IND vs SA: રાહુલ-પંતની ભૂલે શ્વાસ અધ્ધર કરી દીધા ત્યાં જ ટેમ્બા બાવુમાંની ઉતાવળે ગજબનો કોમેડી સીન બનાવી દીધો Video

બોલેન્ડ પાર્ક ખાતેની બીજી વનડેમાં પ્રથમ બેટિંગ કરતા ભારતીય ટીમે સતત બે ઓવરમાં ધવન અને કોહલીની વિકેટ ગુમાવી દીધી હતી અને ભૂલ ભૂલમાં ઝડપથી ત્રીજી વિકેટ ગુમાવવી પડી હોત.

દક્ષિણ આફ્રિકા પાસે રન આઉટનો આસાન મોકો આવ્યો હતો. જે ગુમાવીને ભારતની મુશ્કેલી ટાળી હતી

TV9 Gujarati | Edited By: Avnish Goswami | Updated on: Jan 21, 2022 | 5:04 PM

ભારત અને દક્ષિણ આફ્રિકા (India vs South Africa) વચ્ચે રમાઈ રહેલી શ્રેણીમાં કેટલીક શાનદાર સ્પર્ધા જોવા મળી છે. ટેસ્ટ શ્રેણીથી લઈને ODI શ્રેણી સુધી, કેટલાક ખેલાડીઓના લડાયક પ્રદર્શને બધાને પ્રભાવિત કર્યા છે. આ દરમિયાન કેટલાક પ્રસંગોએ બંને ટીમના ખેલાડીઓ વચ્ચે તણાવ અને ટકરાવ થયો હતો, જેના કારણે વાતાવરણમાં ગરમી વધી હતી. પરંતુ 21 જાન્યુઆરી, શુક્રવારના રોજ બંને ટીમના ખેલાડીઓએ સાથે મળીને એક એવો ‘કોમેડી સીન’ કર્યો, જેને જોઈને માત્ર હાસ્ય જ નહીં, પણ આશ્ચર્ય પણ થયું. જ્યાં એક ટીમની ભૂલનો ફાયદો ઉઠાવવાના પ્રયાસમાં બીજી ટીમે તેનાથી પણ મોટી ભૂલ કરી. ભારતીય કેપ્ટન કેએલ રાહુલ (KL Rahul), ઋષભ પંત (Rishabh Pant) અને દક્ષિણ આફ્રિકાના કેપ્ટન ટેમ્બા બાવુમા આ કોમેડી સાથે જોડાયો હતો.

બીજી ODI બંને ટીમો વચ્ચે પાર્લના બોલેન્ડ પાર્કમાં રમાઈ હતી, જેમાં ભારતીય ટીમે પ્રથમ બેટિંગ કરી હતી. ટીમ ઈન્ડિયા માટે કેપ્ટન કેએલ રાહુલ અને શિખર ધવનની ઓપનિંગ જોડીએ જોરદાર શરૂઆત કરી અને પ્રથમ વિકેટ માટે 63 રન જોડ્યા. ત્યારબાદ સતત બે ઓવરમાં ધવન અને વિરાટ કોહલી ચાલતો થયો. કોહલી 5 બોલ રમીને પણ પોતાનું ખાતું ખોલાવી શક્યો ન હતો અને આઉટ થઈને પાછો ફર્યો હતો. ત્યારપછી વિકેટકીપર-બેટ્સમેન ઋષભ પંત ક્રિઝ પર રાહુલને ટેકો આપવા આવ્યો અને માત્ર થોડા બોલમાં જ આ આશ્વર્યજનક દૃશ્ય જોવા મળ્યુ હતુ.

Comedy of errors 😂😂#INDvsSA #kholi #runout #comedy #SAvsIND pic.twitter.com/qpeh0RhnFr

— Professionalsportsfans (@PROFSPOFANS) January 21, 2022

પંત અને રાહુલ વચ્ચે ગેરસમજ સર્જાઇ

આ 15મી ઓવરની ઘટના છે. ડાબોડી સ્પિનર કેશવ મહારાજ બોલિંગ પર હતો અને ઋષભ પંત સ્ટ્રાઈક પર હતો. તે ઓવરનો છેલ્લો બોલ હતો. પંત મહારાજના આ બોલને શોર્ટ મિડવિકેટ તરફ રમ્યો અને રન બનાવીને આઉટ થયો. રાહુલ પણ બીજા છેડેથી રન માટે દોડ્યો હતો. પરંતુ પછી, ફિલ્ડરને આવતા જોઈને, પંત અટકી ગયો અને તેની ક્રિઝ પર પાછો ગયો, જ્યારે રાહુલ અધવચ્ચે જ અટકી ગયો અને તેની ક્રિઝ પર પાછા ફરવાને બદલે, પંત તરફ દોડ્યો. હવે બંને બેટ્સમેન એક જ ક્રીઝ પર હતા અને દક્ષિણ આફ્રિકાનો આસાન રન આઉટ નો મોકો સર્જાયો હતો.

ટેમ્બા બાવુમા તેનો શિકાર ચૂકી ગયો

પરંતુ દક્ષિણ આફ્રિકાના કેપ્ટન ટેમ્બા બાવુમાએ આ સમગ્ર દ્રશ્યને વધુ હાસ્યાસ્પદ બનાવ્યું હતું. બાવુમાએ ઝડપથી બોલ ઉપાડ્યો અને રનરના છેડે ઊભેલા કેશવ મહારાજને આપવાને બદલે તેણે સ્ટમ્પને નિશાન બનાવીને પૂરી તાકાતથી ફેંકી દીધો. ન તો બોલ સ્ટમ્પ પર અથડાયો કે ન તો મહારાજ તેને પકડીને રન આઉટ કરી શક્યા. દક્ષિણ આફ્રિકાની ટીમની ભૂલ જોઈને રાહુલ તરત જ પોતાની ક્રિઝ પર પાછો ફર્યો અને રનઆઉટ થવાથી બચી ગયો.

આ પછી રાહુલ અને પંત એકબીજાની સામે જોઈને કંઈક બોલતા રહ્યા, પરંતુ ટીમ ઈન્ડિયા માટે ‘ઓલ ઈઝ વેલ ઈન એન્ડ’. આ પછી બંનેએ ત્રીજી વિકેટ માટે ઝડપી અડધી સદીની ભાગીદારી કરી અને ટીમને મુશ્કેલ પરિસ્થિતિમાંથી બહાર કાઢી.