફાઇનલ મેચImage Credit source: PTI

TV9 Gujarati | Edited By: Nirupa Duva | Updated on: Dec 07, 2022 | 9:52 AM

ફિફા વર્લ્ડકપની ક્વાર્ટર ફાઈનલનું લાઈન-અપ નક્કી થઈ ચુક્યું છે. સ્વિઝરલેન્ડ સામે પોર્ટુગલની જીતની સાથે આગળની મેચ નક્કી થઈ ચુકી છે. ક્વાર્ટર ફાઈનલમાં 8 ટીમોએ પોતાનું સ્થાન પાક્કું કર્યું છે પરંતુ આ 8 ટીમમાંથી 4ની કિસ્મત ચમકશે. એટલે કે, તેમને સેમીફાઈનલમાં રમવાની ટિકિટ મળશે કારણ કે, બાકીની 4 ટીમ હારી ક્વાર્ટર ફાઈનલથી સીધી પોતાના ઘરે પરત ફરશે.

ક્વાર્ટર ફાઈનલની મેચ 9 થી 11 ડિસેમ્બર વચ્ચે 8 ટીમ પોતાની કિસ્મત ચમકાવશે. હવે આ 8 ટીમ કઈ છે ચાલો તે પણ જોઈ લઈએ. પહેલા આપણે જોઈએ કે, કઈ ટીમ કોની સાથે ટક્કરાશે ? જે ટીમોએ ક્વાર્ટર ફાઈનલમાં પગ રાખ્યો છે. તેમાં બ્રાઝીલ, આર્જેન્ટિના, ઈંગ્લેન્ડ, ફ્રાન્સ, પોર્ટુગલ, મોરક્કો, નેધરલેન્ડ અને ક્રોએશિયા છે.

ક્વાર્ટર ફાઈનલ, ક્યારે કોની મેચ જોવા મળશે ?

ચાલો હવે ફિફા વર્લ્ડકપની 2022માં રમાનારી 4 ક્વાર્ટર ફાઈનલ પર નજર કરીએ અને જોઈએ કોની ટક્કર જોવા મળશે. પ્રથમ ક્વાર્ટર મેચ 9 ડિસેમ્બરના રોજ બ્રાઝીલ અને ક્રોએશિયા વચ્ચે રમાશે. આ મેચ ભારતીય સમય અનુસાર રાત્રે સાડા 8 કલાકે જોવા મળશે. બીજી ક્વાર્ટર 9 ડિસેમ્બર ફાઈનલ મોડી રાત્રે 12 કલાકે શરુ થશે. જે નેધરલેન્ડ અને આર્જેન્ટિના વચ્ચે રમાશે. ત્રીજી ક્વાર્ટર ફાઈનલ મોરક્કો અને પોર્ટુગલ વચ્ચે 10 ડિસેમ્બરે સાડા 8 કલાકે રમાશે. ત્યારબાદ મોડી રાત્રે 12 કલાકે ચોથી એને છેલ્લી ક્વાર્ટર ફાઈનલ ફ્રાંસ અને ઈંગ્લેન્ડ વચ્ચે રમાશે.