IND vs WI: હાર્દિક પંડ્યાએ વેસ્ટ ઈન્ડિઝ પ્રવાસ દરમિયાન પોતાની આ ખાસ ઈચ્છા પૂરી કરી, પોતાના ફેવરિટ કિંગને મળીને ખુશ થઈ ગયો
હાર્દિક પંડ્યા (Hardik Pandya) હાલમાં ટીમ ઈન્ડિયા સાથે કેરેબિયન પ્રવાસ પર છે, જ્યાં ભારત અને વેસ્ટ ઈન્ડિઝ વચ્ચે પાંચ મેચની T20 શ્રેણી રમાઈ રહી છે.
ભારતીય ક્રિકેટ ટીમ (Indian Criket Team) આ દિવસોમાં વેસ્ટ ઈન્ડિઝના પ્રવાસે છે. ટીમ ઈન્ડિયા (Team India) એ પાંચ મેચોની સીરિઝની 3 મેચ રમી છે અને હવે બે મેચ બાકી છે. ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા (Hardik Pandya) માટે આ પ્રવાસ ઘણો ખાસ રહ્યો છે. એક, તેણે મુખ્યત્વે તેની બોલિંગથી જોરદાર પ્રદર્શન કર્યું છે, બીજું તે તેના મનપસંદ ખેલાડીને પણ મળ્યો છે. આ ખેલાડીને મળીને હાર્દિકને લાગે છે કે તેનો કેરેબિયન પ્રવાસ ખરા અર્થમાં ‘પૂર્ણ’ થયો છે.
હાર્દિકે કિરોન પોલાર્ડ સાથે મુલાકાત કરી હતી
હાર્દિક પંડ્યાએ ગુરુવાર, 4 ઓગસ્ટના રોજ તેના સોશિયલ મીડિયા એકાઉન્ટ પર કેટલીક તસવીરો પોસ્ટ કરી હતી. હાર્દિકની આ તસવીરો વેસ્ટ ઈન્ડિઝના પૂર્વ કેપ્ટન અને ઓલરાઉન્ડર કિરન પોલાર્ડ અને તેના પરિવાર સાથે હતી. પોતાના ફેવરિટ ‘કિંગ’ને મળ્યા બાદ હાર્દિક પંડ્યાએ સોશિયલ મીડિયા પર પોતાની ખુશી વ્યક્ત કરી હતી. બંને સ્ટાર્સ મુંબઈ ઈન્ડિયન્સમાં લાંબા સમય સુધી સાથે રહ્યા અને ત્યારથી તેઓ ખૂબ સારા મિત્રો પણ છે.
હાર્દિકે પોલાર્ડ અને તેના પરિવાર સાથેની પોતાની તસવીરો પોસ્ટ કરી અને હોસ્ટ કરવા બદલ આભાર માન્યો. સ્ટાર ભારતીય ઓલરાઉન્ડરે લખ્યું, ‘કોઈપણ કેરેબિયન પ્રવાસ ‘કિંગ’ ના ઘરની મુલાકાત લીધા વિના પૂર્ણ થઈ શકે નહીં. પોલી (પોલાર્ડ) મારો પ્રિય અને તમારો સુંદર પરિવાર, મને મહેમાનગતી કરાવવા બદલ મારા ભાઈનો આભાર.
No trip to the Caribbean is complete without a visit to the King’s home ❤️❤️ Polly my favourite and your beautiful family, thank you for hosting me my brother 🥰❤️😘 @KieronPollard55 pic.twitter.com/pGdhNX0n6l
— hardik pandya (@hardikpandya7) August 4, 2022
મુંબઈને 4 ટાઈટલ જીતાડ્યા
મુંબઈ ઈન્ડિયન્સમાં આ બે મજબૂત ઓલરાઉન્ડરોની મિત્રતાની સફર 2015ની આસપાસ શરૂ થઈ હતી. પોલાર્ડ 2010થી મુંબઈ સાથે હતો, પરંતુ હાર્દિકને મુંબઈએ 2015માં ખરીદ્યો હતો. ત્યારપછી બંનેએ મળીને મુંબઈને ચાર વખત ચેમ્પિયન બનાવવામાં મહત્વની ભૂમિકા ભજવી હતી. જો કે, આ સિઝનમાં આ બંનેનો સાથ છૂટી ગયો હતો, કારણ કે હાર્દિકને ટીમ દ્વારા રિલીઝ કરવામાં આવ્યો હતો અને તે હવે ગુજરાત ટાઇટન્સનો કેપ્ટન છે.
ટીમ ઈન્ડિયા ફ્લોરિડા જવા રવાના થઈ
જો કે, માત્ર હાર્દિક પંડ્યા જ નહીં પરંતુ સમગ્ર ભારતીય ટીમનો કેરેબિયન પ્રવાસ પૂર્ણ થઈ ગયો છે. આનો અર્થ એ નથી કે શ્રેણીને અધવચ્ચે જ સમાપ્ત કરી દેવામાં આવી છે. વાસ્તવમાં, પાંચ મેચોની આ શ્રેણીની છેલ્લી બે મેચ અમેરિકાના ફ્લોરિડા રાજ્યના લોડરહિલ શહેરમાં રમાનારી છે. ઘણા દિવસોની મહેનત બાદ તમામ ખેલાડીઓને છેલ્લી ઘડીએ અમેરિકામાં પ્રવેશવા માટે વિઝા મળી ગયા છે અને બધા નીકળી ગયા છે. આ મેચો 6 અને 7 ઓગસ્ટે ફ્લોરિડામાં રમાશે.
Latest News Updates
