IPL 2022: ગુજરાત ટાઈટન્સ પાસે 15 કરોડનો માસ્ટર શેફ! પંજાબ કિંગ્સને હંફાવતા પહેલા બનાવી સ્વાદિષ્ટ રસોઈ, જુઓ Video
ખેલાડી જમશે નહીં તો રમશે કેવી રીતે? આ જ તર્જ પર ગુજરાત ટાઇટન્સ (Gujarat Titans) ના કરોડપતિ માસ્ટર શેફે પંજાબ કિંગ્સ સામેની મેચ પહેલા ખાવા માટે અફઘાની ચિકન કરી બનાવી છે.
ગુજરાત ટાઇટન્સ (Gujarat Titans) આઇપીએલની સૌથી નવી ટીમ છે. પરંતુ, આ ટીમ મેદાન પર પોતાની તાકાત બતાવી રહી છે. હવે આ ટીમ માસ્ટર શેફને લઈને ચર્ચામાં છે જેણે 15 કરોડ રૂપિયા લીધા હતા. ખેલાડી જમશે નહીં તો રમશે કેવી રીતે? આ જ તર્જ પર ગુજરાત ટાઇટન્સના કરોડપતિ માસ્ટર શેફે પંજાબ કિંગ્સ (Punjab Kings) સામેની મેચ પહેલા ખાવા માટે અફઘાની ચિકન કરી બનાવી છે. આટલું જ નહીં, તેણે તેને બનાવવાની આખી પદ્ધતિ પણ સોશિયલ મીડિયા પર શેર કરી છે. જેને આપણે અહીં માસ્ટર શેફ કહીએ છીએ તે ખરેખર રાશિદ ખાન છે, જે ગુજરાત ટાઇટન્સ તરફથી રમતો સ્ટાર ખેલાડી છે. IPL 2022 માં ગુજરાત ટાઇટન્સે રાશિદ ખાન (Rashid Khan) ને 15 કરોડ રૂપિયામાં પોતાની સાથે જોડ્યો છે. પરંતુ, ટીમને સતત બે જીત બાદ મળેલા બ્રેકમાં રાશિદ ખાને અલગ જ રૂપ બતાવ્યું.
રાશિદ ખાન પ્રોફેશનલ ક્રિકેટરમાંથી પ્રોફેશનલ શેફ બનીને સ્વાદિષ્ટ અફઘાની ચિકન બનાવતો જોવા મળ્યો હતો. તેણે ચિકન કાપવાથી લઈને તેને બનાવવા સુધીની આખી પદ્ધતિ સોશિયલ મીડિયા પર શેર કરી છે. જ્યારે ચિકન રાંધીને તૈયાર થઈ ગયું, ત્યારે રાશિદ ખાને સૌથી પહેલા પોતે જ તેનો સ્વાદ ચાખ્યો હતો.
રાશિદે અફઘાની ચિકન કરી બનાવી હતી
શેર કરેલા વિડિયોમાં તૈયાર કરાયેલ અફઘાની ચિકન કરી નો કલર જ કહી રહ્યો છે કે તે કેટલી સ્વાદિષ્ટ બની હશે. આ વીડિયોથી એ પણ સ્પષ્ટ થાય છે કે રાશિદ ખાન પાસે માત્ર ક્રિકેટની કળા નથી, પરંતુ તે રસોઈ બનાવવામાં પણ કુશળ છે. તેણે પોતે આ અફઘાન ચિકન કરી પોતાની ઈફ્તાર માટે બનાવી છે. તમને જણાવી દઈએ કે અત્યારે રમઝાન મહિનો ચાલી રહ્યો છે.
Making Afghan chicken Curry for Aftari 😍😍 pic.twitter.com/ayUwKmL9KM
— Rashid Khan (@rashidkhan_19) April 6, 2022
અફઘાની ચિકન ખાધા પછી રાશિદ કરશે ચમત્કાર!
તેના શરીરને અફઘાની ચિકનમાંથી પ્રોટીન મળ્યું હતું અને હવે રાશિદને તે પ્રોટીનમાંથી મળેલી ઉર્જાથી પંજાબ કિંગ્સની ટીમની સ્થિતિ બગાડતો જોઈ શકાય છે. કોઈપણ રીતે, આ સિઝનમાં અત્યાર સુધી રાશિદ ખાન તેના વાસ્તવિક અવતારમાં જોવા મળ્યો નથી. કદાચ એ મેચ આજની હોઈ શકે છે.
આ પણ વાંચો : PBKS vs GT IPL 2022: ગુજરાત ટાઈટન્સના પેસ એટેક સામે પંજાબ કિંગ્સના ધુરંધરોની થશે કસોટી
આ પણ વાંચો : IPL 2022 Points Table: લખનૌ સિઝનમાં ‘સુપર જાયન્ટ્સ’! દિલ્હી સર કરી પોઈન્ટ ટેબલમાં અનેક ટીમોને પછાડી દીધી
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
