WPL Final પહેલા જ મુંબઈ ઈન્ડિયન્સની 20 વર્ષીય ખેલાડી કર્યો કમાલ, Hat-trick ઝડપી રચ્યો વિક્રમ, Video
WPL Final માં પહોંચવા પહેલા જ મુંબઈ ઈન્ડિયન્સ ટીમની ઈંગ્લીશ ખેલાડીએ યુપી વોરિયર્સ સામેની એલિમિનેટર મેચમાં કમાલ કરી દીધો હતો. યુપીની બેટિંગ ઈનીંગ દરમિયાન તેણે પોતાને નામે વિક્રમ નોંધાવ્યો હતો.
WPL 2023 હવે તેના અંતિમ તબક્કામા પહોંચી છે. રવિવારે રમાનારી ફાઈનલ મેચ પહેલા જ મુંબઈ ઈન્ડિયન્સની ઝડપી બોલરે કમાલની બોલિંગ કરીને રેકોર્ડ નોંધાવ્યો છે. વુમન્સ પ્રીમિયર લીગની પ્રથમ હેટ્રિક લેનારી બોલર નોંધાઈ છે. ઈંગ્લેન્ડની આ ઝડપી બોલર ઈઝી વોન્ગે ઈતિહાસ રચી દેતી બોલિંગ કરીને તરખાટ મચાવી દીધો હતો. મુંબઈ ઈન્ડિયન્સ ટીમ WPL Final માં પહોંચી છે અને આ પહેલા જ તેણે હેટ્રિક ઝડપીને ટીમને ચેમ્પિયન બનાવવાનો ઈરાદો સાફ હોવાનુ બતાવી દીધુ હતુ.
WPL 2023 ની એલિમિનેટર મેચ યુપી વોરિયર્સ અને મુંબઈ ઈન્ડિયન્સ વચ્ચે રમાઈ હતી. આ મેચમાં ઈંગ્લેન્ડની 20 વર્ષીય યુવા ઝડપી બોલરે આ કમાલ કરીને પોતાનુ નામે કાયમ માટે રેકોર્ડ બુક્સમાં નોંધાવ્યુ છે. ઈઝી વોન્ગ લીગમાં હેટ્રિક ઝડપનારી પ્રથમ બોલર છે. હવે કાયમ માટે જ્યારે પણ ટૂર્નામેન્ટમાં હેટ્રિક કોઈ બોલર ઝડપશે, ત્યારે વોન્ગને જરુર યાદ કરવામાં આવશે.
વોંગે મચાવ્યો તરખાટ
મુંબઈ ઈન્ડિયન્સ સામે કિરણ નવગિરેનુ વાવુઝોડુ શમાવવાનો પડકાર હતો. મુંબઈની ટીમને ફાઈનલમાં પહોંચવાની ટિકિટ કિરણ ઝૂંટવી શકવાની ક્ષમતા ધરાવતી હતી. આથી કેપ્ટને ઈંગ્લીશ ઝડપી બોલર ઈઝી વોન્ગના હાથમાં 13મી ઓવર માટે બોલ આપ્યો હતો. વોન્ગે ઓવરમાં ટીમના માટે જીત ઈઝી બનાવી દેતો તરખાટ મચાવી દીધો હતો. 20 વર્ષીય ઈંગ્લીશ બોલરે એક જ નહીં પણ ત્રણ વિકેટો ઝડપી બતાવી હતી. સૌથી પહેલા જ મોટી રાહત કિરણ નવગિરેને આઉટ કરાવીને મેળવી હતી, ત્યાર બાદ સિમરન શેખને બોલ્ડ કરી દીધી હતી.
ઓવરના બીજા બોલે નવગિરે અને ત્રીજા બોલે સિમરનને આઉટ કર્યા બાદ હવે વારો સોફી એક્લેસ્ટનનો હતો. વોન્ગે એક્લેસ્ટનને પણ ક્લીન બોલ્ડ કરીને પરત મોકલી દીધી હતી. એકલેસ્ટન અને સિમરન બંને ગોલ્ડન વિકેટ ગુમાવવા સાથે વોન્ગે ઈતિહાસ સર્જી દીધો હતો. વોન્ગના નામે WPL ની પ્રથમ હેટ્રિક નોંધાઈ ગઈ હતી.
– #
Take a bow Issy Wong
Follow the match ▶️ https://t.co/QnFsPlkrAG#Eliminator | #MIvUPW pic.twitter.com/n3ZKFaxNvP
— Women’s Premier League (WPL) (@wplt20) March 24, 2023
વોન્ગનુ પ્રભાવિત કરનારુ પ્રદર્શન
શુક્રવારે યુપી સામેની મેચમાં ઇઝી વોન્ગે 4 ઓવર કરીને માત્ર 15 રન જ ગુમાવ્યા હતા. આ દરમિયાન હેટ્રિક સાથે તેણે 4 વિકેટ ઝડપી હતી. 13મી ઓવરમાં તેણે હેટ્રિક ઝડપ્યા બાદ યુપીને મેચમાં ફરીથી ઉભા થવુ મુશ્કેલ બની ગયુ હતુ.
માત્ર 30 લાખ રુપિયાની કિંમતે મુંબઈ ઈન્ડિયન્સ સાથે જોડાયેલી ઈંગ્લીશ યુવા બોલર સિઝનમાં 9 મેચો રમી ચુકી છે. આ દરમિયાન તેણે 12 વિકેટ પોતાના નામે કરી છે. સિઝનમાં પ્રભાવિત કરનારુ પ્રદર્શન કરતા માત્ર 5.89ની ઈકોનોમી સાથે રન ખર્ચ કર્યા છે.