IPL 2021: ઓસ્ટ્રેલિયાના મોટાભાગના ખેલાડીઓ UAE માં IPL રમવા ટીમ સાથે જોડાવાની સંભાવના
IPL 2021 ની ટૂર્નામેન્ટ ભારતમાં રમાઇ રહી હતી, કોરોના સંક્રમણને લઇને રોગચાળાની સ્થિતિ કાબુ બહાર થતા ટૂર્નામેન્ટ અટકાવી દેવી પડી હતી. જેનાથી ઓસ્ટ્રેલિયન ખેલાડીઓ મુશ્કેલીમાં મુકાયા હતા.
ઇન્ડીયન પ્રિમિયર લીગ (IPL) ને લઇને ઓસ્ટ્રલિયા (Australia) થી સારા સમાચાર સામે આવ્યા છે. IPL 2021 માટે મોટાભાગે ઓસ્ટ્રેલિયન ખેલાડીઓ UAE ની રમત દરમ્યાન ટીમ સાથે જોડાઇ શકે છે. કોરોના સંક્રમણને લઇને IPL 2021 ને અધવચ્ચે જ સ્થગીત કરી દેવી પડી હતી. ત્યાર બાદ ઓસ્ટ્રેલિયન ખેલાડીઓએ પરીવાર સાથે મેળાપ થવામાં એક મહિનો સમસ્યા વેઠવી પડી હતી. દરમ્યાન ઓસ્ટ્રેલીયન ખેલાડીઓની ગેરહાજરી આગળની IPL મેચોમાં રહેવાની વાતો થી ફેન્સમાં નિરાશા વર્તાઇ રહી હતી.
જોકે હવે ફેન્સ માટે સારા સમાચાર મળી રહ્યા છે. જે મુજબ ઓસ્ટ્રેલિયન ધુંઆધાર બેટ્સમેન ગ્લેન મેક્સવેલ (Glenn Maxwell) અને ઝડપી બોલર, પેટ કમિન્સ (Pat Cummins) ની ધારદાર બોલીંગ જોવા મળી શકે છે. ઓસ્ટ્રેલિયન ખેલાડીઓના આઇપીએલ માં હાજર રહેવાને લઇને, જેતે ખેલાડીઓની ટીમ ઉપરાંત ફેન્સને ઉત્સાહ વર્તાઇ શકે છે.
મીડિયા રિપોર્ટનુસાર, ઓસ્ટ્રેલિયન ખેલાડીઓ મેક્સવેલ, પેટ કમિન્સ, ઝાય રીચાર્ડસનન અને માર્કસ સ્ટોયનીસ જેવા ખેલાડીઓ આઇપીએલ માં સામેલ થઇ શકે છે. ઓસ્ટ્રલીયન ક્રિકેટ ટીમ વેસ્ટ ઇન્ડીઝ પ્રવાસ ખેડનારી છે. જે પ્રવાસમાંથી કેટલાક ખેલાડીઓએ વ્યક્તિગત કારણોસર પોતાના નામ પરત લીધા છે. આમ મહત્વના અને આઇપીએલ સાથે જોડાયેલ હોય એવા ખેલાડીઓ વિન્ડીઝ પ્રવાસ જનાર નથી.
આ પહેલા આઇપીએલ ફ્રેન્ચાઇઝીના એક અધિકારીએ પણ જાણકારી આપી હતી. તેમણે ન્યુઝીલેન્ડના ખેલાડીઓ આઇપીએલમાં ઉપસ્થિત રહેવાનુ કહ્યુ હતુ. જાણકારી આપતા કહ્યુ હતુ, અમે હવે ખૂબ જીવીત છીએ. BCCI ઇંગ્લીશ અને ઓસ્ટ્રેલીયન ક્રિકેટ બોર્ડ સાથે આ સંદર્ભમાં વાત કરી રહ્યુ છે. આઇપીએલ સામાન્ય રીતે એપ્રિલ અને મે માસ દરમ્યાન આયોજીત થતી હોય છે. આવામાં ક્રિકેટ બોર્ડે મુશ્કેલી દર્શાવવી સ્વાભાવીક છે. જોકે અમે એ વાતને લઇને અમે કન્ફર્મ છીએ કે, ન્યુઝીલેન્ડના ખેલાડીઓ એકશનમાં નજર આવશે.
ઇંગ્લેન્ડના ખેલાડીઓને લઇને અગાઉ થી જ સ્પષ્ટતા થઇ ચુકી હતી કે તેઓ આઇપીએલની આગળની મેચમાં સામેલ નહી થઇ શકે. ECB એ પોતાના ખેલાડીઓને ટી20 વિશ્વકપ પર ધ્યાન આપવા માટેની સ્પષ્ટતા કરી હતી. બીસીસીઆઇ જોકે તમામ વિદેશી ક્રિકેટ બોર્ડના સંપર્કમાં રહીને વિદેશી ખેલાડીઓને આઇપીએલમાં સામેલ રાખવા પ્રયાસ કરી રહ્યુ છે.
વિશ્વકપમાં ખેલાડીઓને અનુકૂળતા
આઇપીએલ 2021 ની બાકી રહેલી 31 મેચોને યુએઇમાં રમાડવામાં આવનાર છે. આઇપીએલ ટૂર્નામેન્ટના સમાપન સાથે જ UAE માં ટી20 વિશ્વકપ (World Cup) રમાનાર છે. આમ યુએઇ ના મેદાન અને માહોલ સાથે સેટ થવાનો પણ આઇપીએલમાં રમનાર ખેલાડીઓને લાભ મળશે. બંને ટૂર્નામેન્ટ એક જ ફોર્મેટની ક્રિકેટ આધારીત છે. સાથે જ દમદાર પ્રદર્શન કરનાર અને ફાઇનલ જીતનાર, ટીમના ખેલાડીઓના ગજબના આત્મવિશ્વાસનો લાભ જેતે ટીમને મળશે.
Latest News Updates
