IPl 2021: પંજાબ પર ભારે રહ્યું છે અત્યાર સુધી રાજસ્થાન, ગઈ સિઝનમાં પણ પંજાબનો કચ્ચરઘાણ કર્યો હતો
મુંબઈના વાનખેડે સ્ટેડિયમમાં આજે આઈપીએલ 2021 સિઝનની ચોથી મેચ રમાનારી છે. રાજસ્થાન રોયલ્સ અને પંજાબ કિંગ્સ (Rajasthan Royals vs Punjab Kings) વચ્ચે રમનારી આ મેચમાં સૌની નજર સંજૂ સેમસન (Sanju Samson) પર રહેશે.
મુંબઈના વાનખેડે સ્ટેડિયમમાં આજે આઈપીએલ 2021 સિઝનની ચોથી મેચ રમાનારી છે. રાજસ્થાન રોયલ્સ અને પંજાબ કિંગ્સ (Rajasthan Royals vs Punjab Kings) વચ્ચે રમનારી આ મેચમાં સૌની નજર સંજૂ સેમસન (Sanju Samson) પર રહેશે. જે રાજસ્થાન રોયલ્સના નવા કેપ્ટન છે તો પંજાબ કિંગ્સની આગેવાની કે એલ રાહુલ (KL Rahul) પાસે છે. બંને ટીમો માટે પાછળનું સત્ર સારુ રહ્યુ નહોતુ. પંજાબની ટીમ પોઈન્ટ ટેબલમાં છઠ્ઠા અને રાજસ્થાનની ટીમ આઠમાં સ્થાન પર રહી હતી. રાજસ્થાન રોયલ્સ એક વાર ટાઈટલ જીતી શકી છે. જ્યારે પંજાબ કિંગ્સની ટીમ હજુ ટાઈટલ મેળવી શકી નથી. બંને ટીમોનું પ્રદર્શન એકબીજા સામે કેવું રહ્યુ છે, જોઈએ
બંનેમાં સૌથી વધુ જીત રાજસ્થાનની
આઈપીએલમાં રાજસ્થાન અને પંજાબ વચ્ચે અત્યાર સુધીમાં 21 વાર સામ સામે ટકરાઈ ચુક્યા છે. જેમાં 12 મેચોમાં રાજસ્થાન રોયલ્સની જીત થઈ છે તો નવ મેચમાં પંજાબ કિંગ્સની જીત થઈ છે. બંને ટીમો પ્લેઓફમાં ક્યારેય આમને સામને ટકરાઈ નથી. આઈપીએલ 2020ની વાત કરવામાં આવે તો પંજાબ સામે રમાયેલી બંને મેચોમાં રાજસ્થાનને જીત મળી હતી.
IPL 2020માં પંજાબ પર રાજસ્થાન ભારે
સિઝન 2020ની પહેલી મેચમાં રાજસ્થાન રોયલ્સે 224 રનનો ટાર્ગેટ ચેઝ કર્યો હતો. રાહુલ તેવટીયા જે આ મેચમાં શાનદાર ઈનીંગ રમી હતી તો બીજી મેચમાં ક્રિસ ગેઈલે તોફાની 99 રનની ઈનીંગની મદદથી પંજાબે 186 રન બનાવ્યા હતા. રાજસ્થાન રોયલ્સે 17.2 ઓવરમાં તે સ્કોર પાર કરી લીધો હતો. બેન સ્ટોક્સ અને સંજૂ સેમસને શાનદાર રમત રમી હતી. જો પાછળની પાંચ મેચોની વાત કરવામાં આવે તો રાજસ્થાનનું પલડુ ભારે જોવા મળી રહ્યુ છે. રાજસ્થાન એ ત્રણ અને પંજાબે બે મેચ જીતી છે.
મોરીસ અને શામી પર રહેશે નજર
રાજસ્થાનની વાત કરવામાં આવે તો આઈપીએલની શરુઆત પહેલા જ તેને મોટો ઝટકો લાગ્યો છે. ઝડપી બોલર જોફ્રા આર્ચર ઈજાને લઈને શરુઆતની મેચમાં રમી શક્યા નથી. ક્રિસ મોરિસ પર સૌની નજર રહેશે. મોરિસને ટીમે 16.25 કરોડ રુપિયામાં ખરીદ્યો હતો. પંજાબ કિંગ્સની વાત કરવામાં આવે તો પાછલા વર્ષની માફક જ કે એલ રાહુલ મયંક અગ્રવાલ સાથે ઓપનીંગ કરી શકશે તો સૌની નજર મહંમદ સામી પર પણ નજર હશે. જે ઈજાથી સ્વસ્થ થઈને પરત આવી રહ્યો છે.
આ પણ વાંચો: IPl 2021: દિલ્હી કેપિટલ્સ પોઈન્ટ ટેબલમાં ટોચ પર, ધોનીની ટીમ ચેન્નાઈ તળીયે