આ દિવસે થશે ટીમ ઈન્ડિયાના નવા ટેસ્ટ કેપ્ટનનું નામ જાહેર, જાણો કોણ અને ક્યારે કરશે જાહેરાત
હવે બધાને જવાબ મળશે કે ટીમ ઈન્ડિયાનો નવો ટેસ્ટ કેપ્ટન કોણ હશે. BCCI તરફથી કેપ્ટનના નામની જાહેરાત ક્યારે થશે તેની તારીખ જાહેર કરી દેવામાં આવી છે. ટીમ ઈન્ડિયાનો કોચ ગૌતમ ગંભીર અને ચીફ સિલેક્ટર અજિત અગરકર ટીમ ઈન્ડિયાના નવા ટેસ્ટ કેપ્ટનની જાહેરાત કરશે.
રોહિત શર્માની ટેસ્ટમાંથી નિવૃત્તિ પછી ટીમ ઈન્ડિયા સમક્ષ સૌથી મોટો પ્રશ્ન નવા કેપ્ટન અંગે હતો. હવે તેની જાહેરાતની તારીખ બહાર આવી ગઈ છે. નવા ટેસ્ટ કેપ્ટનના નામ અંગેના સસ્પેન્સના વાદળો હવે દૂર થવા જઈ રહ્યા છે. ગૌતમ ગંભીર અને અજિત અગરકર સંયુક્ત રીતે નવા ટેસ્ટ કેપ્ટનના નામની જાહેરાત કરશે. ટીમ ઈન્ડિયાના મુખ્ય કોચ અને મુખ્ય પસંદગીકાર મીડિયાને સંબોધિત કરશે અને નવા કેપ્ટનને લગતા પ્રશ્નોના જવાબ આપશે.
24 મે શનિવારે નવા ટેસ્ટ કેપ્ટનનું નામ જાહેર થશે
હવે પ્રશ્ન એ છે કે ભારતના નવા ટેસ્ટ કેપ્ટનની જાહેરાત ક્યારે થશે? તો તે તારીખ 24 મે છે. એટલે કે શનિવારનો દિવસ હશે, જ્યારે ભારતના નવા ટેસ્ટ કેપ્ટનનું નામ જાહેર કરવામાં આવશે. અત્યાર સુધી, કેપ્ટન બનાવવા માટે જે ખેલાડીઓના નામની ચર્ચા થઈ રહી છે, તેમાં શુભમન ગિલનું નામ ટોચ પર છે. તેમના ઉપરાંત રિષભ પંત અને જસપ્રીત બુમરાહના નામો પર પણ વિચારણા કરવામાં આવી રહી છે.
ગિલ-બુમરાહ-પંતના નામની ચર્ચા
નવા ટેસ્ટ કેપ્ટન વિશે ક્રિકેટ જગતના દરેક નિષ્ણાતનો પોતાનો અભિપ્રાય છે. કેટલાક શુભમન ગિલની ભલામણ કરી રહ્યા છે તો કેટલાક જસપ્રીત બુમરાહ અંગે પોતાના ઈરાદા વ્યક્ત કરી રહ્યા છે. કેટલાક લોકો કહે છે કે જ્યારે ટેસ્ટ ક્રિકેટની વાત આવે છે, ત્યારે રિષભ પંતને તક આપવી જોઈએ. હવે સમય આવી ગયો છે કે આવી અટકળોનો અંત આવે. તારીખ નક્કી થઈ ગઈ છે કે જ્યારે આખું ભારત નવા ટેસ્ટ કેપ્ટનનું નામ જાણશે.
ઈંગ્લેન્ડ પ્રવાસમાં નવી ટીમ અને નવો કેપ્ટન
ટીમ ઈન્ડિયાનું નવું વર્લ્ડ ટેસ્ટ ચેમ્પિયનશિપ સર્કલ 20 જૂનથી શરૂ થતા ઈંગ્લેન્ડના પ્રવાસ સાથે શરૂ થાય છે. ભારતે ઈંગ્લેન્ડ પ્રવાસ પર 5 ટેસ્ટની શ્રેણી રમવાની છે અને તેના માટે ટીમ પસંદ કરતા પહેલા કેપ્ટનનું નામ જાહેર કરવું જરૂરી છે. સૂત્રો દ્વારા મળેલી જાણકારી અનુસાર 24 મે ના રોજ ટીમ ઈન્ડિયાના નવા ટેસ્ટ કેપ્ટનનું નામ જાહેર કરવામાં આવશે.
આ પણ વાંચો: IPL 2025થી વૈભવ સૂર્યવંશી થયો માલામાલ, દરેક રન માટે મળ્યા આટલા પૈસા, જાણો કુલ કેટલી કમાણી કરી
