Virat Kohli Video: ગાબામાં આકાશદીપની સિક્સર જોઈ વિરાટ કોહલી ખુશીથી જૂમી ઉઠ્યો, જુઓ વીડિયો
ભારતીય ટીમે ગાબા ટેસ્ટમાં ફોલોઓન ટાળ્યું છે. આકાશદીપ અને જસપ્રીત બુમરાહે 11મી વિકેટ માટે 39 રનની અણનમ ભાગીદારી કરીને આ અસંભવને શક્ય બનાવી દીધું હતું. તેની ઈનિંગ દરમિયાન આકાશદીપે શાનદાર સિક્સર ફટકારી, જેના પર વિરાટની પ્રતિક્રિયા વાયરલ થઈ રહી છે.
ગાબા ટેસ્ટના ચોથા દિવસે, ભારતે નંબર 11 બેટ્સમેન આકાશદીપ અને જસપ્રીત બુમરાહ વચ્ચેની 39 રનની શાનદાર ભાગીદારીના આધારે ફોલોઓન ટાળ્યું હતું. પોતાની બેટિંગ દરમિયાન આકાશદીપે શાનદાર સિક્સર ફટકારી, જેના પછી વિરાટ કોહલી ખુશીથી કૂદવા લાગ્યો, તેની પ્રતિક્રિયાનો વીડિયો સોશિયલ મીડિયા પર વાયરલ થઈ રહ્યો છે. રસપ્રદ વાત એ છે કે વિરાટ કોહલી એટલો ખુશ દેખાઈ રહ્યો હતો કે તેના મોઢામાંથી અપશબ્દો પણ નીકળી ગયા. ચાલો તમને જણાવીએ કે આ બધું કેવી રીતે બન્યું?
આકાશદીપની સિક્સર, ડ્રેસિંગ રૂમમાં ખુશીની લહેર
ટીમ ઈન્ડિયાની ઈનિંગની 75મી ઓવરમાં પેટ કમિન્સ બોલિંગ કરવા આવ્યો હતો. ટીમ ઈન્ડિયાને ફોલોઓન બચાવવા માટે માત્ર ચાર રન બનાવવા પડ્યા હતા. આકાશદીપ કમિન્સ સામે હતો. કમિન્સના શોર્ટ ઓફ ગુડ લેન્થ બોલ પર આકાશદીપે સ્લિપની ઓવરમાં ચોગ્ગો ફટકાર્યો હતો. આ સાથે ભારતીય ડ્રેસિંગ રૂમમાં ખુશીની લહેર છવાઈ ગઈ હતી. ટીમ ઈન્ડિયાને 13 વર્ષ બાદ ફોલોઓનનો ખતરો હતો, પરંતુ આકાશદીપે તેને ટાળી દીધો હતો. આ પછી આકાશદીપે કંઈક એવું કર્યું જેની કોઈએ અપેક્ષા પણ નહોતી કરી. આકાશ દીપે મિડ-વિકેટ વિસ્તારમાં કમિન્સના ચોથા બોલ પર લાંબી સિક્સર ફટકારી હતી.
વિરાટની પ્રતિક્રિયા વાયરલ થઈ
આકાશદીપની શાનદાર સિક્સ જોઈને વિરાટ કોહલી ઘણો ખુશ થઈ ગયો. તે ડ્રેસિંગ રૂમમાં પોતાની સીટ પરથી કૂદી ગયો. આ ખુશીમાં તેના મોઢામાંથી ગાળો પણ નીકળી ગઈ. બીજી તરફ કેપ્ટન રોહિત શર્મા ખુશીથી તાળીઓ પાડતો જોવા મળ્યો હતો અને મુખ્ય કોચ ગૌતમ ગંભીર પણ ખૂબ ખુશ દેખાતા હતા.
Kohli reaction after Akashdeep hitting Six #INDvsAUS #viral #ViratKohli #Bumrah #akashdeep #RohitSharma pic.twitter.com/XklWjkW9eh
— vk18 (@king19mahadev) December 17, 2024
39 રનની શાનદાર ભાગીદારી
66મી ઓવરમાં રવીન્દ્ર જાડેજાના આઉટ થતાં જ લાગી રહ્યું હતું કે હવે ટીમ ઈન્ડિયા ફોલોઓન ટાળી શકશે નહીં. પરંતુ બુમરાહ અને આકાશદીપના ઈરાદા અલગ હતા. બંને ખેલાડીઓએ સકારાત્મક વિચારસરણી સાથે બેટિંગ કરી હતી. બુમરાહે કમિન્સના બોલ પર અદભૂત સિક્સર ફટકારી હતી અને આકાશદીપે પણ મુક્તપણે સ્ટ્રોક રમ્યા હતા. દિવસની રમતના અંત સુધીમાં તેણે 2 ચોગ્ગા અને એક છગ્ગાની મદદથી 27 રન બનાવ્યા હતા અને બુમરાહ પણ 10 રન બનાવીને અણનમ રહ્યો હતો. એકંદરે બંને વચ્ચે 39 રનની ભાગીદારી ટીમ ઈન્ડિયા માટે ઘણી મહત્વની સાબિત થઈ છે.
આ પણ વાંચો: IND vs AUS : ગાબા ટેસ્ટમાં ચોથા દિવસની રમત સમાપ્ત, ભારતે ફોલોઓન ટાળ્યું
