Davis Cup: રોહન બોપન્ના-દિવિજ શરણની રોમાંચક જીત, ભારતે 3-0થી ડેનમાર્કને હરાવ્યું

ભારતે ડેવિસ કપમાં (Davis Cup 2022) ડેનમાર્ક સામે 4-0ની અજેય સરસાઈ મેળવીને વર્લ્ડ ગ્રુપમાં પોતાનું સ્થાન જાળવી રાખ્યું છે. રોહન બોપન્ના (Rohan Bopanna) અને દિવિજ શરણની જોડીએ રોમાંચક ડબલ્સ મેચમાં ફ્રેડરિક નીલ્સન અને મિકેલ ટોર્પગાર્ડને હરાવ્યા હતા. ફેબ્રુઆરી 2019 પછી પ્રથમ વખત ડેવિસ કપ મેચ રમી રહેલા દિવિજ શરણ અને રોહન બોપન્નાએ 6-7(4), 6-4, 7-6(4) થી એક કલાક અને 58 મિનિટમાં જીત મેળવી હતી. આ જીતને કારણે ભારત 2022ની સિઝનમાં વર્લ્ડ ગ્રુપ 1માં પહોંચી ગયું છે. ડેનમાર્કને વર્લ્ડ ગ્રુપ 2માં જવું પડશે. ડબલ્સ પછીના પ્રથમ રિવર્સ સિંગલ્સમાં, રામકુમારે જોહાન્સ ઇંગિલસેનને 5-7 7-5 10-7થી હરાવ્યો હતો. પાંચમી મેચ રમાઈ ન હતી.

નવેમ્બર 2019 પછી ભારતની આ પ્રથમ જીત છે. ત્યારે તેણે પાકિસ્તાનને 4-0થી હરાવ્યું હતું. રોહિત રાજપાલે કેપ્ટન તરીકેની જવાબદારી સંભાળી હતી. આ પછી ભારતને ફિનલેન્ડ અને ક્રોએશિયા સામે 3-1ના માર્જિનથી હારનો સામનો કરવો પડ્યો હતો. યુકી ભામ્બરી અને રામકુમાર રામનાથને ડેનમાર્ક સામે પ્રથમ દિવસે પોતપોતાની મેચ જીતી લીધી હતી અને ભારતને 2-0થી જીતાડ્યું હતું. ભારતે ડબલ્સમાં જીત મેળવી લેતાં જ ડેનમાર્કની હાર નક્કી થઈ ગઈ હશે. પરંતુ ડેનિસની જોડીએ જોરદાર લડત આપી અને પ્રથમ સેટ જીતી લીધો.

ડબલ્સ મેચમાં જોરદાર ટક્કર

ત્રીજી મેચમાં ટકી રહેવા માટે સર્વ કરતા દિવિજ શરણે 12મી ગેમમાં ત્રણ મેચ પોઈન્ટ બચાવ્યા હતા. આ દરમિયાન બીજી સર્વ પર બે મેચ પોઈન્ટ બચાવ્યા હતા. જેના કારણે મેચ ટાઈ-બ્રેકરમાં ગઈ હતી. જ્યાં ભારતીય જોડીએ 4-1ની સરસાઈ મેળવી હતી અને સેટ અને મેચ જીતી લીધી હતી.

રોહન બોપન્નાની સર્વિસથી ભારતને ઘણી મદદ મળી. જેના કારણે ભારતીય જોડી માટે સ્પર્ધા કઠીન બની હતી. નીલ્સને પ્રથમ સેટમાં તેની સર્વિસ પર એક પણ પોઈન્ટ ગુમાવ્યો ન હતો. આવી સ્થિતિમાં મેચ ટાઈબ્રેકરમાં ગઈ હતી. જેમાં ડેનિસની જોડી આસાનીથી જીતી ગઈ હતી.

આ પણ વાંચો : IND vs PAK, LIVE Streaming: ભારત-પાકિસ્તાન વચ્ચે હાઈ વોલ્ટેજ મેચ, જાણો આ મેચ ક્યા અને કેવી રીતે જોઈ શકાશે ?

આ પણ વાંચો : IND vs SL: રવિન્દ્ર જાડેજાને કેમ ના મળ્યો બેવડી સદી ફટકારવાનો મોકો? જાતે જ કર્યો ખુલાસો