Mohammed Shami-Hasin Jahan: શમીની પત્ની પહોંચી સુપ્રીમ કોર્ટ, પતિ પર લગાડયો અય્યાશી કરવાનો આરોપ

ભારતીય ક્રિકેટ ટીમના ફાસ્ટ બોલર મોહમ્મદ શમીની પૂર્વ પત્ની હસીન જહાં હવે સુપ્રીમ કોર્ટમાં પહોંચી છે. હસીન જહાંએ સુપ્રીમ કોર્ટમાં સ્પેશિયલ લીવ પિટિશન દાખલ કરીને આરોપ લગાવ્યો છે કે શમી વિરુદ્ધ નોંધાયેલ ક્રિમિનલ કેસ છેલ્લા ચાર વર્ષથી પેન્ડિંગ છે. તેણે આરોપ લગાવ્યો છે કે ભારતીય ક્રિકેટરના લગ્નેત્તર સંબંધો હજુ પણ ચાલુ છે.

હસીન જહાંએ સૌપ્રથમ 2018માં શમી અને તેના પરિવારના સભ્યો પર ઘરેલુ હિંસા અને જાતીય સતામણીનો આરોપ લગાવ્યો હતો. તેણે શમી અને તેના પરિવાર વિરુદ્ધ જાદવપુર પોલીસ સ્ટેશનમાં કેસ નોંધાવ્યો હતો. જોકે શમીએ તેના પર લાગેલા તમામ આરોપોને ફગાવી દીધા હતા. શમી હાલમાં IPL-2023માં ગુજરાત ટાઈટન્સ તરફથી રમી રહ્યો છે અને તેના બોલથી ધમાલ મચાવી રહ્યો છે.

આ છે સમગ્ર મામલો

હસીન જહાંએ હાલની અરજીમાં આરોપ લગાવ્યો છે કે કોલકાતાની સેશન કોર્ટે શમી વિરુદ્ધ કાર્યવાહી કરવા પર સ્ટે લગાવી દીધો હતો. તેણે કહ્યું કે શમી કેસ માટે પૈસા પણ નથી આપતો. હસીન જહાંએ પોતાની અરજીમાં કહ્યું છે કે શમી તેની પાસેથી દહેજની માંગ કરતો હતો. તેણે કહ્યું છે કે શમી ટીમ ઈન્ડિયા સાથે પ્રવાસ દરમિયાન અને ભારતીય ટીમ સાથે રહેતી વખતે વધારાની વસ્તુઓ રાખતો હતો.

હસીન જહાંએ આરોપ લગાવ્યો છે કે શમી બીસીસીઆઈના પ્રવાસમાં બીજા ફોન નંબરનો ઉપયોગ કરીને અય્યાશી કરતો હતો. તેણે કહ્યું કે કોલકાતાના લાલ બજારની પોલીસે તેનો ફોન પણ જપ્ત કર્યો છે. પરંતુ હજુ પણ શમીની અય્યાશી ચાલુ છે.

આ વાતથી નારાજ છે શમીની પત્ની

કોર્ટે શમીને હસીન જહાંને આપવા માટે જે ભથ્થાબંધ રકમ આપવા કહ્યું હતું તેનાથી પણ હસીન જહાં ખુશ નથી. હસીન જહાંએ શમી પાસેથી દર મહિને 10 લાખ રૂપિયાની માંગણી કરી હતી. હસીન જહાંએ તેના અંગત ખર્ચ માટે 7 લાખ રૂપિયા અને પુત્રીના ખર્ચ માટે 3 લાખ રૂપિયાની માંગણી કરી હતી.

હસીન જહાંએ શમી પર મેચ ફિક્સિંગનો આરોપ પણ લગાવ્યો હતો અને ત્યારબાદ BCCI ચલાવતી કમિટી ઓફ એડમિનિસ્ટ્રેટર્સ (CoA)એ તેની તપાસ કરી હતી, જેમાં શમી નિર્દોષ હોવાનું બહાર આવ્યું હતું. શમી તેના પર લાગેલા આરોપોને સતત નકારી રહ્યો છે.

રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…