Women’s World Cup 2022: ન્યુઝીલેન્ડ ભારત સામે 261 રનનુ લક્ષ્ય રાખ્યુ, એમેલિયા અને એમીની અડધી સદી, વસ્ત્રાકરની 4 વિકેટ

ભારત અને ન્યુઝીલેન્ડ (India Vs New Zealand) મહિલા ક્રિકેટ ટીમ વચ્ચે હેમિલ્ટનમાં આઇસીસી વિશ્વકપ (Icc Women World Cup 2022) ની મેચ રમાઇ રહી છે. ભારતે ટોસ જીતીને પ્રથમ બોલીંગ કરવાનુ પસંદ કર્યુ હતુ. ન્યુઝીલેન્ડી ટીમે એમી સેટર્થવેઇટ અને એમિલયા કરની અડધી સદીની મદદ વડે 260 રનનો સ્કોર કર્યો હતો. ભારત તરફ થી પૂજા વસ્ત્રાકરે (Pooja Vastrakar) 4 વિકેટ ઝડપીને ન્યુઝીલેન્ડની ટીમ પર મુશ્કેલી વર્તાવી હતી. ન્યુઝીલેન્ડે 9 વિકેટ ગુમાવી હતી. ભારતીય બોલરોએ ઓપનીંગ જોડીને તોડી હતી, પરંતુ ત્યાર બાદ અડધી સદી ફટકારનાર બંને ખેલાડીઓના રન પર નિયંત્રણ કરવામાં વાર લગાડતા કિવી ટીમ સન્માન જનક સ્કોર સુધી પહોંચી શકી હતી.

ભારતે હવે સૌથી મોટા રન ચેઝનો રેકોર્ડ તોડવો પડશે, ન્યુઝીલેન્ડનુ લક્ષ્ય ભારતીય ટીમ માટે આ એક પડકાર બનશે. કારણ કે ભારતે 2019ના વર્ષ દરમિયાન દક્ષિણ આફ્રિકાસામે 248 રનનુ લક્ષ્ય પાર કર્યુ હતુ. આમ રન ચેઝ કરવા માટે ટીમ નવો રેકોર્ડ રચવો પડશે. ભારતે વિશ્વકપમાં પ્રથમ મેચમાં પાકિસ્તાન સામે મોટી જીત મેળવી હતી. ભારત માટે સારી વાત એ છે કે પીચ બેટિંગ માટે યોગ્ય છે અને તે તેના લક્ષ્યને જાણે છે. આ રેકોર્ડ લક્ષ્યનો પીછો કરવા માટે ભારતીય ટીમને સારી શરૂઆતની જરૂર પડશે.

ન્યુઝીલેન્ડની મજબૂત શરૂઆત

ન્યુઝીલેન્ડે ભારત સામે ધમાકેદાર શરૂઆત કરી હતી. ભલે તેને પહેલો ઝટકો વહેલો લાગ્યો, પરંતુ બીજી અને ત્રીજી વિકેટની ભાગીદારીએ ટીમને મોટા સ્કોર સુધી પહોંચાડી દીધો. મેચમાં એક સમયે એવું લાગી રહ્યું હતું કે ન્યૂઝીલેન્ડ સરળતાથી 300 રનનો આંકડો પાર કરી જશે. પરંતુ, ભારતીય બોલરો અને ખાસ કરીને પૂજા વસ્ત્રાકરે કિવી ટીમની 300 રન બનાવવાની ઈચ્છા પર પાણી ફેરવી દીધુ હતુ.

પૂજા વસ્ત્રાકરે 10 ઓવરમાં 34 રન આપીને 4 બેટ્સમેનોને આઉટ કર્યા હતા. જ્યારે રાજેશ્વરી ગાયકવાડે 10 ઓવરમાં 46 રન આપીને 2 વિકેટ લીધી હતી. આ સિવાય ઝુલન ગોસ્વામી અને દીપ્તિ શર્માને 1-1 વિકેટ મળી હતી.

આ પણ વાંચોઃ Sreesanth Retires: મેચમાં બાઉન્સર થી ડાન્સર અને બોલિંગ થી લઈને હંગામા સુધી, આવી રહી હતી શ્રીસંતની કરિયર

આ પણ વાંચોઃ Cricket Rules Changed: સચિન તેંડુલકરે ક્રિકેટ નિયમોમાં ફેરફારને આવકાર્યા, તો ઇંગ્લીશ ખેલાડીએ કહ્યુ તેમાં કોઇ સ્કિલ નથી