માત્ર 80 રનમાં જ ઢેર… એશિયા કપ પહેલા પૂર્વ ચેમ્પિયનની હાલત ખરાબ, નબળી ટીમ સામે કારમી હાર

UAEમાં યોજાનારા એશિયા કપ 2025 પહેલા કેટલાક શાનદાર પરિણામોએ આ ટુર્નામેન્ટ પ્રત્યે ઉત્સાહ વધાર્યો છે. અફઘાનિસ્તાન સામે પાકિસ્તાનનો પરાજય આશ્ચર્યજનક નહોતો, પરંતુ UAEએ જે રીતે પાકિસ્તાની ટીમને મુશ્કેલીમાં મૂકી દીધી તે દર્શાવે છે કે ટુર્નામેન્ટ ખૂબ જ નજીકની સ્પર્ધા હશે. પરંતુ હવે સૌથી આશ્ચર્યજનક પરિણામ શ્રીલંકા અને ઝિમ્બાબ્વે વચ્ચેની T20 મેચમાં જોવા મળ્યું, જેમાં એશિયા કપ (T20 ફોર્મેટ) ની વર્તમાન ચેમ્પિયન શ્રીલંકાની ટીમને કારમી હારનો સામનો કરવો પડ્યો. ટુર્નામેન્ટની તૈયારી માટે આ T20 શ્રેણી રમી રહેલી આખી શ્રીલંકન ટીમ માત્ર 80 રનના નજીવા સ્કોર પર ઓલઆઉટ થઈ ગઈ.

શ્રીલંકાની ટીમ ખરાબ રીતે હારી

શ્રીલંકાની ટીમ હરારેમાં ચાલી રહેલી આ T20 શ્રેણીને એશિયા કપની તૈયારી તરીકે જોઈ રહી હતી. ચારિથ અસલાંકાના નેતૃત્વ હેઠળ શ્રીલંકાએ પહેલી મેચમાં જબરદસ્ત જીત નોંધાવીને પોતાના ઈરાદા સ્પષ્ટ કરી દીધા હતા. પરંતુ ભાગ્યે જ કોઈએ કલ્પના કરી હશે કે આ ટીમ આગામી મેચમાં આટલી ખરાબ રીતે હારી જશે. કોઈને આ શ્રેણીમાં ઝિમ્બાબ્વના મેચ જીતશે, પરંતુ શ્રીલંકાની ટીમના ખરાબ પ્રદર્શન સામે ઝીમ્બાબ્વેએ જીત મેળવી.

8 બેટ્સમેન સિંગલ ડિજિટના સ્કોર પર આઉટ

આ મેચમાં શ્રીલંકાએ પહેલા બેટિંગ કરી અને બીજી ઓવરથી જ વિકેટો પડવા લાગી. 18મી ઓવરમાં આખી ટીમ 80 રનના સ્કોર પર ઓલઆઉટ થઈ ગઈ. શ્રીલંકાના 11 માંથી 8 બેટ્સમેન સિંગલ ડિજિટના સ્કોર પર પેવેલિયન પાછા ફર્યા. કામિલ મિશ્રાએ 20 બોલમાં સૌથી વધુ 20 રન બનાવ્યા, જ્યારે કેપ્ટન અસલંકાએ 23 બોલમાં ફક્ત 18 રન બનાવ્યા.

Zimbabwe bounce back in style to level the T20I series 1-1 against Sri Lanka #ZIMvSL : https://t.co/67VGNPn285 | : @ZimCricketv pic.twitter.com/VbwzUDARBV

— ICC (@ICC) September 6, 2025

શ્રીલંકાનો બીજો સૌથી ઓછો સ્કોર

શ્રીલંકાની આવી દુર્દશામાં ઝિમ્બાબ્વેના કેપ્ટન સિકંદર રઝાએ સૌથી મોટી ભૂમિકા ભજવી હતી. સિકંદરે તેના સ્પિનમાં 3 બેટ્સમેનોને ફસાવ્યા, જ્યારે યુવા ઝડપી બોલર બ્રેડ ઈવાન્સે પણ 3 વિકેટ લીધી. આ T20 ક્રિકેટમાં શ્રીલંકાનો બીજો સૌથી ઓછો સ્કોર પણ બન્યો. શ્રીલંકાનો સૌથી ઓછો સ્કોર 77 રન છે, જે વર્લ્ડ કપ 2024માં દક્ષિણ આફ્રિકા સામે આવ્યો હતો.

ઝિમ્બાબ્વે 5 વિકેટે જીત્યું

અહીંથી ઝિમ્બાબ્વેનો વિજય નિશ્ચિત લાગતો હતો પરંતુ તેને આ માટે થોડો સંઘર્ષ કરવો પડ્યો અને શ્રીલંકાએ તેને સરળતાથી લક્ષ્ય સુધી પહોંચવા દીધું નહીં. અનુભવી ઝડપી બોલર દુષ્મંથ ચમીરાએ સમસ્યાઓ ઉભી કરી અને 4 ઓવરમાં માત્ર 19 રન આપીને 3 વિકેટ લીધી. આ કારણે, ઝિમ્બાબ્વેએ આ લક્ષ્ય હાંસલ કરવા માટે 14.2 ઓવર લાગી અને 5 વિકેટ પણ ગુમાવી. જોકે, તાશિંગા મુસ્કીવાના 14 બોલમાં 21 રનની અણનમ ઈનિંગ્ના આધારે ઝિમ્બાબ્વેએ જીતની તક જવા દીધી નહીં અને શ્રેણી 1-1થી બરાબર કરી.

આ પણ વાંચો: ICC Rule Book EP 38 : Run out ક્રિકેટમાં રન આઉટ અંગે શું છે ICCનો નિયમ?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો