IPL 2022: આ દિગ્ગજને મળી શકે છે RCBની કમાન, 7 વર્ષ બાદ ટીમમાં થઈ છે વાપસી

IPL 2022: આ દિગ્ગજને મળી શકે છે RCBની કમાન, 7 વર્ષ બાદ ટીમમાં થઈ છે વાપસી
AB de Villiers and Virat Kohli (File Photo)

IPL 2022: આઈપીએલમાં આ વખતે કુલ 10 ટીમો ભાગ લઈ રહી છે. અત્યાર સુધી 9 ટીમોએ પોતાના સુકાની જાહેર કરી દીધા છે પણ બેંગ્લોરની ટીમે હજુ સુધી પોતાનો સુકાની જાહેર નથી કર્યો.

TV9 GUJARATI

| Edited By: Adhirajsinh jadeja

Mar 03, 2022 | 3:33 PM

ઈન્ડિયન પ્રીમિયર લીગ (IPL 2022)ની શરૂઆત 26 માર્ચથી થઈ રહી છે. આ વખતે લીગ ભારતમાં જ રમાઈ રહી છે. આઈપીએલ 2022માં કુલ 10 ટીમો ભાગ લઈ રહી છે. અત્યાર સુધી લીગમાં 9 ટીમોએ પોતાના સુકાની જાહેર કરી ચુક્યા છે પણ રોયલ ચેલેન્જર્સ બેંગ્લોરે (Royal Challengers Bangalore) અત્યાર સુધી પોતાનો સુકાની જાહેર નથી કર્યો. જોકે મળી રહેલા સમાચાર પ્રમાણે ફ્રેન્ચાઈઝી જલ્દી પોતાની ટીમનો સુકાની જાહેર કરી શકે છે.

સુત્રો પ્રમાણે રોયલ ચેલેન્જર્સ બેંગ્લોર ટીમ મેનેજમેન્ટ ઈચ્છે છે કે વિરાટ કોહલી જ ટીમની કમાન સંભાળે પણ પૂર્વ સુકાની તેના માટે જરા પણ તૈયાર નથી તો તેની સાથે ચર્ચા એ પણ છે કે સાઉથ આફ્રિકાના પૂર્વ સુકાની ફાફ ડુ ફ્લેસિસ ટીમની કમાન સંભાળી શકે છે.

દિનેશ કાર્તિક પણ બની શકે છે સુકાની

જોકે બીજી એ પણ જાણકારી મળી રહી છે કે કોલકાતા નાઈટ રાઈડર્સ ટીમના પૂર્વ સુકાની દિનેશ કાર્તિકને બેંગ્લોરની ટીમનો સુકાની બનાવવામાં આવી શકે છે. બેંગ્લોર ટીમે દિનેશ કાર્તિકને આઈપીએલ 2022ના મેગા ઓક્શનમાં 5.50 કરોડમાં ખરીદ્યો હતો. તે આ પહેલા કોલકાતા ટીમ સાથે જોડાયેલો હતો.

સાત વર્ષ બાદ વાપસી થઈ

તમને જણાવી દઈએ કે આ પહેલા વર્ષ 2015માં પણ દિનેશ કાર્તિક રોયલ ચેલેન્જર્સ બેંગ્લોર ટીમનો સભ્ય રહી ચુક્યો હતો. ત્યારે બેંગ્લોરે તેને મોટી રકમ સાથે ખરીદ્યો હતો. હવે તે ફરી એકવાર બેંગ્લોર ટીમ સાથે જોડાઈ ગયો છે. દિનેશ કાર્તિક પણ બેંગ્લોર માટે ફરીથી રમવા માટે ઘણો ઉત્સુક છે.

ગત સિઝનમાં નિષ્ફળ રહ્યો હતો કાર્તિક

ભારતીય ટીમમાંથી બહાર ચાલી રહેલ 37 વર્ષના દિનેશ કાર્તિક માટે આઈપીએલ 2021 કઈ ખાસ રહ્યું ન હતું. તેની ટીમ કોલકાતા ભલે ફાઈનલમાં પહોંચ્યું હતું પણ તેના બેટથી કઈ ખાસ રન બન્યા ન હતા. ટુર્નામેન્ટમાં તેણે 17 મેચમાં માત્ર 223 રન જ બનાવ્યા હતા. તે સમયે તેનો સૌથી વધુ સ્કોર 40 રનનો હતો.

આ પણ વાંચો : IPL 2022: આઇપીએલ ચાહકો માટે ખુશીના સમાચાર, મહારાષ્ટ્ર સરકારે સ્ટેડિયમમાં દર્શકોને પ્રવેશ આપવાનો કર્યો નિર્ણય

આ પણ વાંચો : ટેનિસ સ્ટાર નોવાક જોકોવિચે તેના 15 વર્ષ જુના કોચનો સાથ છોડ્યો

Follow us on

Related Stories

Most Read Stories

Click on your DTH Provider to Add TV9 Gujarati