IPL 2022: બેંગ્લોર અને દિલ્હીને થઈ રહ્યો છે હવે અફસોસ! રાજસ્થાન માટે અશ્વિન-ચહલની જોડી દમદાર પ્રદર્શન દર્શાવી રહી છે
રાજસ્થાન રોયલ્સ (Rajasthan Royals) ની ટીમે આ સિઝનમાં નિયમિત પ્રદર્શન કર્યું છે જેના કારણે તે પોઈન્ટ ટેબલમાં ટોપ પર છે. તેની સફળતામાં ટીમના બોલરોએ મહત્વની ભૂમિકા ભજવી છે.
રાજસ્થાન રોયલ્સ (Rajasthan Royals) ની ટીમે આ સિઝનમાં શાનદાર પ્રદર્શન કર્યું છે. મંગળવારે રોયલ ચેલેન્જર્સ બેંગલોર (Royal Challengers Bangalore) ને હરાવીને ટીમ ફરી એકવાર પોઈન્ટ ટેબલ (IPL 2022 Points Table) માં ટોચ પર પહોંચી ગઈ છે. ટીમે 8માંથી છ મેચ જીતી છે. IPL 2022 મેગા ઓક્શનમાં રાજસ્થાન રોયલ્સ માટે લેવામાં આવેલા મહત્વના નિર્ણયોની અસર હવે તેના પ્રદર્શન પર દેખાઈ રહી છે. આ સિઝનમાં તેનું પ્રદર્શનમાં તે નિરંતરતા દેખાઈ રહી છે જે સાતત્યનો અભાવ હતો.
સંજુ સેમસનની કપ્તાનીમાં રાજસ્થાનના ખેલાડીઓના પ્રદર્શનની અસર માત્ર પોઈન્ટ ટેબલ પર જ નહીં પરંતુ ઓરેન્જ અને પર્પલ કેપ પર પણ જોવા મળી રહી છે. અહીં પણ રાજસ્થાન ટોપ પર છે. ટીમના બોલરોએ આ સિઝનમાં ખાસ કરીને પ્રભાવિત કર્યા છે. તેના પ્રદર્શને બાકીની ટીમોના હોશ ઉડાવી દીધા છે, ખાસ કરીને આ બોલરોની જૂની ટીમો. હરાજીમાં નવ ટીમોની ભૂલનો ફાયદો હવે રાજસ્થાનને મળી રહ્યો છે.
રાજસ્થાનને 11.5 કરોડ રૂપિયામાં મેચ વિનર મળ્યા
રાજસ્થાન રોયલ્સની ટીમે કેપ્ટન સંજુ સેમસન, જોસ બટલર અને યશસ્વી જયસ્વાલ તરીકે 3 ખેલાડીઓને જાળવી રાખ્યા હતા. આ પછી, હરાજીમાં, તેણે RCB ના ભૂતપૂર્વ સ્ટાર યુઝવેન્દ્ર ચહલ અને દિલ્હી કેપિટલ્સ દ્વારા રિલીઝ કરાયેલ આર અશ્વિનને પોતાની સાથે જોડ્યા. આવા અનુભવી બોલરો માટે તેણે પોતાનું પર્સ વધારે હળવુ પણ નહોતું કરવું પડ્યું. તેણે આર અશ્વિન માટે પાંચ કરોડ અને યુઝવેન્દ્ર ચહલ માટે 6.5 કરોડ ખર્ચ્યા હતા. માત્ર રૂ. 11.5 કરોડમાં તેણે ભારતના બે ટોચના બોલરોને જોડ્યા અને હવે તે બંને મળીને લીગમાં ધમાલ મચાવી રહ્યા છે.
આ સ્પિન જોડીએ અત્યાર સુધી 8 મેચમાં 7.13ના ઇકોનોમી રેટથી તેમની ટીમો માટે 25 વિકેટ ઝડપી છે. મંગળવારે 145 રનના નાના ટાર્ગેટનો બચાવ કરતા 8 ઓવરમાં 40 રનમાં ત્રણ વિકેટ ઝડપી હતી. જેના કારણે RCB ની ટીમ માત્ર 115 રનમાં જ સમેટાઈ ગઈ હતી. ચહલ અને અશ્વિનનું પ્રદર્શન જોઈને, જોકે આરસીબી અને દિલ્હીની ટીમને ખૂબ જ અફસોસ છે.
રાજસ્થાન માટે મહત્વની જીત
રિયાન પરાગની અણનમ અડધી સદી અને શાનદાર ફિલ્ડિંગ અને કુલદીપ સેનની ચાર વિકેટની મદદથી રાજસ્થાન રોયલ્સે મંગળવારે ઈન્ડિયન પ્રીમિયર લીગ (આઈપીએલ) માં રોયલ ચેલેન્જર્સ બેંગ્લોર (RCB) ને 29 રનથી હરાવી તેમના હરીફો સામે હારની શ્રેણી તોડી નાખી. ટોસ હાર્યા બાદ રાજસ્થાન પરાગની અણનમ અડધી સદી છતાં આઠ વિકેટે 144 રન જ બનાવી શક્યું હતું. જો કે, આ સ્કોર RCB માટે પણ પહાડ બની ગયો હતો અને તેમની ટીમ 19.3 ઓવરમાં 115 રનમાં સમેટાઈ ગઈ હતી.
આ પણ વાંચો : Priyanka Jawalkar Dating KKR Cricketer : કોલકોતાની ટીમના આ સ્ટાર ખેલાડીને ડેટ કરી રહી છે પ્રિયંકા જાવલકર!
આ પણ વાંચો : IPL 2022: રોવમેન પોવેલનો ગજબનો દાવો! અંપાયરના કારણે 6 બોલમાં 6 છગ્ગા ના લગાવી શક્યો
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
