Women IPL : BCCI એ મહિલા IPL ને આપી લીલી ઝંડી, 2023થી 6 ટીમો વચ્ચે રમાશે ટૂર્નામેન્ટ

ભારતીય ક્રિકેટ કંટ્રોલ બોર્ડ (BCCI) આવતા વર્ષથી મહિલા IPL (Women IPL) શરૂ કરવાની તૈયારી કરી રહ્યું છે. શુક્રવારે મુંબઈમાં ઈન્ડિયન પ્રીમિયર લીગ (IPL) ગવર્નિંગ કાઉન્સિલની બેઠકમાં નિર્ણય લેવામાં આવ્યો હતો કે 2023 થી મહિલા ક્રિકેટરો માટે 6 ટીમની ટી20 ટૂર્નામેન્ટ શરૂ કરવા માટે તમામ પ્રયાસો કરવામાં આવશે. જેમાં વર્તમાન ફ્રેન્ચાઈઝીને પ્રથમ પસંદગી આપવામાં આવશે. જોકે, આ વર્ષે મેચો માત્ર મહિલા ટી20 ચેલેન્જ સામે જ યોજાશે. ભારતીય ક્રિકેટ બોર્ડ (BCCI) ના પ્રમુખ સૌરવ ગાંગુલી (Sourav Ganguly) એ કહ્યું, એજીએમમાં મહિલા આઈપીએલને મંજૂરી આપી દીધી છે. અમે તેને આવતા વર્ષ સુધીમાં લોન્ચ કરવાની રાહ જોઈ રહ્યા છીએ.

BCCI પર લાંબા સમયથી મહિલા IPL શરૂ કરવા માટે દબાણ હતું. ક્રિકેટ વેસ્ટ ઈન્ડિઝે આ વર્ષથી કેરેબિયન પ્રીમિયર લીગ (CPL) ની સાથે ત્રણ ટીમની લીગ શરૂ કરવાનો નિર્ણય લીધો છે. પાકિસ્તાને પણ આવી યોજના જાહેર કરી છે. આવી સ્થિતિમાં બોર્ડ પર વધુ દબાણ સર્જાયું છે.

આઈપીએલ (IPL) ના ચેરમેન બ્રિજેશ પટેલે જણાવ્યું કે મહિલા આઈપીએલના આયોજનની પ્રક્રિયા શરૂ થઈ ગઈ છે. તેમણે કહ્યું કે, આ વર્ષે ત્રણ ટીમો વચ્ચે ચાર મેચ રમાશે. મહિલા ટીમની મેચ આઈપીએલ 2022 ની પ્લેઓફ મેચના સમયે યોજાશે. આ મેચો પુણેમાં રમાશે. ગયા વર્ષે કોરોનાને કારણે આ મેચો યોજાઈ ન હતી. છેલ્લી વખત આ ટૂર્નામેન્ટ UAE માં IPL 2020 દરમિયાન રમાઈ હતી.

Web Stories View more

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

IPL ની ગવર્નિંગ કાઉન્સિલને લાગે છે કે મહિલા IPL માં ઘણી સંભાવનાઓ છે. બેઠકમાં એ પણ નક્કી કરવામાં આવ્યું હતું કે પહેલા વર્તમાન ફ્રેન્ચાઈઝીઓને પૂછવામાં આવશે કે શું તેઓ મહિલા ટીમ પણ રાખવા ઈચ્છે છે. ત્યારબાદ જ BCCI બહારની પાર્ટીઓને આમંત્રિત કરશે. ક્રિકબઝના અહેવાલ મુજબ, બીસીસીઆઈના એક અધિકારીએ તાજેતરમાં જણાવ્યું હતું કે ટૂર્નામેન્ટમાંથી કોઈ આર્થિક વળતર મળતું હોય કે ન હોય, મહિલા લીગ શરૂ કરવાની જવાબદારી બોર્ડની છે.

આ પણ વાંચો : IPL 2022 : રિકી પોન્ટિંગની લીડરશિપ ક્વોલિટીને લઇને આ દિગ્ગજ ઓલરાઉન્ડરે આપ્યું મહત્વનું નિવેદન

આ પણ વાંચો : IPL 2022 Opening Ceremony: સતત ચોથા વર્ષે ઓપનિંગ સેરેમની રદ , ફેન્સે કીધું શું કરશો પૈસા બચાવીને