IND vs PAK: ભારત અને પાકિસ્તાન મેચ પહેલા 5 ખાસ મોટી વાતો, બુધવારે જોવા મળશે જબરદસ્ત ટક્કર!
IND-A vs PAK-A, Emerging Asia Cup: ભારતીય એ ટીમ કોલંબોના પ્રેમાદાસા સ્ટેડિયમમાં પાકિસ્તાન-એ ટીમ સામે મેદાને ઉતરશે. ભારત અને પાકિસ્તાન વચ્ચેની મેચ હોવાને લઈ ઇમર્જિંગ એશિયા કપનો અસલી કરંટ બુધવારે જોવા મળશે.
ઇમર્જિંગ એશિયા કપ શ્રીલંકામાં રમાઈ રહ્યો છે. જેમાં ભારત અને પાકિસ્તાનની ટીમો બુધવારે એક બીજાનો આમનો સામનો કરશે. ભારતીય એ ટીમ કોલંબોના પ્રેમાદાસા સ્ટેડિયમમાં પાકિસ્તાન-એ ટીમ સામે મેદાને ઉતરશે. ભારત અને પાકિસ્તાન વચ્ચેની મેચ હોવાને લઈ ઇમર્જિંગ એશિયા કપનો અસલી કરંટ બુધવારે જોવા મળશે. દુનિયા ભરના ક્રિકેટ ચાહકોની નજર બુધવારની મેચ પર ઠરી હશે એ નિશ્ચિત છે. બંને ટીમો જીત માટે જીવ સટોસટની બાજી ખેલતા જોવા મળશે. ભારત અને પાકિસ્તાન બંને ટીમો જીત મેળવવા માટે ઈચ્છશે.
આ પહેલા ભારતીય ટીમ-એ ઇમર્જિંગ એશિયા કપ 2019 માં પાકિસ્તાન સામે હાર્યુ હતુ. આમ ભારતીય ટીમ હવે આ બદલો લેવા પણ ઈચ્છશે. જેને લઈ મેચની ટક્કર જબરદસ્ત બનશે એ નક્કી છે. હાઈ વોલ્ટેજ ટક્કર પહેલા કેટલીક ખાસ વાતો જાણવી જરુરી છે. અહીં પાંચ મોટી વાતો આ મેચને લઈને બતાવીશુ.
5 મોટી વાતો પર નજર
- ભારત અને પાકિસ્તાનની ટીમ આ ટૂર્નામેન્ટમાં પોતાની સફર દરમિયાન એક પણ વાર હારનો સામનો કર્યો નથી. આમ ભારત અને પાકિસ્તાન બંનેની ટીમોએ જીત નોંધાવી છે. ભારતીય ટીમનો નેપાળ અને યુએઈની ક્રિકેટ ટીમો સામે જીત થઈ હતી. પાકિસ્તાન-એ ટીમે પણ બંને જીત નેપાળ અને યુએઈ સામે મેળવી હતી. ઼
- ઇમર્જિંગ એશિયા કપમાં ભારત-એ ટીમના કેપ્ટન યશ ઢુલે સૌથી વધારે રન ભારતીય ટીમ વતી નોંધાવ્યા છે. તેણે યુએઈ અને નેપાળ સામે મળીને ટૂર્નામેન્ટમાં રમેલી બંને મેચમાં મળીને 108 રન સુકાનીએ નોંધાવ્યા છે. પાકિસ્તાન-એ ટીમ તરફથી સૌથી વધારે રન કામરાન ગુલામે નોંધાવ્યા છે. કામરાને પાકિસ્તાન તરફથી સૌથી વધારે 94 રન નોંધાવ્યા છે.
- ટૂર્નામેન્ટમાં ભારત-એ ટીમ વતીથી સૌથી વધારે વિકેટ ઝડપનારો બોલર હર્ષિત રાણા રહ્યો છે. આ ભારતીય બોલરે ટૂર્નામેન્ટમાં 4 વિકેટ પોતાના નામે કરી છે. જ્યારે પાકિસ્તાન તરફથી સૌથી વધારે વિકેટ કાસિમ અકરમે ઝડપી છે. તેણે બે મેચમાં 6 વિકેટ પોતાને નામે ઝડપી છે.
- ઇમર્જિંગ એશિયા કપનુ પ્રથમ સંસ્કરણ ભારતને નામે રહી હતી. વર્ષ 2013 માં રમાયેલ પ્રથમ સંસ્કરણમાં જ ભારતીય ટીમ ચેમ્પિયન બન્યુ હતુ. જ્યારે પાકિસ્તાન પ્રથમ વાર ઇમર્જિંગ એશિયા કપ ચેમ્પિયન 2019માં બન્યુ હતુ. ભારતીય ટીમ હવે બીજી વાર ઇમર્જિંગ એશિયા કપ ચેમ્પિયન બનવાના મજબૂત ઈરાદા સાથે ટૂર્નામેન્ટમાં ઉતરી છે.
- જબરદસ્ત થનારી ટક્કર બપોરે 2.00 કલારે શરુ થશે. આ મેચ સ્ટાર સ્પોર્ટ્સ નેટવર્ક પર જોઈ શકાય છે. જ્યારે ઓનલાઈન લાઈવ સ્ટ્રીમીંગ ફીનકોડ એપ પર જોઈ શકાશે.