Cricket: સચિન તેંડુલકર ભારતીય ક્રિકેટ ટીમના યુવા ઝડપી બોલર પર થયા ફિદા, પ્રશંસા કરતા કહી મોટી વાત
સચિન તેંડુલકર (Sachin Tendulkar) તરફથી પ્રશંસા મેળવવી એ કોઈપણ ખેલાડી માટે મોટી વાત છે અને હવે તેણે ભારતના આ યુવા ઝડપી બોલરની પ્રશંસા કરી છે.
સચિન તેંડુલકર (Sachin Tendulkar) ને વિશ્વના મહાન બેટ્સમેનોમાંના એક ગણવામાં આવે છે. જ્યારે તે રમતા હતા ત્યારે તે ખેલાડીને જોઈને તેના વિશે કહેતા હતા. આગળનો બોલ કયો બોલર ફેંકશે તેનો પણ સચિનને ખ્યાલ હતો. તેની ક્રિકેટની સમજ પર કોઈ શંકા કરી શકે નહીં અને તે જ રીતે તે યુવા ખેલાડીઓને પણ ખૂબ ઓળખે છે. સચિન તરફથી પ્રશંસા મેળવવી એ કોઈપણ યુવા ખેલાડી માટે મોટી વાત છે. તે ભારતના યુવા ખેલાડીઓની પ્રતિભા વિશે સતત બોલતા રહ્યા છે.
જસપ્રિત બુમરાહ થી લઈને પૃથ્વી શો સુધી તેણે સમયાંતરે સલાહ આપી છે. હવે સચિને ભારતના અન્ય એક ખેલાડીના જોરદાર વખાણ કર્યા છે. સચિને હવે ભારતના યુવા ઝડપી બોલર મોહમ્મદ સિરાજ (Mohammed Siraj) ના વખાણ કર્યા છે.
સચિને સિરાજને ઝડપી શીખનાર ગણાવ્યો છે. સચિને સિરાજની એનર્જી અને બોડી લેંગ્વેજની પ્રશંસા કરી છે. સચિને કહ્યું છે કે સિરાજે હાલના સમયમાં જે સફળતા મેળવી છે તેનું એક કારણ આ બે ગુણ છે. સિરાજે ઓસ્ટ્રેલિયાના પ્રવાસમાં પદાર્પણ કર્યું હતું અને ત્યારથી તે ખૂબ જ પ્રભાવિત થયો છે. તેના બોલે ઈંગ્લેન્ડ પ્રવાસમાં પણ તબાહી મચાવી હતી.
આ વાત પસંદ છે
મીડિયા રિપોર્ટ મુજબ સચિને સિરાજ વિશે કહ્યું, તેના પગમાં સ્પ્રિંગ છે અને મને તે જોવું ગમે છે. તેનો રન અપ… તમે જોઈ શકો છો કે તે ખૂબ જ ઉર્જાવાન રહે છે. તે એવો બોલર છે કે જેને તમે જોશો તો તે દિવસની પહેલી ઓવર છે કે છેલ્લી ઓવર છે તે તમે જાણી શકશો નહીં. તે હંમેશા તમારા પર પ્રભુત્વ કરશે. તે પ્રોપર ઝડપી બોલર છે અને તેની બોડી લેંગ્વેજ ખૂબ જ સકારાત્મક છે. મને ખરેખર આ વસ્તુઓ ગમે છે. તે ખૂબ જ ઝડપથી શીખે છે.
સિરાજએ આપી પ્રતિક્રિયા
સચિને કરેલા વખાણ સિરાજના કાન સુધી પણ પહોંચ્યા અને સિરાજે આ અંગે પોતાની પ્રતિક્રિયા આપી. સિરાજે ટ્વીટ કર્યું, આ પ્રશંસા માટે આભાર સચિન સર. તમારા તરફથી આવી પ્રશંસા મેળવવી એ મારા માટે મોટી પ્રેરણા છે. હું મારા દેશ માટે શ્રેષ્ઠ પ્રયાસ કરીશ. સ્વસ્થ રહો સર.
Thank you @sachin_rt sir for this . It is a huge motivation for me coming from you .. I will always do my best for my country .stay well sir https://t.co/3qJrCBkwxm
— Mohammed Siraj (@mdsirajofficial) December 22, 2021
અત્યાર સુધીની કારકિર્દી
સિરાજે IPL માં પોતાની બોલિંગથી પ્રભાવિત કર્યા હતા. તે સનરાઇઝર્સ હૈદરાબાદમાં રમતો હતો અને અહીંથી તેણે આગળ વધવાનું શરૂ કર્યું. જે બાદ તે ફરીથી રોયલ ચેલેન્જર્સ બેંગ્લોર ગયો હતો. ત્યાં પણ તેણે ખૂબ પ્રભાવિત કર્યા. ટીમ ઈન્ડિયા (Team India) ની તેની સફર T20થી શરૂ થઈ હતી. તેણે 4 નવેમ્બર 2017ના રોજ રાજકોટમાં ન્યુઝીલેન્ડ સામે ડેબ્યુ કર્યું હતું. તેને વનડેમાં પદાર્પણ કરતા બે વર્ષ લાગ્યા.
તેણે 15 જાન્યુઆરી 2019ના રોજ એડિલેડમાં તેની ODI ડેબ્યૂ કરી હતી. તેણે મેલબોર્નમાં ટેસ્ટ ડેબ્યૂ પણ કર્યું હતું. તેણે ગયા વર્ષે બોક્સિંગ ડે ટેસ્ટ મેચમાં ટેસ્ટ ડેબ્યૂ કર્યું હતું. સિરાજે અત્યાર સુધી ભારત માટે 10 ટેસ્ટ મેચ રમી છે અને તેના નામે 33 વિકેટ છે. વનડેમાં તેની વિકેટોનું ખાતું ખોલવામાં આવ્યું નથી જ્યારે ચાર ટી20 મેચમાં તેના નામે ચાર વિકેટ છે.
આ પણ વાંચોઃ Sabarkantha: જયેશ પટેલ અને તેના કાકા માત્ર પેપર લીક જ નહી પરંતુ પહેલા થી જ લોકોને પૈસામાં નવડાવવામાં છે અઠંગ
આ પણ વાંચોઃ IPL 2022 Mega Auction: જાણો ક્યારે અને ક્યાં યોજાશે મેગા ઓક્શન, સામે આવ્યા સમાચાર
Latest News Updates
