ઝિમ્બાબ્વેમાં દીલ જીતી લેનારી બેટીંગ કરનારા શુભમન ગિલને યુવરાજ સિંહે શુ મંત્ર શિખવ્યો? જાતે જ બતાવ્યુ યુવીએ શુ શિખવ્યુ-Video
શુભમન ગિલે (Shubman Gill) ઝિમ્બાબ્વે સામેની વન ડે સિરીઝની અંતિમ મેચમાં શાનદાર સદી નોંધાવી હતી. તેની જબરદસ્ત રમતને લઈ તે મેન ઓફ ધ પ્લેયર તરીકે પસંદ કરાયો હતો.
ઝિમ્બાબ્વે સામેની વનડે શ્રેણી માં ભારતે શાનદાર જીત નોંધાવી હતી. ભારતે (Indian Cricket Team) ઝિમ્બાબ્વેને 3-0 થી ક્લીન સ્વીપ કરી શાનદાર પરફોર્મન્સ આપ્યું હતું. આ જીતનો સૌથી મોટો હીરો શુભમન ગિલ (Shubman Gill) હતો, જે પ્લેયર ઓફ ધ સિરીઝ તરીકે પસંદ કરવામાં આવ્યો હતો. વેસ્ટ ઈન્ડિઝ બાદ ગિલે ઝિમ્બાબ્વેમાં પણ પોતાના બેટથી દિલ જીતી લીધા. ત્રીજી વનડે મેચમાં શુભમને શાનદાર સદી ફટકારી અને કારકિર્દીમાં પ્રથમ વખત આ કારનામું કર્યું. સદી ફટકાર્યા બાદ શુભમન ગિલે કહ્યું કે ઝિમ્બાબ્વે જતા પહેલા તેણે યુવરાજ સિંહ (Yuvraj Singh) સાથે વાતચીત કરી હતી અને આખરે તેની વાત સાચી સાબિત થઈ.
યુવરાજે સિંહે શુ કહ્યુ શુભમન ગિલને?
શુભમન ગિલે બીસીસીઆઈ ટીવી પર ઈશાન કિશન સાથેની વાતચીત દરમિયાન જણાવ્યું કે તેણે ઝિમ્બાબ્વે પ્રવાસ પર જતા પહેલા યુવરાજ સિંહ સાથે વાત કરી હતી. શુભમન ગિલે યુવરાજ સિંહને કહ્યું કે તે સારી ઇનિંગ રમી રહ્યો છે પરંતુ તેના બેટને સદી નથી મળી રહી. આના પર યુવરાજે ગિલને લાંબો સમય ક્રિઝ પર રહેવા કહ્યું. યુવરાજે કહ્યું હતું કે સદી જલ્દી આવશે. આખરે યુવરાજની વાત સાચી સાબિત થઈ અને ગિલના બેટમાં શાનદાર સદી લાગી. ત્રીજી વનડેમાં ગિલે 97 બોલમાં 130 રનની શાનદાર ઇનિંગ રમી હતી. હરારેની મુશ્કેલ પીચ પર તેનો સ્ટ્રાઈક રેટ 134થી વધુ હતો.
From a maiden international 💯 & @YUVSTRONG12‘s special message to #TeamIndia‘s #ZIMvIND ODI series win. 👌👌
Man of the moment @ShubmanGill chats with @ishankishan51. 👏 👏 – By @ameyatilak
P.S. @SDhawan25‘s special appearance 😎
Full interview 🎥🔽https://t.co/qTzrBaEA6q pic.twitter.com/GWYZEU5HeF
— BCCI (@BCCI) August 23, 2022
ઝિમ્બાબ્વેમાં ગિલનું શાનદાર પ્રદર્શન
શુભમન ગિલ ODI શ્રેણીમાં સૌથી વધુ રન બનાવનાર બેટ્સમેન હતો. તેણે 3 માંથી 2 મેચમાં 50 થી વધુ રનની ઇનિંગ રમી હતી. તેના બેટમાંથી એક અડધી સદી અને એક સદી આવી હતી. ગિલે 122થી વધુની એવરેજથી 245 રન બનાવ્યા હતા. તમને જણાવી દઈએ કે ગિલ વેસ્ટ ઈન્ડિઝ સીરીઝમાં પણ પ્લેયર ઓફ ધ સીરીઝ હતો અને ત્યાં પણ તેની એવરેજ 100 થી વધુ હતી. ગિલે તે શ્રેણીમાં 2 અડધી સદીની મદદથી 205 રન પણ બનાવ્યા હતા.
ગિલ અગાઉ 98 રન બનાવીને અણનમ રહ્યો હતો. જ્યારે તે સદીથી બે રન દૂર હતો ત્યારે વરસાદ આવ્યો અને ગિલ તેના માટે ખૂબ જ દુઃખી હતો. જોકે હવે ગિલે સદી ફટકારી છે. તમને જણાવી દઈએ કે શુભમન ગિલે અત્યાર સુધી 9 વનડેમાં 499 રન બનાવ્યા છે. તેની બેટિંગ એવરેજ 71.28 છે. તેમજ સ્ટ્રાઈક રેટ 105 થી વધુ છે. સ્પષ્ટ છે કે આ ખેલાડી ટીમ ઈન્ડિયાનું ભવિષ્ય છે અને તેના બેટમાંથી રન નીકળવાના છે.
Latest News Updates
