WCL 2025: ઈંગ્લેન્ડમાં પાકિસ્તાનની બેઈજ્જતી, ટીમના કેપ્ટન શાહિદ આફ્રિદીને જ બહાર કરી દીધો
વર્લ્ડ ચેમ્પિયનશિપ ઓફ લિજેન્ડ્સ ઈંગ્લેન્ડના બર્મિંગહામમાં શરૂ થઈ રહી છે. આ ટુર્નામેન્ટ શરૂ થાય તે પહેલા, પાકિસ્તાન લિજેન્ડ્સના કેપ્ટન શાહિદ આફ્રિદીની બેઈજ્જતી થઈ ગઈ. તેનો ફોટો પોસ્ટરમાંથી જ હટાવી દેવામાં આવ્યો. જાણો શું છે મામલો.
શાહિદ આફ્રિદી વર્લ્ડ ચેમ્પિયનશિપ ઓફ લિજેન્ડ્સમાં પાકિસ્તાની ટીમનો કેપ્ટન છે અને આ ટુર્નામેન્ટ શરૂ થાય તે પહેલા તેની સાથે કંઈક એવું બન્યું છે જેની તેના ચાહકોએ બિલકુલ અપેક્ષા રાખી ન હતી. ખરેખર, શાહિદ આફ્રિદીને ટુર્નામેન્ટના પ્રોમો પોસ્ટરમાંથી જ હટાવી દેવામાં આવ્યો હતો.
પાકિસ્તાની કેપ્ટનની બેઈજ્જતી
આ ટુર્નામેન્ટમાં કુલ 6 ટીમો ભાગ લઈ રહી છે જેમાં વેસ્ટ ઈન્ડિઝ, દક્ષિણ આફ્રિકા, ભારત, ઈંગ્લેન્ડ, ઓસ્ટ્રેલિયા અને પાકિસ્તાનનો સમાવેશ થાય છે. ટુર્નામેન્ટનું પોસ્ટર 16 જુલાઈના રોજ લોન્ચ કરવામાં આવ્યું હતું અને મોટી વાત એ છે કે બધી ટીમોના કેપ્ટનના ફોટા ત્યાં હતા, ફક્ત શાહિદ આફ્રિદીનો ફોટો ગાયબ હતો.
Legends take flight with EaseMyTrip! ✈️ Proud to have EaseMyTrip as the official “Powered By” sponsor of WCL 2025 — where cricket meets unforgettable journeys. pic.twitter.com/JP08fB4fHr
— World Championship Of Legends (@WclLeague) July 16, 2025
શાહિદ આફ્રિદીનો ફોટો કેમ ગાયબ છે?
શાહિદ આફ્રિદીનો ફોટો પોસ્ટર પરથી કેમ ગાયબ થઈ ગયો છે તે જાણવા માટે બહુ વિચારવાની જરૂર નથી. વાસ્તવમાં, આ ટુર્નામેન્ટ એક ભારતીય કંપની દ્વારા પ્રાયોજિત થઈ રહી છે અને ભારત-પાકિસ્તાન સંબંધો ખૂબ જ કડવાશભર્યા છે અને પોસ્ટર પરથી શાહિદ આફ્રિદીનો ફોટો દૂર કરવાનું આ એક મોટું કારણ માનવામાં આવે છે.
લાંબા સમય બાદ બંને દેશના ખેલાડીઓ રમશે મેચ
અહીં એક મોટો પ્રશ્ન એ છે કે જો પોસ્ટર પરથી તેને દૂર કરવામાં આવ્યો હોય તો પણ ફરક શું પડે છે, કારણ કે ભારતીય ટીમ તો પાકિસ્તાન સામે ક્રિકેટ રમી જ રહી છે. પહેલગામ આતંકવાદી હુમલા પછી, બંને દેશના ખેલાડીઓ પહેલીવાર ક્રિકેટમાં એકબીજા સમે રમતા જોવા મળશે. આ નિવૃત્ત ખેલાડીઓની લીગ છે પરંતુ તેમાં જે બધા ખેલાડીઓ રમી રહ્યા છે તેમની હજુ પણ ફેન ફોલોઈંગ જબરદસ્ત છે.
આ પણ વાંચો: ઈંગ્લેન્ડમાં વૈભવ સૂર્યવંશી પર ગુસ્સે થયા ભારતીય ફેન્સ, જર્સીને લઈ થયો મોટો વિવાદ
