WTC Final 2023: વર્લ્ડ ટેસ્ટ ચેમ્પિયનશિપની ફાઈનલમાં મળી હાર, હવે ટીમ ઈન્ડિયાની આગળ શું છે તૈયારી?
Team India full schedule: વર્લ્ડ ટેસ્ટ ચેમ્પિયનશિપની ફાઇનલમાં હાર્યા બાદ ભારતીય ખેલાડીઓને આરામ કરવા માટે એક મહિનાનો સમય મળ્યો છે. આ પછી જુલાઇથી ટીમનું શિડ્યુલ ખૂબ જ વ્યસ્ત રહેવાનું છે.
ભારત વર્લ્ડ ટેસ્ટ ચેમ્પિયનશિપની ફાઈનલમાં હારી ગયું. ઓસ્ટ્રેલિયાએ ખિતાબી મુકાબલામાં 209થી હરાવ્યું હતું. ભારતની આ સતત બીજી હાર છે. છેલ્લી ફાઈનલમાં ન્યુઝીલેન્ડે ભારતનું સપનું તોડી નાખ્યું હતું. 2 વર્ષ સુધી સતત લડ્યા પછી પણ મેચ હારી ગયા. આ હારથી દરેક ચાહકોનું દિલ તૂટી ગયું હતું. ટીમ પણ ઘણી નિરાશ છે, પરંતુ તે હાર માની રહી નથી, તે ફરીથી નવી સફર શરૂ કરવાની તૈયારી કરી રહી છે.
સતત બે મહિના સુધી IPL અને પછી વર્લ્ડ ટેસ્ટ ચેમ્પિયનશિપના વ્યસ્ત શેડ્યૂલમાંથી ફ્રી થયા બાદ ભારતીય ખેલાડીઓને આરામ કરવા માટે થોડો સમય મળશે. થોડા દિવસોના આરામ બાદ ખેલાડીઓ ફરીથી આગામી 6થી 7 મહિના સુધી વ્યસ્ત થઈ જશે. વર્લ્ડ ટેસ્ટ ચેમ્પિયનશિપની ફાઈનલ બાદ ભારતે આ મહિને કોઈ મેચ રમવાની નથી.
આ પણ વાંચો : ચીનની પોલીસે Lionel Messiની અટકાયત, શું છે બેઈજિંગ એરપોર્ટ પરથી સામે આવેલા વીડિયોનું સત્ય ?
ભારતીય ટીમનું શિડયુલ
આગામી મહિને ટીમ ઈન્ડિયા વેસ્ટઈન્ડિઝ માટે રવાના થશે. જ્યાં તે 2 ટેસ્ટ, 3 વનડે અને 3 ટી 20 મેચની સિરીઝ રમશે. ભારતીય ટીમ અમેરિકામાં 2 એક્સ્ટ્રા ટી 20 મેચ પણ રમી શકે છે. આ સીરિઝ ભારત માટે ખુબ મહત્વની સાબિત થઈ શકે છે. કારણ કે, ટેસ્ટ ચેમ્પિયનની ફાઈનલની હાર બાદ ટેસ્ટ ટીમમાં ફેરફાર દેખાય શકે છે. જ્યારે વનડે સિરીઝન ભારત વર્લ્ડ કપની તૈયારીની રીતે જોશે.
- વેસ્ટઈન્ડિઝ પ્રવાસ બાદ ભારતીય ટીમ ઓગસ્ટમાં આયરલેન્ડનો પ્રવાસ કરશે. જ્યાં 3 ટી 20 મેચની સિરીઝ રમશે.
- ત્યારબાદ સપ્ટેમ્બરમાં ભારતની સામે એશિયા કપ છે. જેની યજમાની પાકિસ્તાની પાસે છે. એવા સમાચાર છે કે, આ ટૂર્નામેન્ટની 4 મેચ પાકિસ્તાનમાં રમાશે. જ્યારે ભારતની તમામ મેચ અન્ય દેશમાં રમાય શકે છે.
- એશિયા કપ બાદ ભારત 3 વનડે મેચન સિરીઝ માટે ઓસ્ટ્રેલિયાની મેજબાની કરશે. ઓસ્ટ્રેલિયા માટે આ સિરીઝ વર્લ્ડકપની તૈયારીનો એક ભાગ છે.
- વનડે વર્લ્ડ કપ પહેલા ભારત અને અફધાનિસ્તાન વચ્ચે વનડે સિરીઝ રમાઈ શકે છે. જે આઈપીએલ બાદ રમાવાની હતી પરંતુ તેને પાછળ ધકેલવામાં આવી
- ઓક્ટોમ્બરમાં ટીમ ઈન્ડિયા વનડે વર્લ્ડ કપમાં વ્યસ્ત થઈ જશે. ભારતની નજર 2011 બાદ પ્રથમવખત આ ખિતાબ જીતવા પર છે.
- વર્લ્ડકપ બાદ ઓસ્ટ્રેલિયાની ટીમ ફરી ભારત આવશે. જ્યાં ભારત અને ઓસ્ટ્રેલિયા વચ્ચે નવેમ્બર-ડિસેમ્બરમાં 5 ટી 20 મેચની સિરીઝ રમશે.
- ભારતનો વર્ષનો છેલ્લો પ્રવાસ સાઉથ આફ્રિકાનો હશે. ડિસેમ્બરમાં ભારત સાઉથ આફ્રિકાની મેજબાનીમાં 2 ટેસ્ટ મેચ, 3 વનડે અને 3 ટી 20 મેચની સિરીઝ રમશે.
