IPL 2022: KKR ના મુખ્ય કોચ મેક્કુલમે આ ગુજરાતી ખેલાડીના કર્યા ભરપેટ વખાણ, ધોની સાથે કરી સરખામણી
આઈપીએલ 2022ઃ કોલકાતા નાઇટ રાઇડર્સે અત્યાર સુધી કુલ ત્રણ મેચ રમી છે. જેમાં કુલ 2 મેચમાં જીત મેળવી છે. જ્યારે એક મેચમાં હારનો સામનનો કરવો પડ્યો હતો.
કોલકાતા નાઈટ રાઈડર્સ (Kolkata Knight Riders) એ ઈન્ડિયન પ્રીમિયર લીગ (IPL 2022) ની 15મી સીઝનની ભવ્ય શરૂઆત કરી અને 2 જીત સાથે પોઈન્ટ ટેબલમાં બીજા સ્થાને છે. દરમિયાન કોલકાતા ટીમના મુખ્ય કોચ બ્રેન્ડન મેક્કુલમે તેની ટીમના વિકેટકીપર-બેટ્સમેન શેલ્ડન જેક્સન (Sheldon Jackson) ની તુલના ભારતીય ટીમના મહાન ખેલાડી મહેન્દ્ર સિંહ ધોની (MS Dhoni) અને વેસ્ટ ઈન્ડિઝના પાવર-હિટર આન્દ્રે રસેલ સાથે કરી છે. આ સિઝનની પ્રથમ મેચમાં શેલ્ડન જેક્સને ચેન્નાઈ સુપર કિંગ્સ (Chennai Super Kings) સામે તેના શાનદાર સ્ટમ્પિંગથી બ્રેન્ડન મેક્કુલમને પ્રભાવિત કર્યા હતા. તે દરમિયાન તેણે સીએસકેના બેટ્સમેન રોબિન ઉથપ્પાને આઉટ કરવા માટે વીજળીની ઝડપે સ્ટમ્પ કર્યો અને ઉથપ્પાને પેવેલિયનનો રસ્તો બતાવ્યો.
શેલ્ડન જેક્સનને હજુ સુધી ભારતીય ક્રિકેટ ટીમમાં સ્થાન મેળ્યું નથી. પરંતુ તેણે સ્થાનિક ક્રિકેટમાં પોતાના શાનદાર પ્રદર્શનથી લોકોમાં ચર્ચાનું કેન્દ્ર બન્યો છે. તે 2013 અને 2014 સીઝનમાં ટૂર્નામેન્ટમાં રોયલ ચેલેન્જર્સ બેંગ્લોર (RCB) નો ભાગ રહ્યો છે. બ્રેન્ડન મેક્કુલમે તેની પ્રશંસા કરીને અને કહ્યું કે તે વધુ સારું રમી રહ્યો છે.
જેક્સનમાં ધોનીની જેમ વિકેટકીપરિંગની સ્કિલ છે
KKRના મુખ્ય કોચ બ્રેન્ડન મેક્કુલમને સ્પોર્ટસ્ટાર સાથે વાત કરતા કહ્યું કે, “શેલ્ડન સમય સાથે વધુ સારું પ્રદર્શન કરી રહ્યો છે. તે અત્યારે 35 વર્ષનો છે. પરંતુ છેલ્લા 2 વર્ષમાં તેની રમતમાં સારો સુધારો જોવા મળ્યો છે. તેની પાસે બોલને પ્રહાર કરવાની સારી ક્ષમતા છે. જો કે તે આન્દ્રે રસેલની બરાબરી નથી. પરંતુ તે તેના રસ્તે ચોક્કસપણે છે. મને ખાતરી છે કે જેમ જેમ ટુર્નામેન્ટ આગળ વધશે તેમ તેમ તેને તકો મળશે અને અમે તેને વધુ સારું પ્રદર્શન કરતા જોવા મળશે.”
તેણે આગળ કહ્યું, “શેલ્ડન જેક્સન દ્વારા શાનદાર વિકેટકીપિંગ કરવામાં આવી છે. તે એમએસ ધોનીની જેમ વિકેટકીપરિંગ કરી શકે છે. કારણ કે તેણે વિકેટકીપિંગમાં ધોની જેવા તીક્ષ્ણ હાથ અને સ્પિન સેન્સનો ઉપયોગ કર્યો છે. તે જાણતો હતો કે બોલરો શું કરવા માંગે છે. તે હજી વધુ સારું કરવા માટે આતુર છે. ”
આ પણ વાંચો : SRH vs LSG Live Cricket Score, IPL 2022 : હૈદરાબાદ ટીમે ટોસ જીતી પહેલા બોલિંગ કરવાનો નિર્ણય કર્યો
Latest News Updates
