T20 World Cup: ટીમ ઇન્ડીયા ન્યુઝીલેન્ડ સામેની મેચ પહેલા મસ્તીના મૂડમાં, ઇશાન-ઠાકુરે એકબીજાને બાહોં ભરીને કર્યો કપલ ડાન્સ,જુઓ Video
ICC T20 વર્લ્ડ કપમાં રવિવારે ભારત અને ન્યુઝીલેન્ડ (India vs New Zealand) ની ટીમો આમને-સામને થશે અને આ મેચ પહેલા ટીમ ઈન્ડિયાના ખેલાડીઓનો નવો અવતાર જોવા મળ્યો હતો.
ભારતીય ક્રિકેટ ટીમ આજે ICC T20 વર્લ્ડ કપ-2021 (ICC T20 World Cup 2021) માં તેની બીજી મેચ રમવાની છે. ભારતે (India Cricket Team) આ મેચ ન્યૂઝીલેન્ડ ક્રિકેટ ટીમ (New Zealand Crcket Team) સામે રમવાની છે. ભારત માટે આ મેચ ખૂબ જ મહત્વપૂર્ણ છે કારણ કે આ મેચમાં હાર અને જીત તેના સેમિફાઈનલમાં જવાનો રસ્તો નક્કી કરશે. ભારતને તેની પ્રથમ મેચમાં પાકિસ્તાનના હાથે હારનો સામનો કરવો પડ્યો હતો. તેથી હવે તે ન્યુઝીલેન્ડના હાથે હાર ટાળવા માંગશે.
જો કે ન્યુઝીલેન્ડ સામેની મેચ પહેલા ભારતીય ટીમ હળવા મૂડમાં જોવા મળી હતી. ટીમના ખેલાડીઓ ખૂબ જ મસ્તી કરતા જોવા મળ્યા હતા. સોશિયલ મીડિયા પર ટીમ ઈન્ડિયાના મસ્તી કરતા કેટલાક વીડિયો અને ફોટો વાયરલ થઈ રહ્યા છે. આવા જ એક વીડિયોમાં ઈશાન કિશન અને શાર્દુલ ઠાકુરની ડાન્સર સ્ટાઈલ પણ જોવા મળી રહી છે.
ટીમ ઈન્ડિયા હેલોવીન સેલિબ્રેટ કરી રહી હતી અને આ સેલિબ્રેશન દરમિયાન કિશન અને ઠાકુરે પોતાની જુગલબંધી બતાવી અને ડાન્સ કરતા જોવા મળ્યા. બંને એકબીજાના હાથમાં હાથ નાખીને કપલની જેમ ડાન્સ કરતા જોવા મળ્યા હતા. આ દરમિયાન કિશને ઠાકુરને લગભગ પાડી દીધો હતો, પરંતુ તેને અંતિમ પળે જ સંભાળી લીધો હતો. આ દરમિયાન ટીમના બાકીના ખેલાડીઓ અને તેમની પત્નીઓ બંનેના ડાન્સની મજા માણી રહી હતી. કેપ્ટન વિરાટ કોહલી (Virat Kohli) પણ હાજર હતો અને તે મોબાઈલમાં આ બંનેનો વીડિયો ઉતારી રહ્યો હતો.
This Indian team is special. pic.twitter.com/WCL5eCfLBD
— Johns. (@CricCrazyJohns) October 30, 2021
પંતે ગીફ્ટ વિતરણ કર્યું
ભારતના યુવા વિકેટકીપર-બેટ્સમેને આ સમયગાળા દરમિયાન બાળકોને ભેટ પણ વહેંચી હતી. પંત ચોકલેટ અને ટોફીથી ભરેલી બેગ લાવ્યો હતો અને બદલામાં સાથી ખેલાડીઓના બાળકોને આપી રહ્યો હતો. આ દરમિયાન રવિચંદ્રન અશ્વિનની દીકરીઓ રોહિત શર્માની દીકરી પંત પાસેથી આ ટૉફી લેતી જોવા મળી હતી.
— riya (@reaadubey) October 30, 2021
ભારત માટે મુશ્કેલ પડકાર
ભારતે આજે ન્યુઝીલેન્ડ સામે મેચ રમવાની છે. ન્યુઝીલેન્ડ એક એવો પ્રતિસ્પર્ધી છે જેણે ટી-20 ફોર્મેટ વર્લ્ડ કપમાં ભારતને ઘણી પરેશાન કરી છે. ભારત 2003 થી ICC ટૂર્નામેન્ટમાં ન્યુઝીલેન્ડને હરાવી શક્યું નથી. બંને ટીમો પાંચ વખત સામસામે આવી ચૂકી છે. આ બંને ટીમો ODI વર્લ્ડ કપમાં બે વખત આમને સામને આવી હતી. 2003 અને 2019માં આ બંને ટીમો ODI વર્લ્ડ કપમાં સામસામે આવી હતી.
આ બંનેમાં ન્યુઝીલેન્ડનો વિજય થયો હતો. આ બંને ટીમો માત્ર બે વખત T20 વર્લ્ડ કપમાં ટકરાયા હતા. આ બંને વખત ન્યુઝીલેન્ડ પણ જીત્યું હતું. તાજેતરમાં, આ બંને ટીમો ICC વર્લ્ડ ટેસ્ટ ચેમ્પિયનશિપમાં ટકરાયા હતા જેમાં ન્યૂઝીલેન્ડે ભારતને હરાવ્યું હતું.
આ પણ વાંચોઃ IND vs NZ: હાર્દિક પંડ્યાને મળશે આજે મોકો! પહેલા વિરાટ કોહલી અને બાદમાં પ્રેકટીશ સેશનમાં મળ્યા સંકેત
આ પણ વાંચોઃ IND vs NZ, T20 World Cup 2021: ન્યુઝીલેન્ડ સામે આજે આરપારની લડાઇ, ટીમ ઇન્ડીયાએ ICCમાં કિવી સામેનો ઇતિહાસ બદલતી રમત રમવી પડશે
Latest News Updates
