IPL 2022 Auction: દિગ્ગજો થી લઇ નવા સ્ટાર ખેલાડીઓ સુધી જાણો ક્યા ક્યા ખેલાડીઓ પર લાગશે બોલી, જુઓ 590 ક્રિકેટરોના નામની યાદી

IPL Auction 2022 Registered Players: આ વખતના મેગા ઓક્શન માટે કુલ 590 ખેલાડીઓએ તેમના નામ નોંધાવ્યા છે, જેમાંથી 370 ભારતના છે, જ્યારે 220 વિદેશી ખેલાડીઓ છે.

IPL Auction 2022: 10 ટીમો ખેલાડીઓ ખરીદવા માટે લગાવશે બોલી

TV9 Gujarati | Edited By: Avnish Goswami | Updated on: Feb 08, 2022 | 9:34 PM

ઈન્ડિયન પ્રીમિયર લીગ 2022 (IPL 2022) સીઝનની શરૂઆત થવામાં હજુ સમય છે. પરંતુ તે પહેલા સૌથી મહત્વપૂર્ણ પ્રક્રિયા, જેની ક્રિકેટરોથી લઈને ચાહકો આતુરતાપૂર્વક રાહ જોઈ રહ્યા છે. એટલે કે મોટી હરાજીનો દિવસ (IPL 2022 Auction) હવે નજીક છે. દર વખતની જેમ 12 અને 13 ફેબ્રુઆરીએ ખેલાડીઓ પર બોલી લગાવવાની પ્રક્રિયા બેંગલુરુમાં થશે. આ ઓક્શન ઘણી રીતે ખાસ છે, જેમાં સૌથી મહત્વની છે ટીમોની સંખ્યા. લગભગ એક દાયકા બાદ IPLમાં 8ની જગ્યાએ ફરીથી 10 ટીમો ભાગ લેશે. આ સિઝનથી, લખનૌ સુપર જાયન્ટ્સ અને અમદાવાદ ટાઇટન્સ (Ahmedabad Titans) ની ફ્રેન્ચાઇઝી લીગમાં ઉમેરવામાં આવી છે. તેથી આ હરાજી ખૂબ જ રોમાંચક બનવા જઈ રહી છે. આ બે દિવસીય મેગા ઓક્શનમાં આ વખતે કુલ 590 ખેલાડીઓની બોલી લગાવવામાં આવશે.

આ વખતે ટૂર્નામેન્ટમાં વિશ્વભરના 1200 થી વધુ ખેલાડીઓએ પોતાનું નામ નોંધાવ્યું હતું, ત્યારબાદ ફ્રેન્ચાઇઝીની પસંદગીના આધારે કુલ 590 ખેલાડીઓએ અંતિમ યાદીમાં સ્થાન મેળવ્યું હતું. આ 590 ખેલાડીઓમાંથી, 228 ખેલાડીઓ (કેપ્ડ) એવા છે કે જેમણે પોતાના દેશનું પ્રતિનિધિત્વ કર્યું છે, જ્યારે 355 ખેલાડીઓ અનકેપ્ડ છે, એટલે કે, જેમણે હજુ સુધી આંતરરાષ્ટ્રીય ક્રિકેટ રમ્યા નથી. 7 ખેલાડીઓ ICC સાથે સંકળાયેલા સભ્ય દેશોના છે. આ ખેલાડીઓમાં 370 ભારતના અને 220 વિદેશી ખેલાડીઓ છે. મોટાભાગના વિદેશી ખેલાડીઓમાં સૌથી વધુ 47 ઓસ્ટ્રેલિયાના છે.

IPL 2022 Auction Full List

હવે આ 590 ખેલાડીઓ કોણ છે તે જાણવા માટે બધાને ઉત્સુકતા છે. આ યાદીમાં ભારતથી લઈને વિદેશી ખેલાડીઓ સુધીના ઘણા મોટા ચહેરા છે. આવી સ્થિતિમાં, હરાજી પહેલા, અમે તમને તમામ 590 ખેલાડીઓના નામ જણાવીએ છીએ.

Web Stories View more