INDW vs RSAW: વન ડે ક્રિકેટમાં મિતાલી રાજ આમ કરનારી વિશ્વની પ્રથમ મહિલા ક્રિકેટર બની
દક્ષિણ આફ્રિકા (South Africa)ની મહિલા ક્રિકેટ ટીમ હાલમાં ભારતના પ્રવાસ પર છે. બંને ટીમો વચ્ચે પાંચ મેચોની સિરીઝ રમાઈ રહી છે. ચોથી વન ડે આંતરરાષ્ટ્રીય મેચ આ દરમ્યાન રમાઈ છે.
દક્ષિણ આફ્રિકા (South Africa)ની મહિલા ક્રિકેટ ટીમ હાલમાં ભારતના પ્રવાસ પર છે. બંને ટીમો વચ્ચે પાંચ મેચોની સિરીઝ રમાઈ રહી છે. ચોથી વન ડે આંતરરાષ્ટ્રીય મેચ આ દરમ્યાન રમાઈ છે. ટીમ ઇન્ડીયા (Team India)ની કેપ્ટન મિતાલી રાજે (Mithali Raj) 45 રનની ઈનીંગ રમી હતી. તેની ઈનીંગ સાથે તેણે વન ડે ઈન્ટરનેશનલમાં 7,000 રનનો આંકડો પાર કરી લીધો છે. વન ડે ઈન્ટરનેશનલમાં 7,000 રન કરનારી મિતાલી રાજ વિશ્વની પ્રથમ મહિલા ક્રિકેટર બની ચુકી છે. મિતાલીએ 71 બોલમાં ચાર ચોગ્ગાની મદદ સાથે આ ઈનીંગ રમી હતી. વન ડે ઈન્ટરનેશનલમાં સૌથી વધારે રન બનાવવાવાળી મહિલા ક્રિકેટરોમાં બીજા નંબર પર શૈલેર્ટ એડવર્ડ (Charlotte Edwards) છે. જેના ખાતામાં 5,992 રન છે.
વન ડેમાં 6,000 રનના આંકડાને પણ પાર કરનારી પ્રથમ મહિલા ક્રિકેટર પણ મિતાલી રાજ હતી. મિતાલી રાજે 213 મેચમાં 50.49ની સરેરાશથી 7,019 રન બનાવ્યા છે. મિતાલીએ કેરિયર દરમ્યાન 7 શતક અને 54 અર્ધશતક લગાવ્યા છે. તેનો બેસ્ટ સ્કોર નોટ આઉટ 125 રન છે. પાછળની મેચમાં જ મિતાલીએ 10,000 ઈન્ટરનેશનલ રનનો આંકડો પાર કર્યો હતો. આમ કરનારી મિતાલી રાજ પ્રથમ ભારતીય મહિલા ક્રિકેટર છે.
Magnificent Mithali! 🙌🙌#TeamIndia ODI skipper becomes the first woman cricketer to score 7⃣0⃣0⃣0⃣ ODI runs. 👏👏
What a performer she has been! 👍👍@M_Raj03 @Paytm #INDWvSAW pic.twitter.com/qDa6KZymlg
— BCCI Women (@BCCIWomen) March 14, 2021
મેચની જો વાત કરવામાં આવે તો ભારતીય મહિલા ટીમે 50 ઓવરમાં ચાર વિકેટ ગુમાવીને 266 રન બનાવ્યા હતા. પૂનમ રાવતે નોટઆઉટ 104 રન કર્યા હતા. હરમનપ્રિત કૌર એ ધુંઆધાર 54 રન 35 બોલમાં બનાવ્યા હતા. તેણે તેની આ શાનદાર ઈનીંગમાં સાત ચોગ્ગા અને એક છગ્ગો લગાવ્યો હતો. જોકે ભારતે મેચને 7 વિકેટે ગુમાવી હતી.
આ પણ વાંચો: Mamta Banerjee પર હુમલાના કોઈ જ સબૂત નહીં, આ માત્ર હતો એક અકસ્માત: ચૂંટણી પંચ
Latest News Updates
