Neeraj chopra માટે સન્માન સમારોહ મોટી સમસ્યા બન્યો, ડાયમંડ લીગમાં ભાગ ન લઈ શક્યો
ટોક્યો ઓલિમ્પિકમાં ભારતના નીરજ ચોપરાએ જેવલિન થ્રોમાં ગોલ્ડ મેડલ જીતીને ઈતિહાસ રચ્યો હતો.
Neeraj chopra :ભાલા ફેંકનાર નીરજ ચોપરા ટોક્યો ઓલિમ્પિક (Tokyo Olympics)માં ગોલ્ડ જીત્યા ત્યારથી દરેક જગ્યાએ છે. તેઓ દેશનો નવો હીરો બન્યો છે. દરેક મોટી બ્રાન્ડ નીરજ ચોપરા (Neeraj chopra ) સાથે જોડાવા માંગે છે, દરેક ચેનલ તેની સાથે વાત કરવા માંગે છે. નીરજ તેને લાયક છે અને આ બધું મેળવીને ખુશ છે પરંતુ તે નથી ઇચ્છતો કે લોકો થોડા સમય પછી ફરી તેની રમત ભૂલી જાય.
નીરજ ચોપરા (Neeraj chopra)ભારત આવ્યો છે ત્યારથી તે સતત કાર્યક્રમોમાં ભાગ લઈ રહ્યો છે. તેમને એવોર્ડ સમારંભમાં આમંત્રિત કરવામાં આવી રહ્યા છે, તેઓ સતત ચેનલો, રેડિયો અને અખબારોને ઇન્ટરવ્યુ આપી રહ્યા છે. તેના કારણે તેમનું શેડ્યૂલ સંપૂર્ણપણે બગડી ગયું છે, જે હવે તેમના સ્વાસ્થ્ય (Health)ને પણ અસર કરી રહ્યું છે. આ બધાને કારણે, તે તેની તાલીમ શરૂ કરવામાં સક્ષમ નથી અને તેના માટે ઘણી વસ્તુઓ મુશ્કેલ બની રહી છે.
નીરજ ચોપરા ડાયમંડ લીગમાં નહીં રમે
નીરજ ચોપરાના સાથી ખેલાડીઓએ તેમની નવી સિઝન શરૂ કરી છે પરંતુ ભારતીય સ્ટારને પ્રેકટિસ કરવામાં થોડો સમય લાગશે. નીરજ (Neeraj chopra ) આ મહિનાના અંતમાં યોજાનારી ડાયમંડ લીગ (Diamond League)માં ભાગ લેવાનો હતો. તેણે ઓલિમ્પિક પહેલા તેની યોજના બનાવી હતી પરંતુ તે ભાગ લઈ શક્યો નથી. અવારનવાર કાર્યક્રમોમાં ભાગ લઈને તેના આહારથી લઈને તાલીમ સમયપત્રક બધું જ બગડી ગયું છે. આ કારણે તેની તબિયત પણ બગડી હતી. નીરજે ડાયમંડ લીગમાંથી ખસી જવાનો નિર્ણય કર્યો છે.
પીએમ મોદીને પોતાની બરછી ભેટ આપ્યો
જ્યારે નીરજે ઐતિહાસિક મેડલ જીત્યો ત્યારે સમગ્ર દેશ દ્વારા તેની ઉજવણી કરવામાં આવી હતી. નીરજે એક સમાચપત્ર સાથેની વાતચીતમાં જણાવ્યું હતું કે, જે બરછી દ્વારા તેણે ગોલ્ડ મેડલ જીત્યો હતો તે વડાપ્રધાન નરેન્દ્ર મોદી (PM Narendra Modi)ને ભેટમાં આપી છે
નીરજ ચોપરા મીડિયાનો યોગ્ય ઉપયોગ કરવા માગે છે
કોમનવેલ્થ અને એશિયન ગેમ્સ (Asian Games)બાદ પણ નીરજ ચોપરાને ચાહકો તરફથી ઘણો પ્રેમ મળ્યો છે, જોકે આ વખતે મામલો અલગ છે. નીરજે કહ્યું કે તે જાણવાનો પ્રયાસ કરી રહ્યો છે કે તેણે આગળ શું કરવાનું છે. નીરજે કહ્યું, ‘મેં પહેલા પણ લોકોનું ધ્યાન ખેંચ્યું હતું પરંતુ ઓલિમ્પિક પછી શું થઈ રહ્યું છે તે ખૂબ જ અલગ છે. સ્ટેડિયમોને મારા નામ આપવામાં આવી રહ્યા છે, આવું અગાઉ થયું ન હતું.
આવનારી પેઢીને પ્રેરણા આપવા માટે મીડિયા (Media)નો ઉપયોગ કેવી રીતે કરવો તે હજુ સમજાયું નથી. ઓલિમ્પિક માટે તાલીમ મારા હાથમાં હતી પરંતુ તે મારા હાથમાં નથી. હું લોકો સાથે વાત કરવા માંગુ છું કે હું કેવી રીતે મારી રમત પર ધ્યાન કેન્દ્રિત કરું છું અને દેશમાં એથ્લેટિક્સ અને રમતનું ધોરણ સુધારી શકાય છે.
