All England Open 2023: ભારત માટે ખુશીના સમાચાર, લક્ષ્ય સેન અને પ્રણયની પ્રથમ રાઉન્ડમાં જીત
આ ચેમ્પિયનશિપ 14થી 19 માર્ચ દરમિયાન યુટિલિટા એરેના બર્મિંગહામ ખાતે યોજાઈ રહી છે. આ ટુર્નામેન્ટને સૌથી પ્રતિષ્ઠિત અને સૌથી જૂની બેડમિન્ટન ટુર્નામેન્ટ ગણવામાં આવે છે. આજે પ્રથમ દિવસે પ્રથમ રાઉન્ડ બાદ ભારત માટે ખુશીના સમાચાર સામે આવ્યા છે. લક્ષ્ય સેન અને પ્રણય બંને ભારતીય ખેલાડીઓએ પુરુષ સિંગલના બીજા રાઉન્ડમાં પ્રવેશ કર્યો છે.
ઓલ ઈંગ્લેન્ડ ઓપન બેડમિન્ટન ચેમ્પિયનશિપ 14 માર્ચથી શરૂ થઈ છે. આ ચેમ્પિયનશિપ 14થી 19 માર્ચ દરમિયાન યુટિલિટા એરેના બર્મિંગહામ ખાતે યોજાઈ રહી છે. આ ટુર્નામેન્ટને સૌથી પ્રતિષ્ઠિત અને સૌથી જૂની બેડમિન્ટન ટુર્નામેન્ટ ગણવામાં આવે છે. ભારતમાંથી લક્ષ્ય સેન, પીવી સિંધુ, સાત્વિકસાઈરાજ રેન્કીરેડ્ડી અને ડબલ્સમાં ચિરાગ શેટ્ટી જેવા સ્ટાર્સ પણ ભાગ લઈ રહ્યાં છે. આજે પ્રથમ દિવસે પ્રથમ રાઉન્ડ બાદ ભારત માટે ખુશીના સમાચાર સામે આવ્યા છે. લક્ષ્ય સેન અને પ્રણય બંને ભારતીય ખેલાડીઓએ પુરુષ સિંગલના બીજા રાઉન્ડમાં પ્રવેશ કર્યો છે.
લક્ષય સેન બીજા રાઉન્ડમાં
Lightning-fast reactions from Chou Tien Chen and Lakshya Sen 🏸⚡.
Follow live action: https://t.co/TjoFnU4PnB
HSBC Sport #BWFWorldTour #AllEngland2023 pic.twitter.com/IxfwvTdctg
— BWF (@bwfmedia) March 14, 2023
લક્ષય સેને ચાઈનીઝ ખેલાડી ચાઉ ટિએન ચેનને 48 મિનિટમાં પ્રથમ રાઉન્ડની મેચમાં 21-18, 21-19થી હરાવ્યો.
એચએસ પ્રણયની જીત
HS Prannoy off to a strong start at the All England Open 2023! 🔥🇮🇳#AllEngland2023 #Badminton 🏸 pic.twitter.com/4Or9dT22Kf
— Sportskeeda (@Sportskeeda) March 14, 2023
ભારતીય ખેલાડી એચએસ પ્રણયે ચાઈનીઝ ખેલાડી ઝુ વેઈ વાંગને 49 મિનિટની ગેમમાં 21-19 22-20થી હરાવ્યો હતો. આ જીત સાથે પ્રણયનો વાંગ સામે જીત-હારનો રેકોર્ડ 5-3 થઈ ગયો.
ઓલ ઈંગ્લેન્ડ ઓપન બેડમિન્ટન ચેમ્પિયનશિપ
રાઉન્ડ 1 – 14મી માર્ચ 2023
રાઉન્ડ 2 – 16મી માર્ચ 2023
ક્વાર્ટર ફાઈનલ – 17મી માર્ચ 2023
સેમિફાઇનલ – 18મી માર્ચ 2023
અંતિમ – 19મી માર્ચ 2023
ઓલ ઈંગ્લેન્ડ ઓપન બેડમિન્ટન ચેમ્પિયનશિપનો ઈતિહાસ
ઓલ ઈંગ્લેન્ડ ઓપન એ સૌથી જૂની બેડમિન્ટન ટુર્નામેન્ટમાંની એક છે. 1899માં ઈંગ્લેન્ડના ગિલ્ડફોર્ડમાં પ્રથમ ઓપન ટૂર્નામેન્ટ યોજાયા બાદ આ ટુર્નામેન્ટ શરૂ કરવામાં આવી હતી. ભૂતકાળથી જ આ ટુર્નામેન્ટ સૌથી પ્રતિષ્ઠિત હતી. રમતના કેટલાક મોટા નામો તેને ભૂતકાળમાં પણ રમતા હતા અને અત્યાર સુધી પણ રમે છે. ઓલ ઈંગ્લેન્ડ ઓપન બેડમિન્ટન ચેમ્પિયનશિપ હાલમાં Yonex દ્વારા પ્રાયોજિત છે અને ટુર્નામેન્ટનો કુલ ઈનામી રકમ $1,250,000 છે.
ઓલ ઈંગ્લેન્ડ ઓપન બેડમિન્ટન ચેમ્પિયનશિપ ભારતીયોનું ભૂતકાળનું પ્રદર્શન
ઓલ ઈંગ્લેન્ડ ઓપન બેડમિન્ટન ચેમ્પિયનશિપના ઈતિહાસમાં માત્ર બે વખત ભારતીય ખેલાડીઓએ ટ્રોફી ઉપાડી છે. વર્ષ 1980 માં પ્રકાશ પાદુકોણ ટ્રોફી ઉપાડનાર પ્રથમ ભારતીય બન્યા અને વર્ષ 1981 માં તેઓ રનર-અપ થયા હતા. બીજા ભારતીય ખેલાડી વર્ષ 2001માં પુલેલા ગોપીચંદ હતા. વર્ષ 1947માં પ્રકાશ નાથ, વર્ષ 2015માં સાનિયા નેહવાલ અને વર્ષ 2022માં લક્ષ્ય સેન જેવા ખેલાડીઓ રનર્સ-અપ બન્યા હતા.