T20 World Cup: વિરાટ કોહલી ચોગ્ગા લગાવવામાં પણ બની શકે છે અવ્વલ ! આયર્લેન્ડના પોલ સ્ટર્લિંગના રેકોર્ડને તોડવાથી છે આટલો દૂર

ભારત અને ન્યુઝીલેન્ડ (India vs New Zealand) વચ્ચે આજે ટક્કર થનારી છે. વિરાટ કોહલી (Virat Kohli) માટે આજની મેચ કેપ્ટનશિપની કસોટી સમાન હશે. કારણ કે, તેના માટે તેની કેપ્ટનશિપ હેઠળ T20 ક્રિકેટમાં અંતિમ ટૂર્નામેન્ટ છે. જો આજે તે નિષ્ફળ રહેશે તો ભારતીય ટીમ (Team India) નુ વિશ્વકપમાં (T20 World Cup) થી બહાર થવાનુ જોખમ તોળાઇ શકે છે. જોકે આ માટે તેણે પોતે પણ બેટ વડે સારી રમત રમવી જરુરી છે. જો તે મોટી ઇનીંગ રમે છે અને 5 ચોગ્ગા લગાવે છે તો તેના નામે વિક્રમ નોંધાઇ શકે છે.

હાલમાં T20 ક્રિકેટમાં ચોગ્ગા લગાવવામાં વિરાટ કોહલી બીજા સ્થાને છે અને તે 5 ચોગ્ગા લગાવવા સાથએ જ પ્રથમ સ્થાન પર પહોંચી શકે છે. જોકે આ માટે કોહલીએ શાનદાર ઇનીંગ રમીને ભારતીય ટીમને વધુમાં વધુ રનનુ યોગદાન આપવુ જરુરી છે. કોહલી તેની મોટી ઇનીંગ રમવાના પ્રયાસ સાથે જ તે આંતરરાષ્ટ્રીય ટી20 ક્રિકેટમાં સૌથી વધુ ચોગ્ગા લગાવનાર બેટ્સમેન તરીકે નોંધાઇ શકે છે. જોતે 5 ચોગ્ગા લગાવશે તો, તે પ્રથમ સ્થાન પર આયરલેન્ડ ના પોલ સ્ટર્લિંગ (Paul Sterling) સાથે બરાબરી પર પહોંચશે. પરંતુ જો તે 6 ચોગ્ગા લગાવશે તો એ સાથે જ તે આ મામલામાં નંબર 1 ના સ્થાને પહોંચશે.

વિરાટ કોહલી એ આ માટે 91 મેચ રમી છે. જે દરમ્યાન તેણે 290 ચોગ્ગા ફટકાર્યા છે. જ્યારે આયરલેન્ડનો પોલ સ્ટર્લિંગ 295 ચોગ્ગા ધરાવે છે. તેણે તે ચોગ્ગા 92 મેચમાં નોંધાવ્યા છે. સ્ટર્લિંગ તેની શાનદાર રમતને લઇને ખૂબ ચર્ચામાં છવાયેલો રહ્યો છે. રોહિત શર્મા આ મામલામાં પાંચમાં સ્થાને છે. તે 252 ચોગ્ગા ધરાવે છે. તેણે આ ચોગ્ગા 112 મેચમાં ફટકાર્યા છે.

ગુપ્ટીલ અને ફિંચ પણ છે સામેલ

વિરાટ કોહલી બાદ ત્રીજા સ્થાને માર્ટિન ગુપ્ટીલ (Martin Guptill) છે. ન્યુઝીલેન્ડનો આ તોફાની બેટ્સમેન 103 મેચ રમીને 259 ચોગ્ગા નોંધાવી ચુક્યો છે. તે આજે ભારત સામે મેદાને ઉતરી શકે છે. ઇજામાંથી ફિટ જાહેર થયેલા ગુપ્ટીલના રમવા અંગે સસ્પેન્શ હતુ પરંતુ તે પ્લેયીંગ ઇલેવનમાં સામેલ થઇ શકે છે તેવા અહેવાલો છે. આમ તે પોતાનો ચોગ્ગાનો રેકોર્ડ સુધારી શકે છે. આરોન ફિંચ 78 મેચમાં 253 ચોગ્ગા સાથે ચાર નંબર પર છે.

આ પણ વાંચોઃ  IND vs NZ: હાર્દિક પંડ્યાને મળશે આજે મોકો! પહેલા વિરાટ કોહલી અને બાદમાં પ્રેકટીશ સેશનમાં મળ્યા સંકેત

આ પણ વાંચોઃ  IND vs NZ, T20 World Cup 2021: ન્યુઝીલેન્ડ સામે આજે આરપારની લડાઇ, ટીમ ઇન્ડીયાએ ICCમાં કિવી સામેનો ઇતિહાસ બદલતી રમત રમવી પડશે