India Vs New Zealand : શું ભારત ન્યુઝીલેન્ડ સામે જીતશે ! ODI સિરીઝનું સંપૂર્ણ શેડ્યૂલ જાણો
ઓડીઆઈ ક્રિકેટમાં ભારતે ન્યુઝીલેન્ડ પર સરસાઈ મેળવી છે. ઘરઆંગણે ન્યુઝીલેન્ડ સામે ભારતનો રેકોર્ડ વધુ મજબૂત છે.
ભારત અને ન્યુઝીલેન્ડ વચ્ચે 18 જાન્યુઆરીથી 3 વનડે સિરીઝ રમાશે. સિરીઝની પ્રથમ મેચ હૈદરાબાદમાં રમાશે. છેલ્લી વખત બંને ટીમો વચ્ચે નવેમ્બરમાં વનડે સિરીઝ રમાઈ હતી. ન્યુઝીલેન્ડે યજમાની કરી અને સિરીઝ પણ 1-0થી કબજે કરી. ભારત પાસે પાછલી હારની બરાબરી કરવાની શાનદાર તક છે અને ઘરઆંગણે તેનો રેકોર્ડ પણ વધુ શાનદાર છે. આટલું જ નહીં ટીમ જીતના માર્ગે પણ આગળ વધી રહી છે. ભૂતકાળમાં તેણે શ્રીલંકાને ક્લીન સ્વીપ કર્યું હતું.
રોહિત શર્માની આગેવાનીમાં ભારતીય ટીમનું નિશાન ન્યુઝીલેન્ડ છે. તેનો પ્રયાસ હૈદરાબાદમાં જીત સાથે શરૂ કરીને તેનાથી લગભગ 800 કિમી દૂર રાયપુરમાં સિરીઝ કબજે કરવાનો રહેશે. બીજી વનડે રાયપુરમાં રમાશે.
ભારતનું પલડું ભારે છે
રાયપુરમાં સિરીઝ જીત્યા પછી, રોહિત શર્માની આગેવાની હેઠળની ટીમ લગભગ 800 કિમી દૂર ઇન્દોરમાં ન્યુઝીલેન્ડ પર ક્લીન સ્વીપ કરવા પર નજર રાખશે. ODI ક્રિકેટમાં બંને ટીમોના રેકોર્ડની વાત કરીએ તો આ ફોર્મેટમાં બંને 113 વખત સામસામે આવી ચૂક્યા છે. જ્યાં ભારત 55-50થી આગળ છે. એક મેચ ટાઈ રહી હતી અને 7 મેચનું પરિણામ આવ્યું ન હતું.
Get the latest from @glenndominic159 in Hyderabad ahead of Wednesday’s first ODI against India. #PAKvNZ #INDvNZ pic.twitter.com/Q04LyJiT8C
— BLACKCAPS (@BLACKCAPS) January 15, 2023
ઘરઆંગણે મજબૂત ભારત
ન્યુઝીલેન્ડ સામે ભારતનો ઘરઆંગણે રેકોર્ડ વધુ સારો છે. ઘરઆંગણે ભારત 26-8થી આગળ છે. વર્ષ 2000 થી અત્યાર સુધીમાં ન્યુઝીલેન્ડ માત્ર 4 વખત જ ODI ક્રિકેટમાં ભારતને તેના ઘરઆંગણે હરાવ્યું છે. ભારતમાં બંને વચ્ચે રમાયેલી છેલ્લી 5 વનડેમાં ન્યૂઝીલેન્ડ માત્ર બે વખત જ જીત્યું હતું. ન્યૂઝીલેન્ડે 2016 અને 2017માં જીત મેળવી હતી.
ભારત વિ ન્યુઝીલેન્ડ વનડે સિરીઝનું શેડ્યૂલ
| મેચ | તારીખ | સ્થળ |
| પ્રથમ ODI | 18 જાન્યુઆરી | હૈદરાબાદ |
| બીજી ODI | 21 જાન્યુઆરી | રાયપુર |
| ત્રીજી ODI | 24 જાન્યુઆરી | ઈન્દોર |
ભારત અને ન્યુઝીલેન્ડ ક્રિકેટ કાર્યક્રમ
18 જાન્યુઆરીથી વનડે સિરીઝ ભારત અને ન્યુઝીલેન્ડ વચ્ચે શરુ થઈ રહી છે. જેની પ્રથમ મેચ હૈદરાબાદમાં રમાશે. જ્યારે બીજી મેચ 21મી એ રાયપુર અને ત્રીજી 24 જાન્યુઆરીએ ઈન્દોરમાં રમાશે. ત્યાર બાદ બંને ટીમો વચ્ચે 27 જાન્યુઆરીથી 3 મેચોની ટી20 સિરીઝ રમાશે.13 જાન્યુઆરીએ 50-50 ઓવરની ડેનાઈટ મેચ કરાચીમાં પાકિસ્તાન અને ન્યુઝીલેન્ડ વચ્ચે રમાઈ હતી. જે મેચમાં ન્યુઝીલેન્ડે પાકિસ્તાનને 2 વિકેટે હાર આપી હતી. આ સાથે જ ન્યુઝીલેન્ડે પાકિસ્તાનને તેની જ ધરતી પર સિરીઝમાં હરાવ્યુ હતુ.
