OMG : વેસ્ટ ઈન્ડિઝ નામનો કોઈ દેશ જ નથી ! શું તમે જાણો છો ?

OMG : ક્રિકેટની રમતમાં તમે ઘણી વખત વેસ્ટ ઈન્ડિઝનું નામ સાંભળ્યું હશે અને તેના ખેલાડીઓને રમતા પણ જોયા હશે, પરંતુ શું તમે જાણો છો કે વેસ્ટ ઈન્ડિઝ એક દેશ નથી? ખરેખર, તે ક્રિકેટ રમતા દેશોનું જૂથ છે, જેને ‘કેરેબિયન દેશો’ કહેવામાં આવે છે. તમને જણાવી દઈએ કે, કેરેબિયન ટાપુઓમાં કુલ 28 દેશ અને પ્રાંત આવે છે, જેમાંથી વેસ્ટ ઈન્ડિઝ ક્રિકેટ ટીમ 15 દેશ અને પ્રાંતના ખેલાડીઓથી બનેલી છે.

કેરેબિયન પ્રદેશ એટલાન્ટિક મહાસાગરમાં સ્થિત એક દ્વીપસમૂહ છે. આ દ્વીપસમૂહ 4,020 કિમી લાંબો અને 257 કિમી પહોળો છે, જેમાં 7000 થી વધુ ટાપુઓ છે. પ્રખ્યાત ક્રિકેટર ક્રિસ ગેલ જમૈકા ટાપુનો છે. એ જ રીતે, વેસ્ટ ઈન્ડિઝ ક્રિકેટ ટીમમાં હાજર તમામ ખેલાડીઓ અમુક દેશ કે પ્રાંતના છે.

ક્યુબા કેરેબિયન દ્વીપસમૂહમાં સૌથી મોટો દેશ છે જ્યારે સૌથી નાનો દેશ સેન્ટ કિટ્સ અને નેવિસ છે. જ્યારે ક્યુબા 42,000 ચોરસ કિલોમીટરના વિસ્તારમાં ફેલાયેલું છે, સેન્ટ કિટ્સ અને નેવિસ માત્ર 261 ચોરસ કિલોમીટરમાં ફેલાયેલું છે.

જેમ આપણે બધા જાણીએ છીએ કે, ક્રિકેટ મેચની શરૂઆત પહેલા બંને ટીમોનું રાષ્ટ્રગીત ગવાય છે, પરંતુ વેસ્ટ ઈન્ડિઝ એક દેશ ન હોવાથી તેમાં કોઈ રાષ્ટ્રગીત નથી. આ ટીમના ખેલાડીઓ ‘ક્રિકેટ ગીત’ ગાય છે.

શું તમે જાણો છો કે આ દ્વીપસમૂહનું નામ કેરેબિયન કેમ રાખવામાં આવ્યું? વાસ્તવમાં, ‘કેરેબ’ નામની આદિજાતિ અહીં રહે છે, જેના પછી આ દ્વીપસમૂહનું નામ કેરેબિયન રાખવામાં આવ્યું હતું. તમને જાણીને આશ્ચર્ય થશે કે, આ જનજાતિના લોકો આદમખોર હતા એટલે કે માણસ ખાનાર અને માનવીનું માંસ ખાતા હતા.

વેસ્ટ ઈન્ડિઝ એટલે કયા દેશ?

ઍંટિગા ઍન્ડ બારબ્યુડા, બાર્બાડોસ, ડૉમિનિકા, ગ્રેનેડા, ગયાના, જમૈકા, સેંટ લુસિઆ, સેંટ વ્હિન્સેંટ ઍન્ડ ગ્રેનેડિયન્સ, ત્રિનિદાદ ઍન્ડ ટોબૅગો, સેંટ કિટ્સ ઍન્ડ નેવ્હિસ, ઍંગ્યુઇલા, મૉંટેસેરાય, બ્રિટિશ વ્હર્જિન આઇલેન્ડ્સ, સિંટ માર્ટેન, યુએસ વર્જિન આઇલેન્ડ્સ.

વેસ્ટ ઈન્ડિઝ ક્રિકેટ બોર્ડ સંલગ્ન ઍસોસિયેશન્સ

વેસ્ટ ઈન્ડિઝ ક્રિકેટ બોર્ડ સંલગ્ન છ ક્રિકેટ ઍસોસિયેશન્સ છે, જેમાં બાર્બાડોસ, ગયાના, જમૈકા, ત્રિનિદાદ ઍન્ડ ટોબૅગો, લીવર્ડ આઇલેન્ડ્સ અને વિંડવર્ડ આઇલેન્ડ્સના બોર્ડ્સનો સમાવેશ થાય છે.

વેસ્ટ ઈન્ડિઝએ કેરેબિયન અને ઉત્તરી એટલાન્ટિક સમુદ્રનો વિસ્તાર છે જે ઘણાં ટાપુઓ અને એન્ટિલિસ અને લઆયુન દ્વીપસમૂહનો સમાવેશ કરે છે. ક્રિસ્ટોફર કોલંબસની અમેરિકાની  પ્રથમ સફર બાદ, યુરોપિયને ભારતથી ( દક્ષિણ એશિયા  અને દક્ષિણપૂર્વ એશિયા) આ પ્રદેશને અલગ પાડવા માટે ખોટી રીતે વેસ્ટ ઇન્ડિઝ તરીકે સંબોધવાનું શરુ કર્યું હતુ.

આ પણ વાંચો : Tokyo Paralympics ખેલાડીઓ પીએમ સાથે વાત કરતી વખતે ભાવુક થઈ ગયા, કહ્યું – કોઈએ આવું સન્માન આપ્યું નથી