BCCI એન્યુલ જનરલ મીટીંગ: બિન્ની બીસીસીઆઈના 36માં અધ્યક્ષ તરીકે ચૂંટાશે, પરંતુ આઈસીસી અધ્યક્ષપદ પર સવાલો યથાવત
ભારતીય ક્રિકેટ બોર્ડ (BCCI)ની એન્યુલ જનરલ મીટીંગનું આયોજન મંગળવારે થવાનું છે, જેમાં રોજર બિન્ની બોર્ડના નવા પ્રમુખ તરીકે સૌરવ ગાંગુલીનું સ્થાન લેશે અને આંતરરાષ્ટ્રીય ક્રિકેટ કાઉન્સિલના અધ્યક્ષ પદ માટેના ઉમેદવારની પણ ચર્ચા થશે.
BCCIની એન્યુલ જનરલ મીટીંગ (AGM) મંગળવારે યોજાશે, જેમાં ICC અધ્યક્ષપદના મુદ્દા પર ચર્ચા થશે અને આ મીટીંગ દરમિયાન ભૂતપૂર્વ ભારતીય ક્રિકેટર રોજર બિન્ની (Roger Binny) બોર્ડના નવા પ્રમુખ તરીકે સૌરવ ગાંગુલીનું (Sourav Ganguly) સ્થાન લેશે. આ મીટીંગમાં નવા હોદ્દેદારોની ચૂંટણી માત્ર એક ઔપચારિકતા છે કારણ કે તમામ સભ્યો બિનહરીફ ચૂંટાવાના છે. જો કે, મીટીંગ દરમિયાન સભ્યો ચર્ચા કરશે કે શું બીસીસીઆઈએ આઈસીસી અધ્યક્ષ માટે ઉમેદવાર મોકલવો જોઈએ કે પછી વર્તમાન આઇસીસી અધ્યક્ષ ગ્રેગ બાર્કલેને બીજી મુદત માટે સમર્થન આપવું જોઈએ.
ICC અધ્યક્ષ પદ માટે નોમિનેશન ફાઈલ કરવાની છેલ્લી તારીખ 20 ઓક્ટોબર
ICCના અધ્યક્ષ પદ માટેના નોમિનેશન ફાઈલ કરવાની છેલ્લી તારીખ 20 ઓક્ટોબર છે. ICC બોર્ડની બેઠકનું આયોજન 11થી 13 નવેમ્બર દરમિયાન મેલબોર્નમાં થવાનું છે. BCCIમાંથી ગાંગુલીની બહુચર્ચિત એકઝિટે માત્ર રમત ગમત ક્ષેત્ર જ નહીં, પરંતુ રાજકીય ક્ષેત્રનું પણ ધ્યાન ખેંચ્યું છે અને તે જોવું રસપ્રદ રહેશે કે ભૂતપૂર્વ સુકાનીને આઈસીસીના અધ્યક્ષ પદ માટે નોમિનેટ કરવામાં આવે છે કે નહીં.
અન્ય નામોમાં રમતગમત મંત્રી અનુરાગ ઠાકુર અને બીસીસીઆઈના ભૂતપૂર્વ પ્રમુખ એન શ્રીનિવાસનનો સમાવેશ થાય છે. શ્રીનિવાસન ચૂંટણી લડવા માટે લાયક છે, પરંતુ બીસીસીઆઈ તેમની ઉંમરને ધ્યાનમાં લઈને તેમને નોમિનેટ કરશે તે જોવાનું રહે છે. તે 78 વર્ષના છે. અનુરાગ ઠાકુર ICC બોર્ડની બેઠક દરમિયાન વ્યસ્ત હોવાની અપેક્ષા છે કારણ કે હિમાચલ પ્રદેશમાં 12 નવેમ્બરે એક જ તબક્કામાં મતદાન થવાનું છે.
BCCI અને IPLના નવા પદાધિકારીઓ
બિન્ની BCCIના અધ્યક્ષ તરીકે ગાંગુલીનું સ્થાન લેશે અને ગાંગુલી બીજી મુદત માટે તેના હોમ સ્ટેટ એસોસિએશન CABમાં પ્રમુખ તરીકે પાછો ફરશે. બીસીસીઆઈના અન્ય પદાધિકારીઓ, જે સર્વસંમતિથી ચૂંટાવાના છે તેમાં સચિવ તરીકે જય શાહ, આશિષ શેલાર (ટ્રેઝરર), રાજીવ શુક્લા (ઉપપ્રમુખ) અને દેવજીત સાયકિયા (જોઈન્ટ સેક્રેટરી)નો સમાવેશ થાય છે. આઉટગોઇંગ ટ્રેઝરર અરુણ ધૂમલ IPL ના નવા ચેરમેન બનશે.
ભારતીય ક્રિકેટર્સ એસોસિએશન (ICA)ના પ્રતિનિધિઓ
91મી એજીએમના કાર્યસૂચિ મુજબ અંશુમન ગાયકવાડ અને શાંતા રંગાસ્વામીનો સ્થાન લેવા માટે BCCI એપેક્સ કાઉન્સિલમાં ભારતીય ક્રિકેટર્સ એસોસિએશનના બે પ્રતિનિધિઓને સામેલ કરવામાં આવશે. જો કે તેમની ચૂંટણી 27-29 ઓક્ટોબર દરમિયાન ICAની પ્રક્રિયા પ્રમાણે થશે. વર્તમાન ICA પ્રમુખ અશોક મલ્હોત્રા અને ભૂતપૂર્વ ભારતીય કેપ્ટન દિલીપ વેંગસરકર BCCI એપેક્સ કાઉન્સિલમાં એસોસિએશનના પુરુષ પ્રતિનિધિ તરીકે કોન્ટેસ્ટ કરી રહ્યા છે. મંગળવારે બીસીસીઆઈની એજીએમ પછી ધૂમલ નવી રચાયેલી આઈપીએલ ગવર્નિંગ કાઉન્સિલની અધ્યક્ષતા કરશે, જેમાં IPL ઓકશનની તારીખ નક્કી કરવામાં આવશે અને WIPLની પ્રથમ સીઝન, જે બોર્ડ માર્ચમાં IPL પહેલા યોજવાનું વિચારી રહ્યું છે.
Latest News Updates
