IND vs NZ, T20 World Cup 2021: ન્યુઝીલેન્ડ સામે આજે આરપારની લડાઇ, ટીમ ઇન્ડીયાએ ICCમાં કિવી સામેનો ઇતિહાસ બદલતી રમત રમવી પડશે
છેલ્લા 18 વર્ષમાં 5 એન્કાઉન્ટરમાં મળેલી હારને ભૂલીને આ વખતે જીતની નવી ગાથા લખવી પડશે. જો આમ કરવામાં ન આવે તો, મેન ઇન બ્લૂ માટે લગભગ બધું જ સમાપ્ત થઈ શકે છે.
ગયા રવિવારે જે બન્યું તે ભૂલી જાઓ. નવો રવિવાર છે. ટીમ ઈન્ડિયા (Team India) ફરી તૈયાર છે. ફરી દુબઈમાં મેદાન હશે, પણ લડાઈ પાકિસ્તાનની નથી, આ વખતે ન્યુઝીલેન્ડ (New Zealand) ની છે. ICC મેચોમાં આ ટીમ સામે અમારો ઇતિહાસ છેલ્લા 18 વર્ષથી નકામો રહ્યો છે. આ વખતે તૈયારી એ ઈતિહાસના કડવા સત્યને બદલવાની છે. વિરાટ કોહલી અને તેની ટીમે આ ઈતિહાસ બદલવો પડશે.
છેલ્લા 18 વર્ષમાં 5 ટક્કરમાં મળેલી હારને ભૂલીને આ વખતે જીતની નવી ગાથા લખવી પડશે. કારણ કે જો આમ ન કરવામાં આવે તો મેન ઇન બ્લુ માટે લગભગ બધું જ સમાપ્ત થઈ શકે છે. સેમિફાઇનલમાં પહોંચવાની આશા પર પણ પાણી ફરી વળી શકે છે.
આજે ભારત તેની બીજી મેચ T20 વર્લ્ડ કપ 2021ની પિચ પર રમશે. ગયા રવિવારે તેમને પાકિસ્તાનના હાથે 10 વિકેટથી જંગી હારનો સામનો કરવો પડ્યો હતો, જેના કારણે ટીમના રન રેટ પર પણ અસર પડી હતી અને જેના કારણે ન્યુઝીલેન્ડ સામેની આજની મેચ ભારતીય ટીમ માટે આર-પારની લડાઈ બની ગઈ છે. બીજી તરફ ન્યૂઝીલેન્ડને પણ તેની પહેલી મેચ પાકિસ્તાન સામે હારવી પડી હતી. આથી ભારત અને ન્યુઝીલેન્ડ બંને આજે પોતાની બીજી મેચમાં જીતની રાહ જોશે.
આંકડામાં ભારત વિરુદ્ધ ન્યુઝીલેન્ડ
આજે ભારત અને ન્યુઝીલેન્ડ T20 ક્રિકેટમાં 17મી વખત ટકરાશે. આ પહેલા રમાયેલી 16 મેચોમાં ન્યૂઝીલેન્ડનુ પલડું ભારત સામે ભારે છે. ન્યુઝીલેન્ડે 8 મેચ જીતી છે જ્યારે ભારતે 6 મેચ જીતી છે. જ્યારે બંને વચ્ચે 2 મેચ ટાઈ રહી છે. T20 વર્લ્ડ કપમાં બંને ટીમો બે
વખત ટકરાયા છે અને બંને વખત ન્યુઝીલેન્ડનો વિજય થયો છે.
બંને ટીમો વચ્ચેની છેલ્લી 5 T20 મેચોના પરિણામો પર નજર કરીએ તો ટીમ ઈન્ડિયા તેમાં 5-0 થી આગળ છે. ભારત 2003 થી ICC ટૂર્નામેન્ટમાં ન્યુઝીલેન્ડને હરાવી શક્યું નથી. આ દરમિયાન બંને ટીમો ક્રિકેટના ત્રણેય ફોર્મેટ મળીને 5 વખત સામસામે આવી હતી અને દરેક વખતે ટીમ ઈન્ડિયાને બેથી ચાર વખત હારનો સામનો કરવો પડ્યો હતો.
ભારતીય પ્લેઈંગ ઈલેવનમાં 1 ફેરફાર થઈ શકે છે
પાકિસ્તાન સામેની હાર બાદ ટીમ ઈન્ડિયા માટે ટીમ કોમ્બિનેશન એક મોટો પ્રશ્ન બની ગયો છે. પરંતુ ન્યુઝીલેન્ડ સામેની મેચમાં વધુ ફેરફાર જોવા મળશે તેવું લાગતું નથી. જો ભારત એક ફેરફાર કરી શકે છે, તો તે વરુણ ચક્રવર્તીની જગ્યાએ અશ્વિન સાથે હોઈ શકે છે.
બીજી તરફ, જ્યારે ન્યુઝીલેન્ડની વાત આવે છે, ત્યારે તેમની પ્લેઈંગ ઈલેવનમાં પણ ફેરફાર માટે બહુ ઓછી જગ્યા છે. ટીમના બોલિંગ કોમ્બિનેશનમાં ઈશ સોઢી અને સેન્ટનરનું રમવાનું નિશ્ચિત છે. 2016 T20 વર્લ્ડ કપમાં ભારત સામે રમાયેલી મેચમાં બંનેએ મળીને 7 વિકેટ લીધી હતી. આ સિવાય ફાસ્ટ બોલિંગમાં ટિમ સાઉથી, ટ્રેન્ટ બોલ્ટ અને એડમ મિલ્ને મુખ્ય હથિયાર બની શકે છે. આ દરમિયાન ઓલરાઉન્ડરમાં કાયલ જેમિસનનું રમત નિશ્ચિત જણાય છે.
આ પણ વાંચોઃ IND vs NZ: ટીમ ઇન્ડીયા સામે ન્યૂઝીલેન્ડનો T20I માં સૌથી વધુ છગ્ગા લગાવનારો ‘સિક્સર કિંગ’ મેદાને ઉતરશે!, ઇજામાંથી સ્વસ્થ થયા મળ્યા સમાચાર
આ પણ વાંચોઃ T20 World Cup 2021: ના છલાંગ લગાવી કે ના હવામાં ઉડ્યો, છતાં પણ એવો અદ્ભૂત કેચ ઝડપ્યો કે જોનારા મોંઢામાં આંગળા નાંખી ગયા, જુઓ Video
