KKR vs RR, IPL 2022: રાજસ્થાન રોયલ્સે 5 વિકેટ ગુમાવીને કોલકાતા સામે 152 રનનો સ્કોર કર્યો, સેમસનની અડધી સદી

KKR vs RR, IPL 2022: ટોસ હારીને રાજસ્થાનની ટીમે પ્રથમ બેટીંગ કરી હતી. પરંતુ રાજસ્થાનની રનની ગતી ધીમી રહી હતી.

કેપ્ટન સંજૂ સેમસને અડધી સદી ફટકારી હતી.

TV9 Gujarati | Edited By: Avnish Goswami | Updated on: May 02, 2022 | 9:32 PM

IPL 2022 ની 47મી મેચ મુંબઈના વાનખેડે સ્ટેડિયમમાં કોલકાતા નાઈટ રાઈડર્સ અને રાજસ્થાન રોયલ્સ (Kolkata Knight Riders vs Rajasthan Royals) વચ્ચે રમાઈ રહી છે. કોલકાતાએ ટોસ જીતીને પ્રથમ ફિલ્ડીંગ પસંદ કરી હતી. રાજસ્થાન રોયલ્સે ટોસ હારીને બેટીંગ કરતા તેની શરુઆત ખાસ રહી નહોતી. ઓપનીંગ જોડી ઝડપથી તૂટી ગઈ હતી અને બાદમાં રમત ધીમી રમતા ટીમ સરેરાશ સ્કોર તરફ આગળ વધી હતી. કેપ્ટન સંજુ સેમસને (Sanju Samson) લડાયક ઇનીંગ રમીને અડધી સદી ફટકારી હતી. 20 ઓવરના અંતે રાજસ્થાને 5 વિકેટે 152 રન નોંધાવ્યા હતા.

જોસ બટલર અને દેવદત્ત પડીકલની ઓપનીંગ જોડી માત્ર 7 રનમાં જ તુટી ગઈ હતી. પડિકલ માત્ર 2 રનમાં જ આઉટ થયો હતો. જોકે ત્યાર બાદ બટલર અને કેપ્ટન સંજૂ સેમસને ઈનીંગને સંભાળવા માટે પ્રયાસ કર્યો હતો. પરંતુ બટલર ટિમ સાઉથીનો શિકાર થયો હતો. તે 22 રન 25 બોલમાં નોંધાવીને આઉટ થયો હતો. સેમસને શાનદાર અડધી સદી ફટકારી હતી. તેણે 49 બોલમાં 54 રન નોંધાવ્યા હતા. મુશ્કેલ સમયે તેણે લડાયક ઈનીંગ રમી હતી.

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

કરુન નાયર માત્ર 13 રન જ જોડી શક્યો હતો. જ્યારે રિયાન પરાગે 2 છગ્ગા સાથે 19 રનની ટૂંકી ઈનીંગ રમી હતી. અંતમાં શિમરોન હેટમાયરે 2 છગ્ગા સાથે ઝડપી 27 રન જોડ્યા હતા. તેમે 13 બોલમાં આ રન નોંધાવ્યા હતા. તે અંત સુધી અણનમ રહ્યો હતો. અશ્વિન પણ 6 રન બનાવીને અણનમ રહ્યો હતો.

Innings Break!#KKR bowlers restrict #RR to a total of 152/5.#KKR chase coming up shortly. Stay tuned!

Scorecard – https://t.co/fVVHGJTNYn #KKRvRR #TATAIPL pic.twitter.com/ix06Tv0Zyq

— IndianPremierLeague (@IPL) May 2, 2022

કોલકાતાની બોલીંગ

ટીમ સાઉથી આમ તો કોલકાતાનો ખર્ચાળ બોલર રહ્યો હતો. તેણે 4 ઓવરમાં 46 રન ગુમાવ્યા હતા, પરંતુ 2 વિકેટ ઝડપવામાં તે સફળ રહ્યો હતો. સુનિલ નરેન સૌથી ઇકોનોમી બોલર રહ્યો હતો, તેમે 4 ઓવરમાં 19 રન આપ્યા હતા. જોકે તેને વિકેટ નસીબ નહોતી થઈ. ઉમેશ યાદવ, અનુકુલ રોય અને શિવમ માવીએ એક એક વિકેટ ઝડપી હતી.