KKR vs MI IPL 2022: કોલકાતા ના બોલીંગ આક્રમણ સામે Ishan Kishan ની થશે કસોટી, ઉમેશ, સાઉથી અને નરેન બગાડી શકે છે ખેલ!
કોલકાતા નાઈટ રાઈડર્સ અને મુંબઈ ઈન્ડિયન્સ વચ્ચેની મેચ પુણેમાં રમાવાની છે. મુંબઈ આ મેચમાં હારની હેટ્રિકથી બચવા ઈચ્છશે. તે અત્યાર સુધીમાં બે મેચ હારી ચૂક્યો છે.
IPL 2022 માં, 6 એપ્રિલે, મુંબઈ ઈન્ડિયન્સ અને કોલકાતા નાઈટ રાઈડર્સ (Mumbai Indians vs Kolkata Knight Riders) પુણેમાં ટકરાશે. આ મેચમાં તમામની નજર મુંબઈના યુવા ઓપનર ઈશાન કિશન (Ishan Kishan) પર રહેશે. તેણે પ્રથમ બે મેચમાં અડધી સદી ફટકારી છે અને તે અત્યારે સારા ફોર્મમાં જોવા મળી રહ્યો છે. પરંતુ તેણે કોલકાતા સામે ખૂબ કાળજી રાખવી પડશે. કારણ કે કેકેઆરના બોલરોની સામે ઈશાન કિશનનો રેકોર્ડ ઘણો ખરાબ છે. ઉમેશ યાદવ, ટિમ સાઉથી, પેટ કમિન્સ અને સુનીલ નારાયણ જેવા બોલરો સામે ઈશાનના રન નથી થતા અને તેઓ સસ્તામાં પરત ફરે છે. આઇપીએલ (IPL 2022) માં પહેલી જીતની રાહ જોઈ રહેલી મુંબઈ ઈન્ડિયન્સ ઈચ્છશે નહીં કે ઈશાન કિશન KKR સામે જૂના રેકોર્ડનું પુનરાવર્તન કરે. તેઓ ઈચ્છશે કે આ ડાબોડી બેટ્સમેન મોટી ઈનિંગ્સ રમે.
ઈશાને IPL 2022 માં KKR માટે સારો દેખાવ કરી રહેલા ઉમેશ યાદવનો સામનો કર્યો છે. આ દરમિયાન તેણે એક બોલ રમ્યો અને તેના પર તે આઉટ થઈ ગયો. તેણે મિસ્ટ્રી સ્પિનર સુનીલ નરેનના ચાર બોલ રમ્યો છે અને એક વખત તે આઉટ થયો છે. ટિમ સાઉથીની સામે પણ ઈશાનનો રેકોર્ડ સારો નથી. આ કીવી બોલરનો કિશન એક જ બોલ રમ્યો અને તેના પર પણ તે આઉટ થયો હતો. પેટ કમિન્સ પણ મુંબઈ ઈન્ડિયન્સ સામેની મેચ માટે KKR માં પસંદગી માટે ઉપલબ્ધ રહેશે. કિશન પણ તેની સામે ફીકો છે. તેણે ઓસ્ટ્રેલિયાના કેપ્ટન માટે પાંચ બોલ રમ્યા છે અને બે વખત તે આઉટ થયો છે.
IPL 2022 માં 2 મેચમાં 2 અર્ધસદી નોંધાવી
આવી સ્થિતિમાં, સ્પષ્ટ છે કે KKR સામેની મેચમાં ઈશાન કિશનના આંકડા તેને સમર્થન નથી આપી રહ્યા. પરંતુ IPL 2022 માં તેણે અત્યાર સુધી બે મેચમાં જે રીતે પ્રદર્શન કર્યું છે, તેનાથી તેનો આત્મવિશ્વાસ વધી ગયો છે. તેણે મુંબઈમાં આ સિઝનની પ્રથમ મેચમાં દિલ્હી કેપિટલ્સ સામે અણનમ 81 રનની ઇનિંગ રમી હતી. આ ઇનિંગમાં કિશને 48 બોલનો સામનો કર્યો અને 11 ફોર અને બે સિક્સર ફટકારી. ત્યારબાદ રાજસ્થાન રોયલ્સ સામેની મેચમાં તેણે 43 બોલમાં 54 રન બનાવ્યા હતા. આ ઇનિંગમાં કિશને પાંચ ચોગ્ગા અને એક છગ્ગો ફટકાર્યો હતો.
ઈશાન કિશન મુંબઈ ઈન્ડિયન્સના સૌથી મોંઘા ખેલાડીઓમાંથી એક છે. IPL 2022ની હરાજીમાં તેના પર 15.25 કરોડ રૂપિયાનો ખર્ચ કરવામાં આવ્યો હતો.
આ પણ વાંચો : માતાએ પોતાના જ પુત્રને અપાવી 25 વર્ષની સજા, એક વર્ષથી પૌત્રી સાથે આચરતો હતો દુષ્કર્મ
આ પણ વાંચો : Sabarkantha: હિંમતનગરમાં કોંગ્રેસ, પાટીદાર અને રાજપૂત અગ્રણીઓ ભાજપમાં જોડાયા, સીઆર પાટીલે કરાવ્યા કેસરીયા
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
Latest News Updates
