SRH vs RCB IPL Match Result: બેંગ્લોરની વિરાટ જીત, વાનિન્દુના દમ પર હૈદરાબાદ સામે 67 રન થી વિજય

રોયલ ચેલેન્જર્સ બેંગ્લોરે (Royal Challengers Bangalore) આખરે IPL 2022 માં તેનું અત્યાર સુધીનું સૌથી શક્તિશાળી પ્રદર્શન કરીને મોટી જીત મેળવી છે. બેંગ્લોરે વાનખેડે સ્ટેડિયમ ખાતે સનરાઈઝર્સ હૈદરાબાદ (Sunrisers Hyderabad) ને 67 રનના વિશાળ માર્જિનથી હરાવી સિઝનમાં તેમની સાતમી જીત નોંધાવી હતી. આ સાથે બેંગ્લોરે પણ પ્લેઓફ તરફ મોટું પગલું ભર્યું હતું. કેપ્ટન ફાફ ડુ પ્લેસિસની શાનદાર ઇનિંગ અને પછી સ્પિનર ​​વાનિન્દુ હસરંગા (Wanindu Hasaranga) ની શાનદાર બોલિંગની સામે હૈદરાબાદની આખી ટીમ માત્ર 125 રન જ બનાવી શકી હતી. આ વિજયે બેંગલોરને માત્ર બે પોઈન્ટ જ નથી અપાવ્યા, પરંતુ હૈદરાબાદ સામે સિઝનની શરૂઆતમાં મળેલી કારમી હારનો બદલો પણ પૂરો કર્યો અને ટીમનો નેટ રન રેટ પણ સુધર્યો.

ડુપ્લેસીની અડધી સદી, કાર્તિકની ધમાલ

આ દરમિયાન ડુ પ્લેસિસે 35 બોલમાં પોતાની અડધી સદી પૂરી કરી હતી, પરંતુ પાટીદાર ફિફ્ટી ચૂકી ગયો હતો. આ પછી ક્રીઝ પર આવેલા ગ્લેન મેક્સવેલે પણ કેટલાક મોટા શોટ ફટકાર્યા અને ઝડપથી રન કલેક્ટ કરીને ટીમના સ્કોરને આગળ વધાર્યો. આ સિઝનની અગાઉની ઘણી મેચોની જેમ, ફરી એકવાર દિનેશ કાર્તિકે અંતમાં હુમલો કર્યો. કાર્તિકે છેલ્લી ઓવરમાં સતત 3 સિક્સર અને 1 ફોર ફટકારીને બેંગ્લોરને 192 રન સુધી પહોંચાડ્યું હતું. હૈદરાબાદ તરફથી જગદીશા સુચિતે કોહલી સહિત બે વિકેટ ઝડપી હતી.

પ્રથમ ઓવરમાં જ હૈદરાબાદને મુશ્કેલી

બેંગ્લોરની જેમ હૈદરાબાદની શરૂઆત ખરાબ રહી હતી અને અત્યાર સુધી આખી સિઝનમાં નિષ્ફળ રહેલો કેપ્ટન કેન વિલિયમસન પહેલા જ બોલ પર રન આઉટ થઈને પાછો ફર્યો હતો. ગ્લેન મેક્સવેલની આ ઓવરમાં હૈદરાબાદે બીજી વિકેટ પણ ગુમાવી હતી અને બીજો ઓપનર અભિષેક શર્મા બોલ્ડ થયો હતો.

Web Stories View more

આજનું રાશિફળ તારીખ 26-04-2024

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

રાહુલ ત્રિપાઠી અને એડન માર્કરમે ઈનિંગ્સને સંભાળી અને 50 રનનો આંકડો પાર કર્યો, પરંતુ માર્કરમ સંપૂર્ણ લયમાં જોવા ન મળ્યો અને હસરંગાનો પ્રથમ શિકાર બન્યો. દરમિયાન, રાહુલ ત્રિપાઠીનું પ્રદર્શન ચાલુ રહ્યું અને તેણે ટીમ માટે સારી ગતિએ રન ભેગા કરવાનું ચાલુ રાખ્યું. ત્રિપાઠીએ ટૂંક સમયમાં પોતાની અડધી સદી પણ પૂરી કરી લીધી.

હસારંગા સામે હૈદરાબાદ ઘૂંટણીયે

બીજી તરફ નિકોલસ પૂરન પણ રનની ગતિ વધારવાનો પ્રયાસ કરી રહ્યો હતો પરંતુ આ પ્રયાસે હસરંગાને તેની વિકેટ મળી હતી. અહીંથી હૈદરાબાદની ઇનિંગ્સની શરૂઆત થઈ અને હસરંગા તેના માટે મુખ્ય જવાબદાર રહ્યો. રાહુલ ત્રિપાઠીના આઉટ થતાં હૈદરાબાદની હાર નિશ્ચિત થઈ ગઈ હતી. ટીમની હાલત એવી હતી કે 114ના સ્કોર પર 4 વિકેટ પડી હતી, જેમાં જોશ હેઝલવુડ અને હસરંગાએ બે ઓવરમાં 2-2 વિકેટ ઝડપી હતી. છેલ્લી ઓવરમાં હર્ષલ પટેલે ભુવનેશ્વર કુમારને આઉટ કરીને હૈદરાબાદને માત્ર 125 રનમાં આઉટ કરી દીધું હતું.