IPL 2021: હૈદરાબાદે અંતિમ મેચમાં કેપ્ટન બદલ્યો, વિલિયમસનના બદેલ મનિષ નિભાવશે આગેવાની, જાણો પ્લેયીંગ ઇલેવન

SRH ની ટીમ IPL 2021 પોઈન્ટ ટેબલમાં છેલ્લા ક્રમે છે. આ સાથે જ મુંબઈ ઇન્ડીયન્સ (Mumbai Indians) છઠ્ઠા નંબરે છે. ટોસ દરમ્યાન બંને કેપ્ટને પોતપોતાની પ્લેઇંગ ઇલેવન આપી છે.

Rohit Sharma-Manish Pandey

TV9 Gujarati | Edited By: Avnish Goswami | Updated on: Oct 08, 2021 | 7:35 PM

પાંચ વખતની ચેમ્પિયન મુંબઈ ઈન્ડીયન્સ (MI) અબુધાબીમાં સનરાઈઝર્સ હૈદરાબાદ (SRH) સામે ટકરાઇ રહી છે. બંને ટીમો લગભગ પ્લેઓફની રેસમાંથી બહાર થઈ ગઈ છે. SRH ની ટીમ IPL 2021 પોઈન્ટ ટેબલમાં છેલ્લા ક્રમે છે. આ સાથે જ મુંબઈ ઇન્ડીયન્સ છઠ્ઠા નંબરે છે. IPL 2021 ના બીજા તબક્કામાં UAE માં મુંબઈની ટીમનું પ્રદર્શન નિરાશાજનક હતું.

શેખ ઝાયેદ સ્ટેડિયમમાં રમાઈ રહેલી આજની મેચમાં મુંબઈ ઈન્ડીયન્સના કેપ્ટન રોહિત શર્મા (Rohit Sharma) એ ટોસ જીતીને પહેલા બેટિંગ કરવાનો નિર્ણય કર્યો છે. ટોસ દરમિયાન બંને કેપ્ટને પોતપોતાની પ્લેઇંગ ઇલેવન આપી છે.

સનરાઇઝર્સ હૈદરાબાદ (Sunrisers Hyderabad) નવા કેપ્ટન સાથે ઉતર્યું છે. આજની મેચમાં કેન વિલિયમ્સન (Kane Williamson) ની જગ્યાએ મનીષ પાંડે ( Manish Pandey) ટીમનું નેતૃત્વ કરી રહ્યા છે. આ સાથે જ મુંબઈ ઈન્ડીયન્સમાં પણ પરિવર્તન આવ્યું છે. પિયુષ ચાવલાનું ડેબ્યુ આજે મુંબઈ ઈન્ડીયન્સ માટે થઈ રહ્યું છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ચાવલાની IPL કારકિર્દી

પિયુષ ચાવલા મુંબઈ પહેલા પંજાબ કિંગ્સ, કોલકાતા નાઈટ રાઈડર્સ અને ચેન્નઈ સુપર કિંગ્સ તરફથી રમી ચૂક્યો છે. આઈપીએલમાં અત્યાર સુધી તેણે 164 મેચ રમી છે અને 156 વિકેટ લીધી છે. નાઈટ રાઈડર્સે 2019 ની સીઝન બાદ તેને રિલીઝ કર્યો. ત્યારબાદ CSK એ તેને 6.75 કરોડમાં ખરીદ્યો. તેણે 13 મી સિઝનમાં રમેલી 7 મેચમાં 6 વિકેટ લીધી હતી. 2021 ની હરાજીમાં મુંબઈ ઈન્ડીયન્સે તેને 2.4 કરોડ રૂપિયામાં ઉમેર્યો હતો.

જો મુંબઈને પ્લેઓફમાં જવા માટે KKR ને પાછળ છોડી દેવું હોય તો તેણે હૈદરાબાદ સામે ઓછામાં ઓછા 170 રનથી જીત નોંધાવવી પડશે. તે હાલમાં 12 પોઇન્ટ સાથે છઠ્ઠા સ્થાને છે.

IPL 2021 ના પહેલા તબક્કામાં જ્યારે આ બંને ટીમો સામસામે આવી ત્યારે રોહિત શર્માની મુંબઈ ઈન્ડીયન્સે વિજયનો ઝંડો લહેરાવ્યો હતો. મુંબઈએ પ્રથમ રમતી વખતે 20 ઓવરમાં 150 રન બનાવ્યા હતા. જવાબમાં હૈદરાબાદની ટીમ માત્ર 137 રન બનાવી શકી હતી.

બન્ને ટીમોની પ્લેઇંગ ઇલેવન

મુંબઈ ઈન્ડીયન્સ: રોહિત શર્મા (કેપ્ટન), ઈશાન કિશન, સૂર્યકુમાર યાદવ, કૃણાલ પંડ્યા, હાર્દિક પંડ્યા, કિરોન પોલાર્ડ, જેમ્સ નીશમ, નાથન કુલ્ટર-નાઈલ, પિયુષ ચાવલા, ટ્રેન્ટ બોલ્ટ, જસપ્રીત બુમરાહ.

સનરાઇઝર્સ હૈદરાબાદ: મનીષ પાંડે (કેપ્ટન), જેસન રોય, રિદ્ધિમાન સાહા, પ્રિયમ ગર્ગ, અભિષેક શર્મા, અબ્દુલ સમદ, જેસન હોલ્ડર, રશીદ ખાન, મોહમ્મદ નબી, સિદ્ધાર્થ કૌલ, ઉમરાન મલિક.