IND vs ENG: ભારતીય ટીમ સામે 12મી જુલાઈ ઈંગ્લેન્ડ માટે ભારે, બુમરાહ પહેલા આ ખેલાડીએ અગાઉ કંગાળ હાલ કર્યા હતા
ટીમ ઈન્ડિયા (Team India) ના ફાસ્ટ બોલર જસપ્રીત બુમરાહે (Jasprit Bumrah) જે કમાલની બોલીંગ કરી હતી, એવુ જ મેચ-વિનિંગ પ્રદર્શન ભૂતકાળમાં પણ એક ભારતીય બોલરે ઈંગ્લેન્ડ સામે કર્યું હતુ. આશ્ચર્યની વાત એ છે કે ત્યારે પણ તારીખ 12 જુલાઈ હતી.
મંગળવાર ઈંગ્લેન્ડ પર ભારે રહ્યો હતો. ઈંગ્લેન્ડની હાલત ભારતીય ક્રિકેટ ટીમ (Indian Cricket Team) સામે અત્યંત કંગાળ થઈ ગઈ હતી. જસપ્રીત બુમરાહે અને બાદમાં શમીએ એક પછીએક ઈંગ્લીશ બોલરોને પેવેલિયનનો રસ્તો દેખાડ્યો હતો. કેટલાક દિગ્ગજ કહેવાતા મહત્વના ઈંગ્લીશ સ્ટાર ખાતુ પણ ખોલાવી શક્યા નહોતા અને પરત ફર્યા હતા. આ જે તારીખે ભારતીય બોલર જસપ્રીત બુમરાહે (Jasprit Bumrah) ઈંગ્લીશ મેનોને ગુમરાહ કરી દીધા એ 12 જુલાઈ હતી. આ તારીખ ઈંગ્લીશ ટીમને કાયમ માટે બરાબર યાદ રહી જશે. કારણ કે તેમના માટે આ તારીખ વન ડે ક્રિકેટમાં ભારે સાબિત થઈ છે. બરાબર આવુ જ મેચ વિનિંગ પ્રદર્શન 4 વર્ષ અગાઉ એક ભારતીય બોલરે કર્યુ હતુ. તેણે પણ ઈંગ્લેંડ સામે કહેર વર્તાવીને ધમાલ મચાવી દીધી હતી.
ઓવલમાં ભારતે પોતાનો દબદબો દેખાડ્યો અને પ્રથમ વનડેમાં ઈંગ્લેન્ડની ટીમ આંધી બની ગઈ. ન તો તેમના બેટ્સમેનોએ ભારતની બોલિંગનો કોઈ જવાબ બતાવ્યો કે ન તો બેટ્સમેનોને રોકવાની બોલિંગ યોજના. હવે આવી સ્થિતિમાં રોહિત શર્મા એન્ડ કંપનીએ જીતવું હતું, તેથી થયું. પરંતુ, 12 જુલાઈના રોજ આ જીતમાં જો કોઈએ સૌથી અજોડ છાપ છોડી હોય, તો તે જસપ્રિત બુમરાહ હતો.
12 જુલાઈ 2022 – બુમરાહે મેચમાં ઈંગ્લેન્ડનો ખેલ ‘ખતમ’ કર્યો
એક વાત સ્પષ્ટ છે કે, 12 જુલાઈની તારીખ ઈંગ્લેન્ડમાં ભારતીય બોલરોને પસંદ છે. જસપ્રીત બુમરાહે ઓવલ ખાતે રમાયેલી ODIમાં અત્યાર સુધીની તેની કારકિર્દીનું સર્વશ્રેષ્ઠ પ્રદર્શન કર્યું હતું. તેણે 7.2 ઓવર ફેંકી અને 19 રનમાં ઈંગ્લેન્ડના 6 બેટ્સમેનોને પેવેલિયન તરફ દોરી ગયા. જેમાં 3 વિકેટ ટોપ ઓર્ડરની હતી, 2 મિડલ ઓર્ડરની હતી અને 1 વિકેટ બોટમ ઓર્ડરની હતી. ઓવલમાં હીરો બનેલા બુમરાહના આ કરિશ્માપૂર્ણ પ્રદર્શનનું પરિણામ એ આવ્યું કે ભારતને માત્ર 111 રનનો જ ટાર્ગેટ મળ્યો, જે તેણે એકપણ વિકેટ ગુમાવ્યા વિના હાંસલ કરી લીધો અને 188 બોલ બાકી રહેતાં 10 વિકેટે મેચ જીતી લીધી.
12 જુલાઈ 2018 – કુલદીપની સ્પિનમાં બ્રિટિશ ફસાયા
પરંતુ બુમરાહે 12 જુલાઈ 2022ના રોજ ઓવલમાં ઈંગ્લેન્ડ વિરુદ્ધ જે કર્યું હતું, ભારતીય બોલર કુલદીપ યાદવે પણ 12 જુલાઈ 2018ના રોજ નોટિંગહામ મેદાન પર રમાયેલી ODIમાં ઈંગ્લેન્ડ વિરુદ્ધ આવુ જ કારનામું કર્યું હતુ. ત્યારે કુલદીપ યાદવે પોતાનું સર્વશ્રેષ્ઠ પ્રદર્શન કર્યું અને 10 ઓવરમાં 25 રન આપીને 6 વિકેટ લીધી હતી. ભારતે તે મેચ પણ 59 બોલ બાકી રહેતા 8 વિકેટે જીતી લીધી હતી.