IND vs SA: બે મિનિટનો સમય લઈ આફ્રિકન કેપ્ટન મેદાન છોડી બહાર ગયો અને બાદમાં લીધો મોટો નિર્ણય
ગુવાહાટી ટેસ્ટના ત્રીજા દિવસે ભારત ફક્ત 201 રનમાં ઓલઆઉટ થઈ ગયું હતું. દક્ષિણ આફ્રિકાના કેપ્ટન ટેમ્બા બાવુમાએ 288 રનની લીડ હોવા છતાં ભારતને ફોલોઓન ના આપ્યું. મેચ દરમિયાન એક રસપ્રદ દ્રશ્ય જોવા મળ્યું.
ગુવાહાટી ટેસ્ટના ત્રીજા દિવસે આફ્રિકાએ ભારતને પ્રથમ ઇનિંગમાં માત્ર 201 રનમાં ઓલઆઉટ કરી દીધું, જેનાથી આફ્રિકાને 288 રનની લીડ મળી. ટીમ ઇન્ડિયાને આઉટ કર્યા પછી તરત જ દક્ષિણ આફ્રિકાએ એક આશ્ચર્યજનક નિર્ણય લીધો. 288 રનની લીડ છતાં આફ્રિકાએ ફોલો-ઓન લાગુ કર્યો નહીં. જોકે, આ નિર્ણય પહેલા ટેમ્બા બાવુમાએ જે કર્યું તે સોશિયલ મીડિયા પર વાયરલ થયું.
ટેમ્બા બાવુમા મેદાન છોડીને બહાર ગયો
હકીકતમાં, દક્ષિણ આફ્રિકાના કેપ્ટને મેદાનમાંથી ફોલો-ઓન લાગુ ન કરવાનો નિર્ણય લીધો. ટીમ ઈન્ડિયા ઓલઆઉટ થતાં જ અમ્પાયરોએ ટેમ્બા બાવુમાને ફોલો-ઓન વિશે પૂછ્યું અને તે બે મિનિટ બાકી રહેતા મેદાન છોડીને બહાર ગયો.
ટીમ મેનેજમેન્ટ સાથે ચર્ચા કરી
ટેમ્બા બાવુમાના અચાનક મેદાનમાંથી ભાગી જવાનું કારણ એ હતું કે તે ટીમ મેનેજમેન્ટને આ વિશે પૂછવા માંગતો હતો. ટેમ્બા બાવુમાએ અમ્પાયરો પાસેથી બે મિનિટ લીધી અને સીધો ડ્રેસિંગ રૂમમાં દોડી ગયો અને ટીમ મેનેજમેન્ટ સાથે ચર્ચા કર્યા પછી તેણે ફરીથી બેટિંગ કરવાનો નિર્ણય લીધો.
After a discussion with the team management, Proteas skipper Temba Bavuma has opted not to enforce the follow-on and has asked for the light roller.
South Africa will head out to bat again. #INDvSA #TestCricket #Sportskeeda pic.twitter.com/1i47TXfFgQ
— Sportskeeda (@Sportskeeda) November 24, 2025
બાવુમાએ શું માંગણી કરી?
ત્યારબાદ બાવુમાએ મેદાનની બહારના અમ્પાયરોને પિચ પર રોલર ફેરવવામાં આવે તેવી માંગણી કરી. બાવુમાએ આ માંગણી એટલા માટે કરી કારણ કે તેઓ ઇચ્છતા હતા કે આગામી દિવસોમાં પિચ વધુ તૂટી જાય, કારણ કે ટીમ ઈન્ડિયા આ પિચ પર અંતિમ ઇનિંગ રમશે. નોંધનીય છે કે દક્ષિણ આફ્રિકા પહેલી ટીમ છે જેણે આટલી મોટી લીડ મેળવ્યા પછી ભારતીય ભૂમિ પર ટીમ ઈન્ડિયા સામે ફોલો-ઓન લાગુ કર્યું નથી.
માર્કો યાનસને મચાવી તબાહી
માર્કો યાનસનની ઝડપી બોલિંગને કારણે દક્ષિણ આફ્રિકા ગુવાહાટી ટેસ્ટ જીતવાની સ્થિતિમાં હતું. ડાબોડી બોલરે માત્ર 48 રન આપીને છ વિકેટ લીધી. જાનસેને ધ્રુવ જુરેલ, રિષભ પંત, રવિન્દ્ર જાડેજા અને નીતિશ કુમાર રેડ્ડી જેવા બેટ્સમેનોને આઉટ કરીને ભારતીય મિડલ ઓર્ડર બેટિંગ ક્રમની કમર તોડી નાખી. જાનસેન ઉપરાંત હાર્મરે ત્રણ અને મહારાજે એક વિકેટ લીધી હતી.
આ પણ વાંચો: વર્લ્ડ ચેમ્પિયન ક્રિકેટરોની મહેનતની કિંમત ફક્ત 3,000 રૂપિયા ! વર્લ્ડ કપ જીતનાર બ્લાઇન્ડ ટીમની આ છે હાલત
