Asian Games: 8 વર્ષે એશિયન ગેમ્સમાં ક્રિકેટ પરત ફર્યુ, આ મહત્વના કારણથી ટીમ ઇન્ડિયાના રમવા પર સસ્પેન્સ
ભારતીય પુરૂષ અને મહિલા ટીમ એશિયાડમાં રમશે કે નહીં તે અંગે હજુ સત્તાવાર રીતે કંઈ કહેવામાં આવ્યું નથી.
આ વર્ષે સપ્ટેમ્બરમાં યોજાનારી હેંગઝોઉ એશિયન ગેમ્સ (Hangzhau Asian Games) માં ક્રિકેટ પુનરાગમન કરી રહ્યું છે. પરંતુ, રોમાંચમાં થોડી કમી રહી શકે છે. ક્રિકેટ ચાહકોને નિરાશ થઈ શકે છે. કારણ છે આમાં ટીમ ઈન્ડિયા ના રમવા પર છવાયેલો સસ્પેન્સ છે. ઑસ્ટ્રેલિયામાં ઑક્ટોબરમાં યોજાનારા T20 વર્લ્ડ કપ (T20 World Cup) પહેલા ભારતીય ક્રિકેટ ટીમ (Indian Cricket Team) ને ઈજાથી સુરક્ષીત રાખવા માટે હેંગઝોઉ એશિયાડમાં ભાગ લેવાથી દૂર રહી શકે છે. ભારતીય પુરૂષ ક્રિકેટ ટીમ ઉપરાંત મહિલા ટીમની પણ તેમાં ભાગ લેવા પર સસ્પેન્સ છે.
ભારતની મહિલા ક્રિકેટ ટીમ એશિયાડ સમયે જ 3 ODI અને 3 T20 શ્રેણી રમવા માટે ઈંગ્લેન્ડ પ્રવાસ માટે રવાના થવાની છે. આવી સ્થિતિમાં, બની શકે છે કે મહિલા ટીમ પણ તે શ્રેણીને લઈને હેંગઝોઉ એશિયાડમાં રમતી જોવા ન મળે.
એશિયાડમાં રમવાનો નિર્ણય બાદમાં
જોકે, એશિયાડમાં ભારતીય પુરુષ અને મહિલા ટીમની રમત અંગે સત્તાવાર રીતે કંઈ કહેવામાં આવ્યું નથી. બીસીસીઆઈના સચિવ જય શાહે કહ્યું, “અમે તે સમયે અમારા કમિન્ટમેન્ટને ધ્યાનમાં રાખીને એશિયાડમાં પુરૂષ અને મહિલા ક્રિકેટ ટીમો મોકલવા પર અંતિમ નિર્ણય લઈશું.
ક્રિકેટ અગાઉ 2010 અને 2014 એશિયન ગેમ્સનો ભાગ હતો. ભારતીય ટીમે તેના વ્યસ્ત આંતરરાષ્ટ્રીય સમયપત્રકને ટાંકીને તેમાંથી હાથ બહાર કાઢી લીધો હતો. આ વખતે પણ કંઈક આવું જ જોવા મળી રહ્યું છે. 2018માં ઈન્ડોનેશિયામાં યોજાયેલી એશિયન ગેમ્સમાંથી ક્રિકેટને બાકાત રાખવામાં આવ્યું હતું.
બાંગ્લાદેશે 2010 એશિયન ગેમ્સમાં પુરૂષ ટીમ ગોલ્ડ મેડલ જીત્યો હતો જ્યારે ભારતે ભાગ લીધો ન હતો, જ્યારે પાકિસ્તાને મહિલા ટીમ જીતી હતી. તે જ સમયે, શ્રીલંકાએ 2014 એશિયન ગેમ્સમાં પુરૂષોની ટીમનો ગોલ્ડ મેડલ જીત્યો હતો, જ્યારે મહિલા ગોલ્ડ મેડલ અહીં પણ પાકિસ્તાને જીત્યો હતો.
એશિયન ગેમ્સ 15 દિવસ સુધી ચાલશે
2022 એશિયન ગેમ્સ 10 થી 25 સપ્ટેમ્બર દરમિયાન યોજાશે. ભારતે અત્યાર સુધીની દરેક એશિયન ગેમ્સમાં ઓછામાં ઓછો એક ગોલ્ડ મેડલ જીત્યો છે. આ ઉપરાંત, 1990 સિવાય દરેક વખતે એશિયન ગેમ્સની મેડલ ટેલીમાં ટોચની 10 ટીમોમાં સામેલ છે. એશિયન ગેમ્સમાં ભારતે અત્યાર સુધીમાં 139 ગોલ્ડ મેડલ, 178 સિલ્વર મેડલ અને 299 બ્રોન્ઝ મેડલ જીત્યા છે.
આ પણ વાંચોઃ IND vs WI: ટીમ ઇન્ડિયાની જીત છતા પણ કેપ્ટન રોહિત શર્મા ખેલાડીઓ પર નારાજ, ફિલ્ડીંગમાં નબળાઇને લઇ ઉઠાવ્યા સવાલ
આ પણ વાંચોઃ T20 World Cup Qualifier: ડેબ્યૂ મેચમાં જ ફટકારી દીધુ શતક, 22 વર્ષિય આ ખેલાડીએ 66 બોલમાં સૌથી મોટી ઇનીંગ રમી લઇ ગજબ કર્યો
Latest News Updates
