માતાએ પોતાના જ પુત્રને અપાવી 25 વર્ષની સજા, એક વર્ષથી પૌત્રી સાથે આચરતો હતો દુષ્કર્મ

Maharashtra: મુંબઈની એક વિશેષ અદાલતે (Mumbai Pocso Court) આરોપી પિતાને તેની સગીર પુત્રીનું યૌન શોષણ કરવા બદલ 25 વર્ષની સખત કેદની સજા ફટકારી છે. ઉપરાંત, આ કેસમાં (Mumbai Crime) પીડિતાની દાદી અને આરોપીની માતા, જેમણે તેના પૌત્રીને ન્યાય અપાવવા માટે આજીજી કરી છે તેની પ્રશંસા કરવામાં આવી છે. સ્પેશિયલ જજ ભારતી કાલેએ જણાવ્યું હતું કે, દાદીને ન્યાય માંગવા બદલ પ્રશંસા કરવી જોઈએ, તેમ છતાં તેણીએ આટલી ઉંમરે આરોપીના બાળકોની સંભાળ રાખવાની આવશ્યકતા રહેશે. તમને જણાવી દઈએ કે, ઘટનાના સાત વર્ષ પહેલા બાળકની માતાએ પરિવાર છોડી દીધો હતો.

દાદીએ પૌત્રીની લડાઈ લડી

વાસ્તવમાં પીડિતા તેના પિતા, દાદા દાદી, કાકા અને બે ભાઈ-બહેન સાથે એક નાનકડા રૂમમાં રહેતી હતી. તેણીએ જાતીય સતામણીનો મામલો શરૂ થયાના એક વર્ષ પછી, તેણીએ તેની દાદીને આખી વાત કહી હતી. જે બાદ દાદીએ તરત જ આ બાબતની પોલીસમાં ફરિયાદ કરી હતી. પીડિત યુવતી અને તેની દાદી બંનેએ આરોપી વિરુદ્ધ કોર્ટમાં જુબાની આપી હતી. હાલમાં પીડિતાને શેલ્ટર હોમમાં રાખવામાં આવી છે. પીડિતાએ જણાવ્યું કે, જ્યારે બધા સૂતા હતા ત્યારે તેના પિતા રૂમના એક ખૂણામાં તેની સાથે યૌનશોષણ કરતા હતા. એટલું જ નહીં, તેણે તેને ધમકી પણ આપી હતી.

પિતા વારંવાર જાતીય સતામણી કરતા હતા

તે જ સમયે, આ કેસમાં, વિશેષ ન્યાયાધીશ ભારતી કાલેએ ગયા અઠવાડિયે આરોપીઓને પ્રોટેક્શન ઑફ ચિલ્ડ્રન ફ્રોમ સેક્સ્યુઅલ ઑફેન્સ (POCSO) એક્ટની વિવિધ જોગવાઈઓ હેઠળ દોષિત ઠેરવ્યા હતા. જેમાં કોર્ટે 2020માં પોતાની 13 વર્ષની પૌત્રી પર વારંવાર બળાત્કાર ગુજારનાર પુત્ર સામે ઉભા રહેવા બદલ 60 વર્ષની માતાની પ્રશંસા કરી હતી. આ સાથે 37 વર્ષીય આરોપીને 25 વર્ષની સખત કેદની સજા ફટકારવામાં આવી છે. આ ટ્રાયલ ત્રણ મહિનામાં પૂર્ણ કરવામાં આવી હતી. દાદીની પ્રશંસા કરતા સ્પેશિયલ જજ ભારતી કાલેએ કહ્યું કે દાદીને ન્યાય મેળવવા બદલ બિરદાવવા જોઈએ.

આ પણ વાંચો: UPSC Success Story: રિતિકાએ 22 વર્ષની ઉંમરે UPSC પાસ કરી, તેના બીમાર પિતાની સંભાળ રાખવા સાથે કરી તૈયારી

આ પણ વાંચો: FSSAI Answer Key 2021-22: ફૂડ એનાલિસ્ટ સહિત ઘણી જગ્યાઓ માટે ભરતી પરીક્ષાની આન્સર કી થઈ જાહેર, આ રીતે કરો ચેક