IPL 2022 Purple Cap: ચહલ અને કુલદીપની જોડીની ધમાલ યથાવત, ‘કુલ-ચા’ જોડીને ટોચના ક્રમેથી હલાવી નથી શક્યુ

IPL 2022 Purple Cap: યુઝવેન્દ્ર ચહલે આ સિઝનની પ્રથમ હેટ્રિક લીધી છે, તેથી જ તે નંબર વન પર ખૂબ જ મજબૂત સ્થિતિમાં બેઠો છે.

IPL 2022 Purple Cap: ચહલ અને કુલદીપની જોડીની ધમાલ યથાવત, 'કુલ-ચા' જોડીને ટોચના ક્રમેથી હલાવી નથી શક્યુ
Kuldeep Yadav અને Yuzvendra Chahal એ સિઝનનમાં ધમાલ મચાવી રાખી છે
TV9 GUJARATI

| Edited By: Avnish Goswami

Apr 23, 2022 | 8:38 AM

IPL 2022 માં અત્યાર સુધીમાં કુલ 34 મેચ રમાઈ છે. આવી સ્થિતિમાં જો બેટ્સમેનોની વાત કરીએ તો વિદેશી બેટ્સમેનો સારો દેખાવ કરી રહ્યા છે અને સતત રન બનાવી રહ્યા છે. સૌથી વધુ રન બનાવનાર ખેલાડીઓની યાદીમાં વિદેશી બેટ્સમેનોનો દબદબો છે. રાજસ્થાન રોયલ્સ તરફથી રમતા ઇંગ્લેન્ડનો જમણો હાથનો બેટ્સમેન જોસ બટલર (Jos Buttler) સતત આગ લગાવી રહ્યો છે. જ્યારે બેટ્સમેનોની યાદીમાં વિદેશીઓનો દબદબો છે, જ્યારે બોલરોની યાદીમાં ભારતીય ખેલાડીઓનો દબદબો છે. તે પણ ભારતની ઓળખ ગણાતો સ્પિન બોલર. ભારતના બે શ્રેષ્ઠ સ્પિનરો આ સિઝનમાં સૌથી વધુ વિકેટ લેનારાઓની યાદીમાં મોખરે છે અને ટોચના બે સ્થાન પર છે. IPL પર્પલ કેપ (IPL Purple Cap) ની રેસમાં રાજસ્થાનનો લેગ સ્પિનર ​​યુઝવેન્દ્ર ચહલ (Yuzvendra Chahal) સૌથી આગળ છે. તે સાત મેચમાં 18 વિકેટ સાથે નંબર વન પર છે.

ચહલે કોલકાતા નાઈટ રાઈડર્સ સામે હેટ્રિક લીધી, જે તેની આઈપીએલ કારકિર્દી અને આ સિઝનની પ્રથમ હેટ્રિક છે. શુક્રવારે દિલ્હી સામે રમાયેલી મેચમાં ચહલને માત્ર એક જ વિકેટ મળી હતી. આ સાથે જ ટીમ ઈન્ડિયામાં તેનો પાર્ટનર રહેલા ચાઈનામેન કુલદીપ યાદવ બીજા નંબર પર છે. કુલદીપને રાજસ્થાન સામે એક પણ સફળતા મળી નથી પરંતુ તેણે પોતાનું બીજું સ્થાન જાળવી રાખ્યું છે. તેણે સાત મેચમાં 13 વિકેટ લીધી છે. આ જોડી ‘કુલ-ચા’ તરીકે ઓળખાય છે અને એક સમયે આ જોડી ટીમ ઈન્ડિયામાં સાથે રમતી હતી. તમને જણાવી દઈએ કે પર્પલ કેપ એ બોલરને આપવામાં આવે છે જે લીગના અંતે સૌથી વધુ વિકેટ લેવામાં સફળ રહે છે. તેના માલિક લીગ દરમિયાન પણ મેચ દર મેચ બદલતા રહે છે.

ટોપ-5 માં આ ત્રણ ખેલાડીઓ

ચેન્નાઈ સુપર કિંગ્સનો ડ્વેન બ્રાવો પર્પલ કેપ રેસમાં ત્રીજા સ્થાને છે. બ્રાવોએ સાત મેચમાં 12 વિકેટ લીધી છે. સનરાઇઝર્સ હૈદરાબાદના ટી. નટરાજન છ મેચમાં 12 વિકેટ સાથે ચોથા નંબર પર છે. રાજસ્થાન સામે વિકેટ લેનાર દિલ્હીનો ડાબોડી ફાસ્ટ બોલર ખલીલ અહેમદ પાંચમા નંબરે છે. તેણે છ મેચમાં 11 વિકેટ ઝડપી છે. ખલીલે દેવદત્ત પડિકલની વિકેટ લઈને રાજસ્થાન સામે દિલ્હીને પ્રથમ સફળતા અપાવી હતી.

સ્થાન બોલર  મેચ વિકેટ ઇકોનોમી
1 યુઝવેદ્ર ચહલ 7 18 7.28
2 કુલદીપ યાદવ 7 13 8.47
3 ડ્વેન બ્રાવો 7 12 8.45
3 ટી નટરાજન 6 12 8.66
4 ખલીલ અહેમદ 6 11 7.91
4 અવેશ ખાન 7 11 8.28
4 વાનિન્દુ હસરંગા 7 11 8.6
5 રાહુલ ચાહર 7 10 7.32
5 ઉમેશ યાદવ 7 10

7.39

પ્રસિદ્ધ કૃષ્ણા પણ ચમક્યો

રાજસ્થાન અને દિલ્હી વચ્ચેની મેચમાં જો કોઈ બોલર ચમક્યો તો તે પ્રસિદ્ધ કૃષ્ણા હતો. જમણા હાથના બોલરે રાજસ્થાનની બોલિંગનું નેતૃત્વ કર્યું હતું. કૃષ્ણાએ આ મેચમાં ચાર ઓવરના ક્વોટામાં 22 રન આપીને ત્રણ વિકેટ લીધી હતી. તેણે હવે સાત મેચમાં આઠ વિકેટ મેળવી છે. તે 15મા નંબર પર છે.

આ પણ વાંચો : IPL 2022: મુંબઈ ઈન્ડિયન્સમાં પડી છે તિરાડ? જૂથમાં વહેંચાઈ ગયા છે ખેલાડીઓ જેના કારણે મળી રહી છે સતત હાર!

આ પણ વાંચો : MS Dhoni એ જયદેવ ઉનડકટની ઓવરમાં મચાવેલી ધમાલ બાદ થવા લાગી નિવૃત્તીથી પરત ફરવાની માંગ!

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો

Follow us on

Related Stories

Most Read Stories

Click on your DTH Provider to Add TV9 Gujarati