LSG vs MI, IPL 2022: લખનૌએ કેએલ રાહુલની સદી વડે મુંબઈ સામે 6 વિકેટે 168 રનનો સ્કોર ખડક્યો, સિઝનમાં બીજી સદી

કેએલ રાહુલે (KL Rahul) મુંબઈ ઈન્ડિયન્સ સામે શાનદાર ઈનીંગ વાનખેડે સ્ટેડિયમમાં રમતા સદી ફટકારી હતી. સિઝનમાં રાહુલે બીજી વાર સદી ફટકારી છે.

KL Rahul એ શાનદાર શતક ફટકાર્યુ

TV9 Gujarati | Edited By: Nirupa Duva | Updated on: Apr 25, 2022 | 12:19 PM

IPL 2022 ની 37મી મેચ મુંબઈના વાનખેડે સ્ટેડિયમમાં રમાઈ રહી છે. મુંબઈ ઈન્ડિયન્સ અને લખનૌ સુપર જાયન્ટ્સ (Mumbai Indians vs Lucknow Super Giants) વચ્ચે રમાઈ રહેલી મેચમાં રોહિત શર્મા (Rohit Sharma) એ ટોસ જીતીને રન ચેઝ કરવાની યોજના પસંદ કરી હતી. રોહિતની યોજના મુજબ મુંબઈના બોલરોએ લખનૌના બેટ્સમેનો પર હાવી રહેવામાં સફળતા મેળવી હતી. પરંતુ કેએલ રાહુલે (KL Rahul) કેપ્ટન ઈનીંગ રમીને ટીમના સ્કોરને મોટો કરવામાં સફળતા મેળવી હતી. રાહુલે સિઝનમાં બીજી સદી ફટકારી હતી. 6 વિકેટ ગુમાવીને 168 રનનો સ્કોર 20 ઓવરમાં ખડક્યો હતો.

લખનૌના કેપ્ટન કેએલ રાહુલે તેનુ શાનદાર પ્રદર્શન જારી રાખ્યુ છે. મુંબઈ સામે પણ તેણે જબરદસ્ત ઈનીંગ રમી હતી. ઓપનીંગમાં આવેલા રાહુલે શરુઆત થી જ એક છેડો સાચવી રાખીને સ્કોર બોર્ડને આગળ વધારવાનુ જારી રાખ્યુ હતુ. એક સમયે પાવર પ્લેના અંતમાં રન મેળવવામાં મુશ્કેલી સાથે દબાણ જણાતુ હતુ. પરંતુ તેણે 8મી અને 9મી ઓવર થી ગીયલ બદલ્યો હતો. તેણે ટીમનો સ્કોર ઝડપથી વધારવા માટે બેટ ખોલીને રમત શરુ કરી હતી. તેણે અંત સુધી ક્રિઝ પર રહીને અણનમ સદી નોંધાવી હતી. રાહુલે 62 બોલમાં 103 રન કર્યા હતા. આ દરમિયાન 4 છગ્ગા અને 12 ચોગ્ગા ફટકાર્યા હતા.

Web Stories View more

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

જયા કિશોરીએ તેની નાની બહેન ચેતના શર્મા સાથે થતા ઝઘડા વિશે કર્યો ખુલાસો, જાણો

અમિત શાહે આપી શેરબજારની મોટી ટીપ, લોકસભામાં ભાજપની જીત બાદ આ 5 સ્ટોક થશે શૂટ અપ

Koo App

💚 #LucknowSuperGiants

View attached media content

– KL Rahul (@rahulkl) 25 Apr 2022

જોકે તેને સાથ આપનારા સાથી ખેલાડીઓ એક બાદ એક ઝડપથી આઉટ થઈ રહ્યા હતા. શરુઆતમાં જ ક્વિન્ટન ડીકોકની વિકેટ ગુમાવતા જ દબાણ સર્જાયુ હતુ. મનિષ પાંડેએ 22 બોલમાં 22 રનની ઈનીંગ રમીને રાહુલને સાથ પુરાવ્યો હતો. માર્ક્સ સ્ટોઈનીસ શૂન્યમાં અને કૃણાલ પંડ્યા 1 રનમાં જ આઉટ થયો હતો. દીપક હુડાએ પણ 10 રનમાં જ વિકેટ ગુમાવી દીધી હતી. આયુષ બદોનીએ 11 બોલમાં 14 રન નોંધાવ્યા હતા.

પોલાર્ડ-બુમરાહનો નિયંત્રણનો પ્રયાસ

કિયરોન પોલાર્ડે 2 ઓવર કરીને 2 વિકેટ ઝડપી હતી. તેણે માત્ર 8 રન ગુમાવ્યા હતા. જસપ્રીત બુમરાહે 4 ઓવરમાં 31 રન ગુમાવીને 1 વિકેટ ઝડપી હતી. ડીકોકને આઉટ કરીને તેણે લખનૌની ગતી શરુઆતમાં જ ધીમી કરી દીધી હતી. રિલે મેરિડીથે 2 વિકેટ અને ડેનિયલ સેમ્સે 1 વિકેટ ઝડપી હતી. હ્રિતીક શૌકીને 2 ઓવર કરીને 11 રન આપ્યા હતા. જયદેવ ઉનડકટે 4 ઓવરમાં 36 રન ગુમાવ્યા હતા.