IPL 2024 SRH vs RCB: બેંગલુરુ એક મહિના પછી મેચ જીતી, હૈદરાબાદને 35 રનથી હરાવ્યું

રોયલ ચેલેન્જર્સ બેંગ્લોરે શાનદાર પ્રદર્શન કરીને સનરાઈઝર્સ હૈદરાબાદને ઘૂંટણિયે પડવા મજબૂર કર્યા હતા. રાજીવ ગાંધી સ્ટેડિયમમાં રમાયેલી મેચમાં RCBએ પ્રથમ બેટિંગ કરીને 20 ઓવરમાં 206 રન બનાવ્યા, જવાબમાં સનરાઈઝર્સ હૈદરાબાદની બેટિંગ નિષ્ફળ રહી અને ટીમ માત્ર 171 રન જ બનાવી શકી.

SRH ટોપ ઓર્ડર ફ્લોપ

હૈદરાબાદનો ટોપ ઓર્ડર બેંગલુરુ સામે નિષ્ફળ ગયો. ટ્રેવિસ હેડ માત્ર 1 રન બનાવીને આઉટ થયો હતો. એડન માર્કરામે 7 રનની ઈનિંગ રમી હતી. હેનરિક ક્લાસેન પણ માત્ર 7 રન બનાવી શક્યો હતો. અભિષેક શર્મા અને પેટ કમિન્સે 31-31 અને શાહબાઝ અહેમદે અણનમ 40 રન બનાવીને જીતવાના પ્રયાસો કર્યા હતા પરંતુ બેંગલુરુએ 35 રને મેચ જીતી લીધી હતી.

એક મહિના પછી RCBની જીત

આ સિઝનમાં બેંગલુરુની આ માત્ર બીજી જીત છે. ટીમ 9માંથી 7 મેચ હારી છે. તમને જણાવી દઈએ કે બેંગલુરુની ટીમ એક મહિના પછી મેચ જીતી હતી. RCBને 25 માર્ચે પંજાબ સામે આ ટૂર્નામેન્ટમાં પહેલી જીત મળી હતી. હવે RCBને 25મી એપ્રિલે બીજી જીત મળી હતી. બીજી તરફ હૈદરાબાદને આ સિઝનમાં ત્રીજી હારનો સામનો કરવો પડ્યો છે પરંતુ આ ટીમ હજુ પણ પોઈન્ટ ટેબલમાં ત્રીજા સ્થાને છે.

RCBની જીતનો હીરો રજત પાટીદાર

RCBની જીતમાં સૌથી મહત્વની ભૂમિકા રજત પાટીદારે ભજવી હતી, જેણે 20 બોલમાં 50 રનની ઈનિંગ રમી હતી. પાટીદારે પોતાની ઈનિંગમાં 5 સિક્સર અને 2 ફોર ફટકારી હતી. તેનો સ્ટ્રાઈક રેટ 250 હતો. તેના સિવાય કેમેરોન ગ્રીને 25 રનની ઈનિંગ રમી અણનમ 37 રન બનાવ્યા હતા. બોલિંગમાં વિરાટ કોહલીએ 43 બોલમાં 51 રન ફટકાર્યા હતા, જ્યારે કેમરન ગ્રીનને પણ 2 વિકેટ મળી હતી. સ્વપ્નિલ સિંહે ચોક્કસપણે 40 રન આપ્યા પરંતુ તે ટ્રેવિસ હેડ અને ક્લાસેનની વિકેટ લેવામાં સફળ રહ્યો હતો.

હૈદરાબાદના બોલરોનું પ્રદર્શન

હૈદરાબાદના બોલરોનું પ્રદર્શન નિરાશાજનક રહ્યું હતું. હૈદરાબાદના કેપ્ટન પેટ કમિન્સે 4 ઓવરમાં 55 રન આપ્યા અને માત્ર એક વિકેટ લીધી. મયંક માર્કંડેએ 3 ઓવરમાં 42 રન આપ્યા હતા. જયદેવ ઉનડકટે ચોક્કસપણે સારું પ્રદર્શન કર્યું. તેણે 30 રનમાં 3 વિકેટ લીધી હતી. નટરાજનને 2 સફળતા મળી હતી.

આ પણ વાંચો : IPL 2024: 6,6,6,6…રજત પાટીદારે 19 બોલમાં તોફાની અડધી સદી ફટકારી, કાવ્યા મારનનો ચહેરો ઊતરી ગયો