આઈપીએલ 2024ની સીઝન ચાલી રહી છે અને આ સીઝનમાં ચેન્નાઈ સુપર કિંગ્સના પૂર્વ કેપ્ટન મહેન્દ્ર સિંહ ધોનીની નકલી પોસ્ટ સોશિયલ મીડિયા પર વાયરલ થઈ રહી છે. જેમાં લોકો પાસે 600 રુપિયા ઉધાર માંગી રહ્યા છે.
એક પોસ્ટ વાયરલ થઈ રહી છે અને કહેવામાં આવી રહ્યું છે કે, હુ મહેન્દ્ર સિંહ ધોની છું અને આ મારું પ્રાઈવેટ અકાઉન્ટ છે, જેમાથી તમને મેસેજ કર્યો છે. હું રાંચીની બહારના વિસ્તારમાં ફસાયો છું અને હું મારું વોલેટ ભૂલી ગયો છું. મારે ઘરે પરત જવું છે, શું તમે લોકો મને ફોન પે પર 600 રુપિયા ટ્રાન્સફર કરી આપશો. હું ઘરે પરત ફરી તમને પૈસા પરત આપી દઇશ.
પોસ્ટમાં પોતાને ખુદ ધોની બતાવવા માટે સ્કેમર્સે ધોનીનો એક ફોટો સાથે પોસ્ટ કર્યો છે અને કહ્યું છે કે, આ સબુત તરીકે મારી સેલ્ફી, Whistle Podu
આ પોસ્ટને સોશિયલ મીડિયા પ્લેટફોર્મ પર ધોનીના નામે નકલી અકાઉન્ટ બનાવી શેર કર્યું છે. અન્ય કેટલાક યુઝરે પણ આ પોસ્ટને શેર કરી છે. ધોનીના ચાહકોને આવા લોકોથી સાવધાન અને સતર્ક રહેવાની સલાહ પણ આપવામાં આવી છે. આ ફોટો પર લાખો લોકોએ કોમેન્ટ પણ કરી છે. લોકો કહી રહ્યા છે ભાઈ QR કોર્ડ પણ મોકલી આપ પૈસા હું મોકલી આપીશ. તો કોઈ કહી રહ્યા છે આવા લોકોથી સાવધાન રહો.
— Out Of Context Cricket (@GemsOfCricket) April 25, 2024
આજ-કાલ સોશિયલ મીડિયા પર અસલી -નકલી વચ્ચે ભેદ ઉકલવો અઘરો બન્યો છે. જેમાં પછી પૈસાની છેતરપિંડી હોય કે પછી કોઈ મોટું સ્કેમ હોય, લોકો મેસેજ અને આવી પોસ્ટ કે પછી ફેક કોલ કરીને પૈસાની માગણી કરતા હોય છે.
એક્સપર્ટે ચેતવણી આપી છે કે, આવા ઓનલાઈન સ્કેમ સામાન્ય થઈ ગયા છે. સ્કેમર્સ હંમેશા કોઈ વ્યક્તિના નામે પ્રોફાઈલ ફોટો લગાવી લોકોને ફસાવી દે છે. આજની દુનિયામાં ઓનલાઈન સ્કેમનું એક વાઈડ નેટવર્ક છે, જેમાં લોકો ફસાય રહ્યા છે.
જો તમે પણ આનો શિકાર ન બને તો માટે સુચના પણ આપવામાં આવી છે, કે, જો કોઈ તમને મેસેજ કરે કે પછી પૈસાની માંગણી કરે તો સાવધાન, કોઈ અજાણ્યા વ્યક્તિનો ફોન આવે તો પૈસા ન મોકલો તેમજ મેસેજનો રિપ્લે પણ ન આપો.
આ પણ વાંચો : IPL 2024માં સૌથી વધુ સિક્સર મારનાર 5 ટીમો, આ ટીમે પોઈન્ટ ટેબલમાં “ઝીરો” પરંતુ મેચમાં છે “હીરો”