PAK vs AUS: Babar Azam એ સતત બીજી વન-ડેમાં સદી ફટકારી, પાકિસ્તાને 2-1થી વન-ડે સીરિઝ જીતી લીધી
પાકિસ્તાનની ટીમે ઓસ્ટ્રેલિયાને વનડે શ્રેણીમાં 2-1થી હરાવીને ટેસ્ટ શ્રેણીમાં 0-1થી મળેલી હારનો બદલો લઈ લીધો છે. બાબર આઝમ પ્લેયર ઓફ ધ સિરીઝ બન્યો હતો.
લાહોરના ગદ્દાફી સ્ટેડિયમમાં રમાયેલી ODI શ્રેણીની ત્રીજી અને અંતિમ મેચમાં પાકિસ્તાનની (Pakistan Cricket) ટીમે 9 વિકેટે મોટી જીત મેળવી હતી. બાબર આઝમે (Babar Azam) મેચમાં બેક ટુ બેક બીજી સદી ફટકારી હતી. તેની મદદથી યજમાન પાકિસ્તાન 2-1 થી શ્રેણી જીતવામાં સફળ રહ્યું હતું. હેરિસ રઉફ અને મોહમ્મદ વસીમ જુનિયાની 3-3 વિકેટના આધારે પાકિસ્તાનની ટીમે ઓસ્ટ્રેલિયાને (Cricket Australia) 210 રનમાં ઓલઆઉટ કરી દીધું હતું. તો બેટિંગ દરમ્યાન બાબર આઝમે 105 રનની અણનમ ઇનિંગ રમી હતી. આ સિવાય ઇમામ-ઉલ-હકે પણ શાનદાર પ્રદર્શન કરતા 89 રન બનાવ્યા હતા. જેની મદદથી પાકિસ્તાને 37.5 ઓવરમાં મેચ જીતી લીધી હતી. બાબર અને ઈમામ વચ્ચે 190 રનની અજેય ભાગીદારી નોંધાવી હતી.
ઝડપી બોલર હરિસ રૌફ (39 રનમાં 3 વિકેટ), મોહમ્મદ વસીમ (40 રનમાં 3 વિકેટ) અને શાહીન શાહ આફ્રિદી (40 રનમાં 2) સામે ઓસ્ટ્રેલિયાએ નિયમિત અંતરે વિકેટ ગુમાવી હતી અને ઓસ્ટ્રેલિયાની આખી ટીમ 41.5 ઓવરમાં 210 રનમાં સમેટાઈ ગઈ હતી.
સીન એબોટે 40 બોલમાં 6 ચોગ્ગા અને 1 છગ્ગાની મદદથી 49 રન બનાવ્યા અને એડમ ઝમ્પા (અણનમ શૂન્ય) સાથે છેલ્લી વિકેટ માટે 44 રન ઉમેરીને ટીમના સ્કોરને 200 રનની પાર પહોંચાડ્યો હતો. એલેક્સ કેરી 61 બોલમાં 6 ચોગ્ગા અને 1 છગ્ગાની મદદથી 56 રન બનાવીને ટીમનો ટોપ સ્કોરર રહ્યો હતો. તેમના સિવાય ગત મેચમાં બેન મેકડર્મોટ (36) અને કેમરન ગ્રીન (34)ની સદી પણ 20 રનનો આંકડો પાર કરવામાં સફળ રહ્યા હતા. લક્ષ્યાંકનો પીછો કરતા મેદાન પર ઉતરેલ પાકિસ્તાને ઓપનર ફખર ઝમાન (17)ની વિકેટ વહેલી ગુમાવી દીધી હતી. પરંતુ અગાઉની મેચની જેમ બાબર અને ઈમામે આ મેચમાં પણ મોટી સદીની ભાગીદારી નોંધાવીને ટીમને આસાન જીત અપાવી હતી.
A historic series win for Pakistan. Couldn’t have asked for more from my pack of superstars. Excellent performances from @ImamulHaq12, @iShaheenAfridi and @HarisRauf14.
To all our fans, thank you so much for your massive support! 👏 pic.twitter.com/oVkjAgfeU8
— Babar Azam (@babarazam258) April 2, 2022
પાકિસ્તાનના સુકાની બાબર આઝમે ટોસ જીતીને પ્રથમ બોલિંગ કરવાનો નિર્ણય લીધો હતો. જેને તેના બોલરોએ સાચો સાબિત કરવામાં કોઈ કસર છોડી ન હતી. જોકે ઓસ્ટ્રેલિયાની શરૂઆત ખરાબ રહી હતી અને છઠ્ઠી ઓવરમાં 3 વિકેટ ગુમાવી દીધી હતી. આફ્રિદીએ મેચના પહેલા જ બોલ પર ટ્રેવિસ હેડ (00) ને પેવેલિયનમાં મોકલ્યો હતો. જ્યારે હેરિસે બીજી ઓવરમાં બીજા ઓપનર અને સુકાની એરોન ફિન્ચ સતત બીજી મેચમાં ખાતું ખોલવામાં નિષ્ફળ રહ્યા હતા.
આ પણ વાંચો : IPL 2022 Points Table: રાજસ્થાન રોયલ્સ સૌથી આગળ, ગુજરાત ટાઈટન્સ બંને મેચ જીતીને ત્રીજા ક્રમે, જાણો પુરી વિગત