WPL Auction : આ 24 ખેલાડીઓની સૌથી વધુ બેઝ પ્રાઈસ, અહીં સંપૂર્ણ લિસ્ટ જુઓ

મહિલા પ્રીમિયર લીગની હરાજીમાં સૌથી વધુ બેઝ પ્રાઇસ 50 લાખ રૂપિયા રાખવામાં આવી છે. આ બેઝ પ્રાઈસ સાથે 24 ખેલાડીઓ હરાજીમાં ઉતરશે

આ 24 ખેલાડીઓની સૌથી વધુ બેઝ પ્રાઈસImage Credit source: Twitter

TV9 Gujarati | Edited By: Nirupa Duva | Updated on: Feb 08, 2023 | 3:16 PM

BCCIએ મહિલા પ્રીમિયર લીગને લઈને તમામ જરૂરી માહિતી જાહેર કરી છે. લીગના શેડ્યૂલથી લઈને WPLની હરાજીની તારીખ સુધી બધું જ નક્કી કરવામાં આવ્યું છે. ગયા મહિને ટીમો નક્કી કરવામાં આવી હતી. હવે થોડા દિવસોમાં ખેલાડીઓના કિસ્મતનો નિર્ણય થવાનો છે. BCCIની પ્રથમ મહિલા પ્રીમિયર લીગની હરાજી 13 ફેબ્રુઆરીએ મુંબઈમાં યોજાશે. આ માટે ખેલાડીઓની યાદી પણ બહાર પાડવામાં આવી છે.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

છેલ્લા ઘણા સમયથી વિમેન્સ પ્રીમિયર લીગના સંગઠનને લઈને ચર્ચાઓ ચાલી રહી હતી. છેલ્લે ગયા વર્ષે સત્તાવાર રીતે જાહેરાત કરવામાં આવી હતી કે, આ લીગ વર્ષ 2023થી શરૂ થશે. ગયા મહિને મહિલા પ્રીમિયર લીગની 5 ટીમો રૂ. 4669.99 કરોડ (અંદાજે રૂ. 4670 કરોડ) માં વેચાઇ હતી. આ પાંચ ટીમો અમદાવાદ, મુંબઈ, બેંગલુરુ, દિલ્હી અને લખનૌની હશે. લીગની પ્રથમ મેચ 4 માર્ચે રમાશે. લીગની તમામ મેચો મુંબઈના બ્રેબોન અને ડીવાય પાટીલ સ્ટેડિયમ ખાતે રમાશે.

409 ખેલાડીઓની બોલી લગાવવામાં આવશે

મહિલા પ્રીમિયર લીગ માટે વિશ્વભરમાંથી 1525 ખેલાડીઓએ પોતાના નામ નોંધાવ્યા હતા. બીસીસીઆઈ દ્વારા હરાજી માટે તૈયાર કરાયેલા ડ્રાફ્ટમાં 409 ખેલાડીઓનો સમાવેશ થાય છે. 409 ખેલાડીઓમાંથી 246 ભારતીય છે જ્યારે 163 વિદેશી છે. આઠ ખેલાડીઓ પણ સહયોગી દેશના છે. 409 માંથી 202 કેપ્ડ છે (જે ખેલાડીઓ આંતરરાષ્ટ્રીય ક્રિકેટ રમ્યા છે) અને 199 અનકેપ્ડ છે.

સૌથી વધુ બેઝ પ્રાઈસ ધરાવતા ખેલાડીઓ

5 ટીમોમાં 90 ખેલાડીઓની જગ્યા છે, જેમાં 30 વિદેશી ખેલાડીઓ હશે. ખેલાડીઓ માટે સૌથી વધુ બેઝ પ્રાઇસ 50 લાખ રૂપિયા રાખવામાં આવી છે. 50 લાખની મૂળ કિંમત સાથે 24 ખેલાડીઓ આ હરાજીમાં પ્રવેશ કરશે. ઓલરાઉન્ડર હરમનપ્રીત કૌર, વાઈસ-કેપ્ટન સ્મૃતિ મંધાના, અંડર-19 વર્લ્ડ ચેમ્પિયન શેફાલી વર્મા સહિત 10 ભારતીય ખેલાડીઓ આ બ્રેકેટમાં સામેલ છે. આ જ 14 વિદેશી ખેલાડીઓની બેઝ પ્રાઈસ પણ 50 લાખ રૂપિયા છે. 30 ખેલાડીઓની બેઝ પ્રાઈસ 40 લાખ રૂપિયા હશે. બાકીના ખેલાડીઓ 30 લાખની બેઝ પ્રાઈસ સાથે મેદાનમાં ઉતરશે.