IND vs SA: દક્ષિણ આફ્રિકાની મેચ દરમિયાન જ દર્શકો વચ્ચે થઈ ગઈ ખૂબ મારામારી, પોલીસે મામલો થાળે પાડ્યો, જુઓ-Viral video
ભારત અને દક્ષિણ આફ્રિકા (IND vs SA) વચ્ચેની પ્રથમ T20 મેચમાં જ્યારે બેટ્સમેનો મેદાન પર રન વરસાવી રહ્યા હતા, ત્યારે સ્ટેન્ડમાં કેટલાક લોકો વચ્ચે ઝપાઝપી થઈ હતી અને તેનો વીડિયો પણ વાયરલ થઈ રહ્યો છે.
ગુરુવારે દિલ્હીના અરુણ જેટલી સ્ટેડિયમમાં ભારત અને દક્ષિણ આફ્રિકા (IND vs SA) વચ્ચે પાંચ મેચની T20 શ્રેણીની પ્રથમ મેચ રમાઈ હતી. આ મેચમાં મેદાન પર બંને ટીમો વચ્ચે જોરદાર જંગ જોવા મળ્યો હતો. આ ટક્કરમાં દક્ષિણ આફ્રિકાનો વિજય થયો હતો. સાઉથ આફ્રિકાના બેટ્સમેનોએ ચોગ્ગા અને છગ્ગાનો વરસાદ કર્યો હતો અને ભારતીય બોલરો પર જોરદાર વરસાદ વરસાવ્યો હતો. એક તરફ જ્યાં બેટ્સમેનો મેદાન પર રન ઠાલવી રહ્યા હતા તો બીજી તરફ દર્શકો વચ્ચે સ્ટેન્ડમાં મુક્કાઓ પણ જોવા મળ્યા હતા. સોશિયલ મીડિયા પર એક વીડિયો વાયરલ (Viral video) થઈ રહ્યો છે જે ભારત અને દક્ષિણ આફ્રિકા (India Vs South Africa) વચ્ચેની મેચનો જણાવવામાં આવી રહ્યો છે. આ વીડિયોમાં કેટલાક લોકો લડતા જોવા મળી રહ્યા છે.
પોલીસે દરમિયાનગીરી કરી
આ વીડિયોમાં ત્રણ લોકો એક છોકરાને માર મારતા જોવા મળી રહ્યા છે અને આ છોકરો ત્રણેય સાથે એકલો લડી રહ્યો છે. બધા વચ્ચે જોરદાર ઝપાઝપી થઈ અને મુક્કા માર્યા. ત્યાં ઉભેલા દર્શકો આ બધું જોઈ રહ્યા હતા. એટલામાં એક પોલીસકર્મી એ દોડી આવીને છુટા પાડવા પ્રયાસ કર્યો હતો. પોલીસ કર્મીએ બધાને અલગ કર્યા. આ વિવાદ શા માટે થયો તેનું કોઈ કારણ બહાર આવ્યું નથી.
ખૂબ થઈ મારામારી
Exclusive video from #QilaKotla yesterday East Stand pic.twitter.com/CXgWMOse87
— Pandit Jofra Archer (@Punn_dit) June 10, 2022
ભારતનો પરાજય થયો હતો
આ મેચમાં ભારતને હારનો સામનો કરવો પડ્યો હતો. પ્રથમ બેટિંગ કરતા ભારતીય બેટ્સમેનોએ 20 ઓવરમાં 211 રનનો વિશાળ સ્કોર બનાવ્યો હતો. આ સ્કોર જોયા બાદ એવું લાગી રહ્યું હતું કે ટીમ ઈન્ડિયા આ મેચ સરળતાથી જીતી જશે. તેણે પણ સારી શરૂઆત કરી હતી અને દક્ષિણ આફ્રિકાને પ્રારંભિક આંચકો આપ્યો હતો, પરંતુ ડેવિડ મિલર અને રાસી વાન ડેર ડુસેને આતશી ઈનીંગ રમીને દક્ષિણ આફ્રિકાને હરાવ્યું હતું. પાંચ બોલ પહેલા આ મેચમાં ભારતને સાત વિકેટથી કારમી હારનો સામનો કરવો પડ્યો હતો અને આ સાથે દક્ષિણ આફ્રિકાએ 1-0 ની સરસાઈ મેળવી હતી.
વાપસી પર નજર
હવે બંને ટીમો કટકમાં સામસામે ટકરાશે. બીજી મેચ રવિવારે બારાબતી સ્ટેડિયમમાં રમાશે. આ મેચમાં ભારતની નજર પુનરાગમન પર રહેશે. ગત મેચની જેમ આ મેચમાં પણ બંને ટીમો વચ્ચે રસપ્રદ મુકાબલો થવાની આશા છે. આ મેચમાં નજર બંને ટીમોની બોલિંગ પર રહેશે, જેમણે પાછલી મેચોમાં રન લૂટાવ્યા હતા.
Latest News Updates
