WTC Final : શાર્દુલ ઠાકુર બાદ મોહમ્મદ શમીએ ઓવલની પિચ પર ઉઠાવ્યા સવાલ
શાર્દુલ ઠાકુરે પહેલા ધ ઓવલની પિચ પર સવાલો ઉઠાવ્યા હતા અને હવે મોહમ્મદ શમીએ પણ કહ્યું છે કે આ પિચ વર્લ્ડ ટેસ્ટ ચેમ્પિયનશિપની ફાઈનલ માટે સંપૂર્ણ રીતે તૈયાર નહોતી.
ભારતીય ક્રિકેટ ટીમ હાલમાં ઓવલ મેદાન પર ICC વર્લ્ડ ટેસ્ટ ચેમ્પિયનશિપની ફાઈનલ રમી રહી છે. મેચના છેલ્લા દિવસે ટીમ ઈન્ડિયાને જીતવા વધુ 280 રનની જરૂર છે. પરંતુ આ દરમિયાન ટીમ ઈન્ડિયાના અનુભવી ઝડપી બોલર મોહમ્મદ શમીએ એક મોટી વાત કહી છે. શમીએ કહ્યું છે કે ઓવલની પિચ વર્લ્ડ ટેસ્ટ ચેમ્પિયનશિપની ફાઈનલ માટે સંપૂર્ણ રીતે તૈયાર નહોતી.
ભારતને ફાઇનલ જીતવા 444 રનનો ટાર્ગેટ
ભારતીય ટીમના કેપ્ટન રોહિત શર્માએ આ મેચમાં ટોસ જીતીને પ્રથમ બોલિંગ કરવાનો નિર્ણય કર્યો હતો. ઓસ્ટ્રેલિયાએ પ્રથમ બેટિંગ કરતા 469 રન બનાવ્યા હતા. આ સ્કોર સામે ટીમ ઈન્ડિયા પ્રથમ દાવમાં 296 રનમાં ઓલઆઉટ થઈ ગઈ હતી. આ પછી ઓસ્ટ્રેલિયાએ તેનો બીજો દાવ આઠ વિકેટના નુકસાને 270 રન પર ડિકલેર કર્યો હતો અને ભારતને 444 રનનો ટાર્ગેટ આપ્યો હતો. ટીમ ઈન્ડિયાએ ચોથા દિવસની રમત પૂરી થવા સુધી ત્રણ વિકેટ ગુમાવીને 164 રન બનાવી લીધા છે. હવે તેને અંતિમ દિવસે જીતવા માટે વધુ 280 રનની જરૂર છે.
View this post on Instagram
‘પિચ સંપૂર્ણ રીતે તૈયાર નહોતી’
ચોથા દિવસ પછી પ્રેસ કોન્ફરન્સમાં આવેલા મોહમ્મદ શમીએ ઓવલની પિચ વિશે કહ્યું છે કે આ પિચ ફાઈનલ માટે સંપૂર્ણપણે તૈયાર નથી. શમીએ કહ્યું કે જેમ-જેમ ટેસ્ટ મેચોમાં દિવસો આગળ વધે છે તેમ-તેમ પિચ ધીમી થતી જાય છે. શમીએ કહ્યું કે પિચ જોયા બાદ તેને નથી લાગતું કે આ પિચ ફાઈનલ માટે સંપૂર્ણપણે તૈયાર છે. શમીએ કહ્યું કે આ પિચ સંપૂર્ણ રીતે તૈયાર નથી પરંતુ દરરોજ બદલાતી રહે છે.
આ પણ વાંચોઃ WTC Final 2023માં થર્ડ અમ્પાયરના નિર્ણય પર મોટો વિવાદ, કેમરુન ગ્રીને આ રીતે પકડયો ગિલનો કેચ ! જુઓ Video
View this post on Instagram
શાર્દુલ ઠાકુરે પણ સવાલો ઉઠાવ્યા હતા
શમી પહેલા ભારતીય ટીમના અન્ય ફાસ્ટ બોલર શાર્દુલ ઠાકુરે પણ આ પિચ પર સવાલો ઉઠાવ્યા હતા અને કહ્યું હતું કે આ પિચ તૈયાર નથી. ઠાકુરે તેના છેલ્લા ઈંગ્લેન્ડ પ્રવાસ સમયની અને વર્લ્ડ ટેસ્ટ ચેમ્પિયનશિપની ફાઈનલની પિચની સરખામણી કરી હતી. ઠાકુરે કહ્યું હતું કે પિચ તદ્દન અલગ છે. ઠાકુરે કહ્યું હતું કે છેલ્લી વખત જ્યારે તે રમ્યો હતો ત્યારે પિચ સમય સાથે સપાટ થઈ ગઈ હતી પરંતુ આ વખતે એવું નથી થઈ રહ્યું કારણ કે પિચ સંપૂર્ણ રીતે તૈયાર નથી.
